1 Corintios 7:31 - Kaqchikel Santo Domingo (Xenacoj)

³¹ Keriꞌ chuqaꞌ, ri kꞌo kꞌiy utz ndukꞌen pe chake ri achike ekꞌo chochꞌulew, ma jariꞌ tiqꞌato kichin chin ndikibꞌen ri ndirajoꞌ ri Ajaw. Porque ri rochꞌulew achel rubꞌanun wokami, xa kin xtikꞌis wi ruqꞌij.

နောက်ထပ်ဗားရှင်းများ

Kaqchikel Santa Maria de Jesus

³¹ Y quireꞌ jeꞌ ri ncaꞌcusan ri kax ri cꞌo choch-ulief, incheꞌl xa man ijejeꞌ ta ncaꞌcusan. Ruma nojiel ri nakatzꞌat ri cꞌo choch-ulief xa ncaꞌqꞌuis.

Kaqchiquel Bible

³¹ Y keri' chuqa' ri winaqi' ri nikiben jalajoj ruwech samaj ri e richin re ruwach'ulew, man k'a tikiya' q'ij chi jari' ri nibanon chike chi man nikiben ta chik ri achike nrajo' ri Dios, roma ronojel ri e richin re ruwach'ulew xa e q'axel.

Kaqchikel Central Guatemala

³¹ Y que chuka' ri' ri ye'ucusan ri c'o chuvech re ruvach'ulef, man c'a tiquiya' k'ij chi jari' ri nibanon chique chi man niquiben ta chic ri achique nrajo' ri Dios. Roma ronojel ri nikatz'et chuvech re ruvach'ulef xa q'uisel.

Re C'ac'a Testamento pa Kach'abal

³¹ Y quire' chuka' re can niba cánma chij re cosas re jec'o vova' chach re ruch'ulef, man tiquiya' k'ij che ja-ta re' re nibano chique che man chic ye'tiquir-ta niquiban re andex nrajo' re Dios. Roma ronojel re nakatz'at chach re ruch'ulef, xa niq'uis.

Kaqchikel Western Solola

³¹ Y queri' chuka' ri ye'ucusan ri cosas ri c'o chuwech re ruwach'ulef, ma tibe ta cánima chrij, man c'a tiquiya' ta k'ij chi yari' ri nibano chique chi ma niquiben ta chic ri nrajo' ri Dios. Ruma ronojel ri nikatz'et chuwech re ruwach'ulef xa niq'uis.

1 Corintios 7:31 ပူးပေါင်းရင်းမြစ်များ

San Lucas 21:34

Pero rix tibꞌanaꞌ cuenta iwiꞌ, ma tibꞌa iwánima pa ruwiꞌ ri qꞌabꞌarik y ri apux achike ndukꞌen pe ri qꞌabꞌarik, nixta tichꞌujrisaj iwiꞌ chukanoxik ri ngekꞌatzin chiwa, ma kꞌateꞌ atoq xtinabꞌej, ja xuqaqa yan ri qꞌij riꞌ pa iwiꞌ.

1 Corintios 7:29

Hermanos, riyin nibꞌij: Xa jubꞌaꞌ chik qꞌij rojkꞌo chochꞌulew. Romariꞌ, ndikꞌatzin chi ri kꞌo kixjayil, ma jariꞌ tiqꞌato kichin chin ndikibꞌen ri ndirajoꞌ ri Ajaw.

1 Corintios 7:30

Keriꞌ chuqaꞌ ri ngebꞌison, ma ja ri bꞌis tiqꞌato kichin chin ndikibꞌen ri ndirajoꞌ ri Ajaw. Ri ngekikot, ma jariꞌ tiqꞌato kichin chin ndikibꞌen ri ndirajoꞌ ri Ajaw. Ri santienta loqꞌoj ndikibꞌen, ma ja ri loqꞌoj riꞌ tiqꞌato kichin chin ndikibꞌen ri ndirajoꞌ ri Ajaw.

1 Corintios 9:18

Romariꞌ, ¿achike kꞌa rajel-rukꞌexel ndiyoꞌox chuwa? Ri rajel-rukꞌexel ndiyoꞌox chuwa, ja ri ngikikot nitzijoj re utzulej teq tzij reꞌ, y ma nikꞌutuj ta ri rukꞌulun chi ndiyoꞌox chuwa.

Hebreos 12:27

Y atoq ndubꞌij ri Dios chi xtubꞌen chik jumbꞌey chi ndiselon ri rochꞌulew y ri rokaj, riꞌ ndubꞌij tzij chi nojel ri kꞌo cheꞌel ngeselox ngeꞌelesex e, chin keriꞌ xaxe ri maneq cheꞌel ngeselox ngekanej kan.

Santiago 4:14

Y xa ma iwetaman ta ri ndipuꞌun pa ruwiꞌ ri ikꞌaslen chuwaꞌq-kabꞌij. Porque ri ikꞌaslen xa achel ri neblina ndiqaqa chochꞌulew, ri xa jubꞌaꞌ ok kꞌo y ndikꞌis paqiꞌ e.

1 Pedro 1:24

Romariꞌ chupan ri rutzij ri Dios tzꞌibꞌan kan ndubꞌij: Konojel wineq xa eꞌachel ri qꞌayis. Y ri kiqꞌij ri wineq, xa achel rukontzꞌijal qꞌayis. Porque ri qꞌayis ndichaqiꞌj qa y ri rukontzꞌijal nditzaq e.

1 Pedro 4:7

Ri rukꞌisibꞌel chin nojel ri ndajin chochꞌulew nduqaqa yan, romariꞌ titzꞌetaꞌ utz-utz ri ndibꞌen pa ikꞌaslen, y titijaꞌ iqꞌij chi jumul ndibꞌen orar.

1 Juan 2:17

Y ri wineq ri ngebꞌanun ri ma utz ta chochꞌulew xa kin xkekꞌis, y ngekꞌis chuqaꞌ nojel ri itzel teq kirayinik, pero si jun ndubꞌen pa rukꞌaslen ri rurayibꞌel ri Dios, ndiril ri kꞌaslen ma ndikꞌis ta.