1 Juan 4:12 - Kaqchikel Santo Domingo (Xenacoj)

¹² Ri Dios ma jumbꞌey tzꞌeton ruwech roma jun wineq, pero si ndiqajoꞌ qiꞌ chiqawech, rijaꞌ jumul xe jun rubꞌanun qikꞌin, y keriꞌ qetaman chi tzꞌaqet ngojojowan.

နောက်ထပ်ဗားရှင်းများ

Kaqchikel Santa Maria de Jesus

¹² Man jun tzꞌatayuon roch ri Dios. Pero xa nakajo-kiꞌ, can kꞌalaj chi ri Dios cꞌo riqꞌuin kánima. Ruma ri amor richin ri Dios nuꞌon chika chi más nakajo-kiꞌ.

Kaqchiquel Bible

¹² Roma wi niqajowala-qi' chiqawech, kan niq'alajin chi ri Dios k'o pa taq qánima, stape' rija' man jun tz'eteyon richin. Y chuqa' ri ajowabel richin rija' nik'iy y niwachin pa qak'aslen.

Kaqchikel Central Guatemala

¹² Roma vi nikajovala-ki', can nik'alajin chi ri Dios c'o pa tak kánima, stape' rija' man tz'etel ta. Y chuka' ri ajovabel richin rija' niq'uiy y nivachin pa kac'aslen.

Re C'ac'a Testamento pa Kach'abal

¹² Roma vo xa nakajo-ki', can k'alaj che re Dios c'o pa tak kánma, astapa' reja' man nitz'et-ta. Y chuka' reja' roma camas nijovan nuban chuka' chaka yoj che camas yojovan.

Kaqchikel Western Solola

¹² Majun winek tz'eteyon ta ruwech ri Dios. Pero wi nikajo' ki', nik'alajin chi ri Dios can c'o pa tak kánima. Y ri ajowabel riche (rixin) ri Dios can tz'aket ri c'o kiq'ui.

1 Juan 4:12 ပူးပေါင်းရင်းမြစ်များ

San Juan 1:18

Ma jun wineq tzꞌeteyon richin ri Dios, xaxe ri junayon Rukꞌajol ri achoq ikꞌin jun ránima rubꞌanun tzꞌeteyon richin, y ja rijaꞌ ri qꞌalajrisayon chiqawech runoꞌoj ri Tataꞌaj Dios.

1 Corintios 13:13

Chupan re tiempo re rojkꞌo, kꞌo oxiꞌ achike pa qakꞌaslen roj wineq ri ma ndikꞌis ta kiqꞌij. Jun ja ri kuqul qakꞌuꞌx rikꞌin ri Ajaw, jun chik, ja ri qoyobꞌen chi ri Dios xtuyaꞌ chaqe ri rusujun, y ri jun chik ja ri ngojojowan rikꞌin nojel qánima. Pero chikiwech ri oxiꞌ riꞌ, ri más kꞌo reqalen ja ri ngojojowan rikꞌin nojel qánima.

1 Timoteo 1:17

Romariꞌ, ¡kin ta jumul xtiyoꞌox ruqꞌij ri Dios ri kin Rey wi chin jumul. Rijaꞌ ma nditzꞌetetej ta y jumul kꞌo rukꞌaslen y kin xe wi rijaꞌ Dios! Amén.

1 Timoteo 6:16

Y ja rijaꞌ ri jumul kꞌo rukꞌaslen, y kꞌo pa jun lugar apeꞌ nojel ndiyikꞌan, apeꞌ nixta jun wineq nditiker ndeqaqa, y chuqaꞌ nixta jun wineq tzꞌeteyon richin y nixta xtitzꞌetetej. ¡Ja rijaꞌ ri tinimrisex rubꞌiꞌ y pa ruqꞌaꞌ rijaꞌ tikꞌojeꞌ jumul nojel uchuqꞌaꞌ! Amén.

Hebreos 11:27

Ri Moisés roma kuqul rukꞌuꞌx rikꞌin ri Dios, ma xuxibꞌij ta riꞌ chuwech royowal ri Faraón, xa kin xuyaꞌ kan ri rochꞌulew Egipto, y ma jumbꞌey xtzolij kan chirij porque kin achel ta xutzꞌet ri Dios ri ma nditzꞌetetej ta.

1 Juan 2:5

Pero ri ndiniman rutzij ri Dios, pa rukꞌaslen ri jun riꞌ, ndiqꞌalajin chi kin qetzij ndojowan achel ndojowan ri Dios. Y jareꞌ ri ndikꞌutu chi xe jun qabꞌanun rikꞌin ri Dios:

1 Juan 3:24

Y ri ndiniman ri ndubꞌij ri ru-mandamientos ri Dios, jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ. Y qetaman chi ri Dios jumul xe jun rubꞌanun qikꞌin roma ruyoꞌon ri Espíritu Santo chaqe.

1 Juan 4:16

Y roj qetaman y ndiqataqij chi ri Dios ngojrajoꞌ. Ri Dios kin richin wi chi ndojowan, y ri jun ri jumul ndojowan, jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ.

1 Juan 4:20

Si kꞌo jun ri kereꞌ ndubꞌij: Riyin niwojoꞌ ri Dios, ndichajeꞌ, pero xa itzel ndutzꞌet ruwech ri ru-hermano, xa ndireqꞌon. Porque si ma ndirajoꞌ ta ri ru-hermano ri kin ndutzꞌet wi ruwech, ma nditiker ta chuqaꞌ ndirajoꞌ ri Dios, ri ma jumbꞌey rutzꞌeton.

1 Juan 4:6

Jakꞌa roj, roj richin ri Dios, y ri wineq ri ketaman runoꞌoj ri Dios ndikitaqij ri ndiqabꞌij, pero ri wineq ri ma erichin ta ri Dios ma ndikitaqij ta ri ndiqabꞌij. Rikꞌin reꞌ ndiqetamaj achike jun kꞌo ri Espíritu chin ri qetzij pa ránima, y achike jun kꞌo ri espíritu chin chꞌakatinik pa ránima.