1 Corintios 9:5 - Kaqchikel Santo Domingo (Xenacoj)

⁵ Rukꞌulun chuqaꞌ chi ndiqabꞌen achel ndubꞌen ri Pedro, y ri eruchaqꞌ ri Ajaw, y ri chꞌaqa chik apóstoles. Rejeꞌ chikijununal ndikikꞌuaj kixjayil ri kitaqin chuqaꞌ ri Ajaw apejeꞌ ngebꞌa chin ndekibꞌanaꞌ rusamaj ri Ajaw.

နောက်ထပ်ဗားရှင်းများ

Kaqchikel Santa Maria de Jesus

⁵ ¿Man otz ta came nakaꞌan jeꞌ incheꞌl ri Pedro y ri nicꞌaj chic apóstoles? Ijejeꞌ i-cꞌulan quiqꞌuin hermanas y ncaꞌquichꞌilaj antok niquibꞌanaꞌ rusamaj ri Dios. Y quireꞌ jeꞌ niquiꞌan ri i-ruchakꞌ ri Kajaf Jesús.

Kaqchiquel Bible

⁵ ¿Man ruk'amon ta kami chi jujun chiqe roj nikik'uaj ta kixjayilal toq yojel-el chubanik rusamaj ri Dios, achi'el nikiben ri Pedro, ri ch'aqa' chik ri e taqon roma ri Cristo y ri e rach'alal ri qajaw Jesús?

Kaqchikel Central Guatemala

⁵ ¿Man utz ta cami chi nikaben achi'el ri kach'alal Pedro y ri ch'aka' chic apóstoles? Roma rije' e c'ulan quiq'uin ixoki' ri e kach'alal, y ri quixjaylal yebe quiq'uin tok yebe chubanic ri rusamaj ri Dios. Y que chuka' ri' niquiben ri e rach'alal ri Kajaf Jesús.

Re C'ac'a Testamento pa Kach'abal

⁵ Y chuka' yoj can otz nakaban ancha'l nuban re apóstol Pedro y re nic'aj chic apóstoles. Roma reje' c'o quixiylal re quiniman chic re Jesucristo, y re ixoki' re' can ye'ba chiquij re quichijlal tak ye'ba chubanic re rusamaj re Dios. Y quire' chuka' niquiban re je ruch'alal re Kajaf Jesús.

Kaqchikel Western Solola

⁵ ¿La ma ruc'amon ta cami chi nikaben riyoj achi'el ri kach'alal Pedro y ri nic'aj chic apóstoles? Ruma riye' c'o quixjayil y yecachibilaj el tek yebe chubanic ri rusamaj ri Dios. Y queri' chuka' niquiben ri ye rach'alal ri Kajaf Jesús.

1 Corintios 9:5 ပူးပေါင်းရင်းမြစ်များ

San Juan 1:42

Y ri Andrés xukꞌuaj ri Simón chuwech ri Jesús, y atoq ri Jesús xutzꞌet ri Simón, xubꞌij chare: Rat, rat Simón rukꞌajol ri Juan, pero wokami Cefas ndabꞌiniꞌaj, xchajeꞌ. Y ri bꞌiꞌaj Cefas ndubꞌij tzij, Pedro.

San Mateo 8:14

Atoq ri Jesús xbꞌeqaqa pa rachoch ri Pedro, xutzꞌet chi ri rujiteꞌ ri Pedro katzꞌal chochꞌat roma kꞌo kꞌaten chirij.

Hebreos 13:4

Chiꞌiwonojel tibꞌanaꞌ respetar kikꞌaslen ri achi rikꞌin ri rixjayil, man ta jun tukanoj rukꞌexel ri achoq ikꞌin kꞌulan. Porque ri Dios nduqꞌet tzij pa kiwiꞌ ri ndikikanolaꞌ rukꞌexel ri achoq ikꞌin ekꞌulan, y nduqꞌet tzij chuqaꞌ pa kiwiꞌ ri ndikikꞌamalaꞌ qa kiꞌ xa achoq na ikꞌin chin ndikibꞌen mak.

Gálatas 1:19

Chiriꞌ ma jun apóstol más xintzꞌet ruwech, xaxe ri Santiago ri ruchaqꞌ ri Ajaw Jesucristo.

1 Corintios 7:39

Ri ixaq kꞌo rachijil, ximil rikꞌin atoq kꞌa kꞌes na, pero si ri achi ndiken, ri ixaq kꞌo cheꞌel ndikꞌuleꞌ rikꞌin jun chik achi si keriꞌ ndirajoꞌ. Pero ndikꞌatzin chi ri achi achoq ikꞌin ndikꞌuleꞌ rutaqin ri Ajaw.

1 Corintios 7:7

Riyin tzꞌan niwojoꞌ chi konojel ngekꞌojeꞌ achel riyin. Pero ri Dios jalajaj qabꞌanik rubꞌanun chaqe chiqajununal; jun wi rubꞌanun chare jun, y jun chi wi rubꞌanun chare jun chik.

Hechos 1:14

Konojel rejeꞌ xe jun kánima kibꞌanun ngetajin rikꞌin oración junan kikꞌin ri ixoqiꞌ ri xeꞌoqan richin ri Jesús, kikꞌin chuqaꞌ ri eruchaqꞌ ri Jesús, y ri María ri ruteꞌ.

Tito 1:6

Y jun ri ndok ukꞌuey bꞌey chikiwech ri ndikimal kiꞌ pa rubꞌiꞌ ri Dios, ndikꞌatzin chi rukꞌuan jun chojmilej kꞌaslen, chin keriꞌ ma jun itzel ndilitej pa rukꞌaslen. Y ndikꞌatzin chi xaxe jun rixjayil kꞌo y chi kitaqin chuqaꞌ ri Jesucristo ri eralkꞌuaꞌl, y man ta ndibꞌix chikij ri eralkꞌuaꞌl chi kikꞌuan xa apux chi kꞌaslen o ma ngeniman ta.

1 Timoteo 5:2

Ri hermanas erijilej chi ok, kaꞌapixabꞌaj achel kin ta chare ateꞌ ngachꞌaꞌa keriꞌ. Y ri xtaniꞌ, rikꞌin chꞌajchꞌaj awánima kaꞌapixabꞌaj, achel ta chake eꞌawanaꞌ ngachꞌaꞌa keriꞌ.

1 Timoteo 3:2

Pero ri ukꞌuey bꞌey, ndikꞌatzin chi kereꞌ ndiqꞌalajin pa rukꞌaslen: Man ta jun itzel ndibꞌix chirij ri kꞌaslen rukꞌuan, xaxe jun rixjayil kꞌo, retaman nduqꞌet riꞌ rikꞌin ri ngerubꞌanalaꞌ, kin ndikaney runoꞌoj, kin utz nditzꞌetetej rukꞌaslen koma chꞌaqa chik, jabꞌel ndukꞌen apu kiwech pa rachoch ri epataneq jukꞌan chik apeꞌ, jabꞌel nditiker nduyaꞌ tijonik pa ruwiꞌ ri rutzij ri Dios,

1 Corintios 7:15

Pero si ri ma rutaqin ta ri Ajaw ndirajoꞌ ndujech e riꞌ, ri rutaqin ri Ajaw, tuyaꞌ e qꞌij chare chi ndibꞌa. Ri rutaqin ri Ajaw, ma por fuerza ta ndikꞌojeꞌ rikꞌin ri ndirajoꞌ ndibꞌa, porque ri Dios ma xixroyoj ta chin por fuerza ikꞌuan iwiꞌ rikꞌin jun ri ma rutaqin ta, xixroyoj chin kꞌo uxlanen chiꞌikajal.

1 Corintios 1:12

Ri niwojoꞌ nibꞌij chiwa jareꞌ: Chiꞌikajal rix ekꞌo ri ndikibꞌij: Riyin woqan ri Pablo. Chꞌaqa chik ndikibꞌij: Riyin woqan ri Apolos. Chꞌaqa chik ndikibꞌij: Riyin woqan ri Cefas. Y chꞌaqa chik ndikibꞌij: Riyin ja ri Cristo woqan, ngechajeꞌ.

Romanos 16:1

Nikꞌutuj nukamelal chiwa pa ruwiꞌ ri qa-hermana Febe, jun diaconisa chikikajal ri hermanos ri ndikimal kiꞌ pa rubꞌiꞌ ri Ajaw pa tinamit Cencreas,

San Juan 2:12

Atoq xqꞌax yan ri kꞌulubꞌik, ri Jesús, ri eruchaqꞌ, ri ruteꞌ, y ri ru-discípulos xebꞌa qa pa tinamit Cafarnaúm. Y chiriꞌ xekꞌojeꞌ kaꞌi-oxiꞌ qꞌij.

San Lucas 6:15

ri Mateo, ri Tomás, ri Santiago rukꞌajol ri Alfeo, ri Simón ri ndibꞌix Celote chare,

Marcos 6:3

¿Ma ja ta kami reꞌ ri carpintero, ral ri María, kinimal ri Santiago, ri José, ri Judas y ri Simón? ¿Ma ekꞌo ta kꞌa chireꞌ pa qatinamit ri eranaꞌ? ngechajeꞌ. Y ri wineq itzel ndikinaꞌ chare roma ri ngerubꞌanalaꞌ ri Jesús.

Marcos 1:30

Ri rujiteꞌ ri Simón katzꞌal chochꞌat roma kꞌo kꞌaten chirij, y ja paqiꞌ xkibꞌij chare ri Jesús chi ri ixaq riꞌ ndiyawej.

San Mateo 13:55

¿Ma ja ta kami reꞌ rukꞌajol ri carpintero? ¿Ma ja ta kami ri María ri ruteꞌ? ¿Ma ja ta kami ri Santiago, ri José, ri Simón y ri Judas ri eruchaqꞌ?

1 Timoteo 4:3

Ndikibꞌij chi xajan ngekꞌuleꞌ ri wineq, ndikibꞌij chuqaꞌ chi xajan ngekꞌuxeꞌ jujun achike ri ebꞌanun roma ri Dios chin rikꞌin matioxinik ngekꞌux koma ri ketaman utz-utz ri qetzij y kitaqin ri Ajaw.

1 Corintios 7:8

Wokami chake ri kiyon ekꞌo y chake ri malkaꞌ teq ixoqiꞌ nibꞌij: Utz chi ngekanej achel nubꞌanun riyin ri nuyon yinkꞌo.

San Lucas 8:20

Y kereꞌ xbꞌix apu chare ri Jesús: Ri ateꞌ y ri eꞌachaqꞌ ekꞌo e saqil y ndikajoꞌ ngatikitzꞌet.