1 Corintios 8:13 - Kaqchikel Santo Domingo (Xenacoj)

¹³ Roma kꞌa riꞌ, si riyin roma nikꞌux tiꞌij sujun chikiwech tiox nibꞌen chare jun hermano chi ndiril jun achike roma nduyaꞌ kan ri Dios, xa más utz chi ma jumbꞌey chik nikꞌux tiꞌij sujun chikiwech tiox.

နောက်ထပ်ဗားရှင်းများ

Kaqchikel Santa Maria de Jesus

¹³ Rumareꞌ xa ruma ri chꞌac nitej, nitzak can jun hermano, man nitej ta chic chꞌac. Inreꞌ man nivajoꞌ ta chi vuma inreꞌ nitzak jun hermano.

Kaqchiquel Bible

¹³ Roma ri' yin wi nintz'et chi jun wach'alal nitzaq pa mak roma nintej ti'ij, ¡wi keri', yin man jun bey chik xtintej ti'ij!

Kaqchikel Central Guatemala

¹³ Romari' yin man nintej ta ti'ij, vi nintz'et chi nuben chire jun vach'alal chi nitzak. Man ninvajo' ta chi voma ta yin nitzak jun vach'alal.

Re C'ac'a Testamento pa Kach'abal

¹³ Mare' yen man nintaj-ta ti'ij, vo xa nintz'at che rutzij re' nitzak jun hermano. Man ninjo-ta che voma yen nitzak.

Kaqchikel Western Solola

¹³ Rumari' riyin ma ntij ta ti'ij, wi ntz'et chi nuben chare jun kach'alal chi nitzak. Ma nwajo' ta chi wuma ta c'a riyin nitzak jun kach'alal.

1 Corintios 8:13 ပူးပေါင်းရင်းမြစ်များ

Romanos 14:21

Romariꞌ nibꞌij chiwa: Más utz ma tiqakꞌux tiꞌij, nixta tiqatij vino, nixta tiqabꞌen jun achike ri ndubꞌen chare jun hermano chi nduyaꞌ kan ri Dios.

2 Corintios 11:29

Porque atoq jun chikikajal ri ralkꞌuaꞌl ri Dios maneq ruchuqꞌaꞌ ndunaꞌ pa rukꞌaslen, riyin chuqaꞌ ninaꞌ pa wánima ri nduqꞌasaj, y si kꞌo jun ndibꞌan chare chi ndiril jun roma nduyaꞌ kan ri Dios, riyin ndiyakatej woyowal roma keriꞌ ndibꞌanatej.

2 Corintios 6:3

Roj ndiqatij qaqꞌij chi ndiqabꞌen nojel pa ruchojmil, chin keriꞌ ma romak ta jun ma utz ta xtiqabꞌen, ekꞌo wineq xtikiyaꞌ kan ri Ajaw, y romariꞌ xtiyoqꞌotej ri samaj ndiqabꞌen pa rubꞌiꞌ.

1 Corintios 13:5

Ri ndojowan rikꞌin nojel ránima, ma ndubꞌen ta ri ma rukꞌulun ta chi ndibꞌan, ma xe ta ri kꞌo utz ndukꞌen pe chare rijaꞌ ndubꞌen, ma chaꞌanin ta ndipuꞌun royowal, nixta xtuyek oyowal pa ránima.

1 Corintios 6:12

Ekꞌo kereꞌ ngebꞌiꞌin: Pa nuqꞌaꞌ yin kꞌo chin nichaꞌ ri niwojoꞌ nibꞌen, ngechajeꞌ. Riꞌ qetzij, pero ma nojel ta kꞌo utz ndukꞌen pe. Kin qetzij chi pa nuqꞌaꞌ yin kꞌo chin nichaꞌ ri niwojoꞌ nibꞌen, pero ma xtinbꞌen ta jun achike ri ndubꞌen chuwa chi ngiqaqa pa ruqꞌaꞌ.

1 Corintios 10:33

Xa kin tibꞌanaꞌ achel nibꞌen riyin, nitij nuqꞌij chi nojel ri nibꞌen pa nukꞌaslen ndiqaꞌ chikiwech konojel. Riꞌ ndubꞌij tzij chi ma nibꞌen ta ri xe chuwa riyin kꞌo utz ndukꞌen pe, xa kin nibꞌen chuqaꞌ ri kꞌo utz ndukꞌen pe chake chꞌaqa, roma niwojoꞌ chi ngekolotej chuqaꞌ rejeꞌ.

1 Corintios 9:12

Porque si chꞌaqa chik rusamajelaꞌ ri Dios kꞌo kitoꞌik iyoꞌon rix, roj más rukꞌulun chi ndiyaꞌ qatoꞌik. Pero roj ma ndiqakꞌutuj ta qatoꞌik chiwa, xa kin ndiqakachꞌ qawech, porque ma kꞌateꞌ roma kꞌo ndiqakꞌutuj, ma xtitaqix ta ri utzulej teq tzij chin kolotajik ri rukꞌamon pe ri Jesucristo.

San Mateo 17:27

Pero chin ma itzel tikinaꞌ qoma roj, kabꞌiyin qa chuchiꞌ ri lago chutzꞌamik ker, y ri nabꞌey ker xtuyaꞌ riꞌ, tawelesaj pe pa yaꞌ y tajaqaꞌ pa ruchiꞌ. Chiriꞌ ndawil jun moneda, takꞌuaj y tajachaꞌ chake ri ngemolo ri méra ri ndikꞌatzin chin pa rachoch ri Dios, y keriꞌ ndataj kan ri ndikꞌatzin chi ndataj rat y ri wichin chuqaꞌ yin.

Hechos 15:20

Xaxe tiqataqaꞌ e rubꞌixik chake chupan jun wuj, chi ma tikikꞌux ri sujun chik chikiwech tiox, ma tikikꞌamalaꞌ qa kiꞌ xa achoq na ikꞌin chin ndikibꞌen mak, ma tikikꞌux tiꞌij ri kꞌo kikꞌ warneq chupan, nixta kikꞌ.

Romanos 14:13

Y romariꞌ, roj qonojel chiqajununal ma qojwalal chik chirij jun. Ri más utz chi ndiqabꞌen roj ri kꞌo ruchuqꞌaꞌ qánima rikꞌin ri Ajaw jareꞌ: Kin tiqayaꞌ pa qánima chi ma ndiqabꞌen jun achike ri ndubꞌen chare jun hermano chi ndiril jun roma xtuyaꞌ kan ri Dios o xtisach ri bꞌey chuwech.

1 Corintios 10:32

Ma jun achike tibꞌen ri ndubꞌen chake israelitas, chake ma israelitas ta, o chake ri eralkꞌuaꞌl ri Dios, chi ndikil jun roma ndikiyaꞌ kan ri Dios.