1 Corintios 7:34 - Kaqchikel Santo Domingo (Xenacoj)

³⁴ y ma xe ta chik chirij ri ndiqaꞌ chuwech ri Ajaw bꞌaneq ránima. Keriꞌ chuqaꞌ ndibꞌanatej kikꞌin ri qꞌopojiꞌ y ri ixoqiꞌ maneq kachijil. Rejeꞌ más ndibꞌa kánima pa ruwiꞌ ri ndiqaꞌ chuwech ri Ajaw, chi kin ta chꞌajchꞌaj ri ki-espíritu y ri ki-cuerpo chuwech. Jakꞌa ri ixaq kꞌo rachijil, más ndibꞌa ránima chirij ri ndikꞌatzin chare chochꞌulew chin ndubꞌen ri ndiqaꞌ chuwech ri rachijil.

နောက်ထပ်ဗားရှင်းများ

Kaqchikel Santa Maria de Jesus

³⁴ Y quireꞌ jeꞌ ri xtan, man junan ta riqꞌuin jun ixok. Ruma jun xtan más nuꞌon pensar ri chica nrajoꞌ ri Ajaf, y can nujach ri ránima y ri ru-cuerpo pa rusamaj ri Ajaf. Pero ri ixok nuꞌon pensar ri rusamaj ri cꞌo choch-ulief, y nutej rukꞌij nuꞌon ri chica nika choch ri rachajil.

Kaqchiquel Bible

³⁴ Y keri' chuqa' ri xten, kan k'o rukojol rik'in jun ixoq k'ulan. Ri xten más nitikir nuch'ob ri achike ri nrajo' ri Dios; kan nuch'er-wi-ri' richin ri'; kan nujech-ri' rija' y kan nuya' ri ránima pa rusamaj ri Dios. Jak'a ri ixoq k'ulan, man más ta nitikir nuch'ob ri achike nrajo' ri Dios, roma ja ri rusamaj chuwech re ruwach'ulew nuch'ob, y nutej ruq'ij richin nuben ri achike nik'atzin chike chi e ka'i' rik'in ri rachijil.

Kaqchikel Central Guatemala

³⁴ Y queri' chuka' ri xten, can c'o rucojol riq'uin jun ixok c'ulan. Ri xten más nitiquir nuch'ob ri achique ri nrajo' ri Ajaf, can nuch'er-vi-ri' richin ri', can nuya-vi ri ránima y ri ruch'acul pa rusamaj ri Ajaf. Jac'a ri ixok c'ulan, man más ta nitiquir nuch'ob ri achique nrajo' ri Ajaf, roma ja ri rusamaj chuvech re ruvach'ulef nuch'ob y nutej ruk'ij richin nuben ri achique nic'atzin chique che ca'i' riq'uin ri rachijil.

Re C'ac'a Testamento pa Kach'abal

³⁴ Y quire' chuka' re k'apoj xtan, can man junan-ta riq'uin jun ixok c'ulan chic. Re k'apoj xtan, más nitiquir nunojij re andex nrajo' re Ajaf, y can nujach re ránma y re ru-cuerpo pa rusamaj re Ajaf. Jac'a re ixok c'ulan chic, man can-ta más nitiquir nunojij re andex nrajo' re Ajaf, roma ja re rusamaj vova' chach re ruch'ulef jare' re nunojij, y can nutaj ruk'ij chin nuban re andex nic'atzin cha reja' y cha re ruchijil.

Kaqchikel Western Solola

³⁴ Y queri' chuka' ri k'opoj, can c'o rucojol riq'ui jun ixok ri c'ulan chic. Ri k'opoj más nicowin nuch'ob ri achique ri nrajo' ri Ajaf, can nujech wi ri' riche (rixin) chi nuya' ri ránima y ri ruch'acul pa rusamaj ri Ajaf. Yac'a ri ixok ri c'ulan chic, ma can ta nicowin nuch'ob ri achique ri nrajo' ri Ajaf, ruma ya ri rusamaj chuwech re ruwach'ulef ri nuch'ob y nutij ruk'ij riche (rixin) chi nuben achique ri nika chuwech ri rachijil.

1 Corintios 7:34 ပူးပေါင်းရင်းမြစ်များ

1 Corintios 6:20

porque xixloqꞌ yan rikꞌin nimalej ajel, y ri ajel riꞌ, ja ri rukikꞌel ri Cristo. Romariꞌ, tiyaꞌ ruqꞌij ri Dios rikꞌin nojel ri ndibꞌen rikꞌin ri i-cuerpo.

Filipenses 1:20

kin achel nurayin pe, y nukuqubꞌan nukꞌuꞌx chi ma jun achoq roma xkikꞌixbꞌisex, xa kin nibꞌen achel nubꞌanun pe xe jampeꞌ pa nabꞌey, chi ma jun xibꞌriꞌil pa wánima ninimrisaj ruqꞌij ri Cristo rikꞌin ri nu-cuerpo, si kꞌa ngikꞌaseꞌ na o ngikamisex.

2 Corintios 11:28

Pa ruwiꞌ nojel ri kꞌayew niqꞌasaj pa nukꞌaslen, qꞌij-qꞌij kꞌo ralal ri samaj chuwij, ri achike ndikꞌatzin nibꞌen chin ngenbꞌen cuenta konojel ri bꞌotzaj teq ralkꞌuaꞌl ri Dios ri ndikimal kiꞌ pa rubꞌiꞌ.

Romanos 6:13

Nixta tiyaꞌ ri iqꞌa-iwaqen chin ngeꞌok rusamajibꞌal ri mak chin ngekusex chin ndibꞌan itzel teq achike, xa kin tijachaꞌ iwiꞌ pa ruqꞌaꞌ ri Dios, achel rukꞌulun chi ndikibꞌen ri ekamineq chik chuwech ri mak y kꞌo chik ri kꞌakꞌakꞌ kꞌaslen nduyaꞌ ri Dios kikꞌin. Ri iqꞌa-iwaqen tijachaꞌ pa ruqꞌaꞌ ri Dios chin ngerukusaj chin ndibꞌen ri chaj wi chin ndibꞌan.

Tito 3:8

Nojel re ngitajin chutzꞌibꞌaxik chawa kin qetzij wi y utz chin nditaqix, y niwojoꞌ chi ma kataneꞌ chikitijoxik ri kitaqin chik ri Dios rikꞌin re tzij reꞌ, chin keriꞌ ndikꞌojeꞌ pa kánima chi ndikꞌatzin ndikibꞌen utz chake chꞌaqa chik. Porque nojel reꞌ kin utz y kꞌo utz ndukꞌen pe chake konojel.

1 Tesalonicenses 5:23

Y ri Dios ri ndiyoꞌon uxlanen pa iwánima, kin ta xtuchꞌajchꞌojrisaj chi nojel ri ikꞌaslen. Y kin ta jumul xtuchajij ri i-espíritu, ri iwánima y ri i-cuerpo, chin nixta jun itzel ndilitej pa ikꞌaslen chupan ri qꞌij atoq nduqaqa chik jumbꞌey ri Qajaw Jesucristo.

2 Corintios 8:16

Pero matiox chare ri Dios chi xubꞌen chare ránima ri Tito chi tzꞌan ndirajoꞌ ngixrutoꞌ, achel ri wánima yin.

1 Timoteo 3:5

Porque si jun hermano ma retaman ta ndukꞌuaj utz kibꞌey ri aj pa rachoch, ¿nditiker kami ngeruchajij ri eralkꞌuaꞌl ri Dios? Maneq.

San Juan 10:13

Ri samajel tojon ndanimej e porque ma erichin ta ri karneꞌl, y romariꞌ ma jun achike ndunaꞌ chare ri ndibꞌanatej kikꞌin ri karneꞌl.

1 Corintios 7:33

Pero ri achi kꞌo chik rixjayil, más ndibꞌa ránima chirij ri ndikꞌatzin chare chochꞌulew chin ndubꞌen ri ndiqaꞌ chuwech ri rixjayil,

1 Corintios 7:35

Re nibꞌij chiwa, ma chin ta ngixinqꞌet chin ngixkꞌuleꞌ, xa chin kꞌo utz ndukꞌen pe chiwa. Ri niwojoꞌ riyin, ja chi ndibꞌen nojel pa ruchojmil, y chi nixta jun achike ndiqꞌato iwichin chin ndibꞌen ri ndirajoꞌ ri Ajaw.

1 Timoteo 5:5

Pero ri malkaꞌ ixaq ri ma jun roxpochel nditoꞌon richin, royobꞌen rutoꞌik rikꞌin ri Dios y chi chaqꞌaꞌ chi paqꞌij ndubꞌen orar y jumul ndukꞌutuj chare ri Dios ri ndikꞌatzin chare.