1 Corintios 6:10 - Kaqchikel Santo Domingo (Xenacoj)

¹⁰ ri ngebꞌanun eleqꞌ, ri ngejamem chirij méra, ri qꞌabꞌarelaꞌ, ri ngebꞌiꞌin itzel teq tzij chikij chꞌaqa chik, y ri wineq ri rikꞌin chꞌakatinik ndikelesaj méra chikiqꞌaꞌ wineq, konojel rejeꞌ ma ngeꞌok ta pa ru-reino ri Dios.

နောက်ထပ်ဗားရှင်းများ

Kaqchikel Santa Maria de Jesus

¹⁰ ri ncaꞌbꞌano alakꞌ, ri nicajoꞌ chi nojiel kax quiqꞌuin ta ijejeꞌ cꞌo-ve, ri ncaꞌkꞌabꞌar, ri itziel ncaꞌchꞌoꞌ chiquij nicꞌaj chic, y ri can ncaꞌquitzꞌom ri vinak richin chi niquimaj can kax chica, man xcaꞌuoc ta pa ru-reino ri Dios.

Kaqchiquel Bible

¹⁰ Keri' chuqa' ri yebanon eleq', ri ye'ajowan chi ronojel kik'in ta rije' k'o-wi, ri yeq'aber, ri yeyoq'on, y ri yekamisan.

Kaqchikel Central Guatemala

¹⁰ Y que chuka' ri' ri yebanon elek', ri ye'ajovan chi ronojel quiq'uin ta rije' c'o-vi, ri yek'aber, ri yeyok'on, y ri yecamisan richin niquiben elek', man xque'ichinan ta quiq'uin ri ec'o pa rajavaren o pa ruk'a' ri Dios.

Re C'ac'a Testamento pa Kach'abal

¹⁰ Y quire' chuka' re ye'bano elak', re camas niquirayij che ronojel-ta cosas quiq'uin-ta reje' c'o-va, re ye'k'abar, re ye'yok'on, y re ye'quimisan chin niquiban elak', conojel re ye'bano re etzelal qui tak re' man xque'oc-ta pa ruk'a' re Dios.

Kaqchikel Western Solola

¹⁰ Y queri' chuka' ri yebano alek', ri chak benak cánima chrij ronojel cosas, ri yek'aber, ri yeyok'on, y ri can yequichop winek riche (rixin) chi niquimej ca cosas chique, ma xtiyatej ta chique riche (rixin) chi ye'oc pa rajawaren ri Dios.

1 Corintios 6:10 ပူးပေါင်းရင်းမြစ်များ

1 Corintios 5:11

Ri xinwojoꞌ xinbꞌij chiwa chupan ri wuj riꞌ, jareꞌ: Ma timal iwiꞌ rikꞌin jun ri ndubꞌij chi hermano, pero xa ndukꞌamalaꞌ qa riꞌ xa achoq na ikꞌin chin ndubꞌen mak, o ndijamem chirij méra, o nduyalaꞌ kiqꞌij tiox, o ndubꞌilaꞌ itzel teq tzij chikij chꞌaqa chik, o nduqꞌabꞌarisaj riꞌ, o rikꞌin chꞌakatinik ndirelesaj méra chikiqꞌaꞌ wineq. Xa chikij ri keriꞌ ngebꞌanun xinbꞌij chi nixta kixwaꞌ kikꞌin.

Gálatas 5:21

Itzel ndikinaꞌ chare roma utz kibꞌanun chꞌaqa chik, ndikiqꞌabꞌarisaj kiꞌ, ndikibꞌen nimaqꞌij ri apeꞌ apux teq achike ngekibꞌanalaꞌ, y ngekibꞌanalaꞌ chꞌaqa chik itzel teq achike achel re ngojtajin chubꞌixik. Y riyin nikamuluj rubꞌixik ri nubꞌiꞌin kan chiwa xe pa nabꞌey, chi ri ngebꞌanun itzel teq achike achel ri kꞌaja ok xqabꞌij, ma ngeꞌok ta chupan ri ru-reino ri Dios.

Efesios 4:28

Si kꞌo jun xeleqꞌan jumbꞌey kan, ma teleqꞌ chik, más utz tisamej rikꞌin ruqꞌaꞌ chuchꞌakik ruméra, chin keriꞌ kꞌo achike ruchajin chin ngerutoꞌ ri ndikꞌatzin kitoꞌik.

1 Pedro 4:15

Man ta ndibꞌanatej chi jun chiꞌikajal rix nduqꞌasaj kꞌayew roma xubꞌen jun kamik, o jun eleqꞌ, o jun chꞌaꞌoj, o rujuꞌun apu riꞌ apeꞌ ma oyon ta.

San Mateo 23:33

¡Rix kin machꞌikilik inoꞌoj, kin rix achel kumetz keriꞌ! ¿Pa itzij rix ndikal iwiꞌ chuwech ri qꞌaqꞌ, ri castigo ri nduyaꞌ ri Dios?

1 Tesalonicenses 4:6

Man ta jun chiꞌikajal ndel e chupan ri utz chuwech ri Dios y ndirewaj ruwech jun hermano chin ndukꞌuaj qa riꞌ rikꞌin ri rixjayil ri hermano riꞌ. Porque ri Ajaw kin nduyaꞌ rukꞌexel chare ri keriꞌ ndibꞌanun, kin achel qabꞌiꞌin chi kan chiwa.

San Juan 12:6

Ri Judas xubꞌij keriꞌ, ma roma ta qetzij ndupoqonaj kiwech ri wineq ri maneq ok kichajin. Rijaꞌ keriꞌ xubꞌij xa roma kin eleqꞌon wi y pa ruqꞌaꞌ rijaꞌ jachon ri méra ndikikusaj ri Jesús y ri discípulos y xa kin kꞌo ndireleqꞌaj e rikꞌin ri méra riꞌ.

San Mateo 23:13

¡Juyo iwech rix tijonelaꞌ chin ri ley xyoꞌox chare ri Moisés y chuqaꞌ rix fariseos, ri xa kaꞌiꞌ ipalej! Roma ndiqꞌet chikiwech ri wineq ri bꞌey chin ngeꞌok chupan ru-reino ri aj chikaj Dios, porque ma ngixok ta rix, nixta ndiyaꞌ qꞌij chake chi ngeꞌok ri ndikajoꞌ ngeꞌok.

San Mateo 21:19

Xutzꞌet apu jun higuera chuchiꞌ ri bꞌey, xjel apu rikꞌin, pero xaxe ruxaq xril, y kereꞌ xubꞌij chare: ¡Ma jumbꞌey chik kawachin! Ja atoq riꞌ xchaqiꞌj qa ri higuera.

Hechos 20:32

Wokami kꞌa hermanos, ngixinjech kan pa ruqꞌaꞌ ri Dios chin ngixruchajij, y nibꞌij kan chiwa chi tinimaj ri rutzij ri ndukꞌen pe ru-favor pa iwiꞌ, tzij ri kꞌo ruchuqꞌaꞌ chin ndubꞌen chi ndikꞌiy ri ikꞌaslen chiraqen y chi ndiwil ri herencia ri ndiyoꞌox chake konojel ri chꞌajchꞌojrisan kikꞌaslen roma rijaꞌ.

1 Corintios 15:50

Nibꞌij chiwa hermanos, chi ri aj rochꞌulew qa-cuerpo maneq cheꞌel ndok pa ru-reino ri Dios, porque xa ndiqꞌey, y ri ndiqꞌey maneq cheꞌel ndikꞌojeꞌ junan rikꞌin ri ma ndiqꞌey ta.

Efesios 5:5

Porque rix iwetaman chi pa ru-reino ri Cristo y ri Dios, ma ngeꞌok ta ri ndikikꞌamalaꞌ qa kiꞌ xa achoq na ikꞌin chin ndikibꞌen mak, nixta ri ndikibꞌanalaꞌ itzel teq achike ri nduchꞌabꞌaqrisaj ri kikꞌaslen, nixta ri ngejamem chirij méra, porque ri ngajamem chirij méra xa achel ndayaꞌ kiqꞌij tiox keriꞌ.