1 Corintios 6:1 - Kaqchikel Santo Domingo (Xenacoj)

¹ Atoq jun hermano chiꞌikajal kꞌo itzel bꞌanun chare roma jun chik hermano, ¿achike roma ndukupij riꞌ chi ndibꞌa chikiwech qꞌatoy tzij ri ma kitaqin ta ri Jesucristo chin ndesujun y ma chikiwech ta ri loqꞌolej rutinamit ri Dios?

နောက်ထပ်ဗားရှင်းများ

Kaqchikel Santa Maria de Jesus

¹ ¿Karruma ixreꞌ antok cꞌo jun chivach ri cꞌo chica nuꞌon chiva, chiquivach ri autoridades ri man quiniman ta ri Cristo nquixꞌa-ve, y man nquixꞌa ta chiquivach ri santos hermanos?

Kaqchiquel Bible

¹ ¿Achike roma rix toq k'o jun qach'alal k'o rubanon chiwe, rix xa choj yixbe kik'in q'atoy taq tzij ri man kitzeqeliben ta ri Dios, y man yixbe ta kik'in ri qach'alal richin chi ja ta rije' ri yebanon ruchojmil ri oyowal ri k'o chi'ikojol?

Kaqchikel Central Guatemala

¹ ¿Achique cami roma rix tok c'o jun kach'alal c'o rubanon chive xa choj yixbe quiq'uin k'atoy tak tzij ri man quiniman ta ri Cristo, y man yixbe ta quiq'uin ri lok'olej tak kach'alal richin chi ja ta rije' ri yebanon ruchojmil ri oyoval c'o chi'icojol? ¿Man ivetaman ta c'a chi xa jun q'uix chi rix niben queri' chire jun kach'alal?

Re C'ac'a Testamento pa Kach'abal

¹ ¿Anchique roma yex tak c'o jun hermano c'o jun cosa rubanon chiva xa yixba quiq'uin re achi'a' re ye'bano juzgar re man quiniman-ta re Jesucristo, y man yixba-ta quiq'uin re je rajc'ual chic re Dios chin che ja-ta reje' re ye'bano rubiyal re ayoval c'o chi'icojol? ¿Anchique roma yex man yixq'uex-ta tak quire' niban cha jun hermano?

Kaqchikel Western Solola

¹ Tek c'o jun chiwe riyix ri c'o jun pokon banon chare ruma jun chic, ¿achique c'a ruma can ma nuxibij ta juba' ri', xa can jic (choj) nibe c'a chiquiwech ri aj k'atbel tak tzij, winek ri xa ma quiniman ta ri Cristo, y xa ma chiquiwech ta ri lok'olaj tak kach'alal nibe wi riche (rixin) chi ye ta riye' ri yebano ruchojmil ri oyowal ri c'o chiquicojol?

1 Corintios 6:1 ပူးပေါင်းရင်းမြစ်များ

San Mateo 5:45

chin keriꞌ nditzꞌetetej chi rix ralkꞌuaꞌl ri Itataꞌ Dios kꞌo chikaj. Rijaꞌ ndubꞌen chi ndel pe ri qꞌij pa kiwiꞌ konojel wineq, utz o ma utz ta kikꞌaslen. Y ndubꞌen chuqaꞌ chi ndiqaqa qatataꞌ chochꞌulew apeꞌ ekꞌo ri chojmilej kikꞌaslen y ri ma chojmilej ta kikꞌaslen.

Hechos 19:38

Romariꞌ, si ri Demetrio y ri ngebꞌanun rachibꞌel ri rachoch ri diosa Artemisa ndikajoꞌ ngesujun chirij jun wineq, chin riꞌ kꞌo ri qꞌatbꞌel tzij y ekꞌo chuqaꞌ ri ngeqꞌaton tzij. Chiriꞌ kꞌa kebꞌesujun.

1 Corintios 1:2

chiwa rix ri rix richin ri Dios ri ndimal iwiꞌ pa tinamit Corinto, ri rix chꞌajchꞌojrisan roma ri Cristo Jesús ri achoq ikꞌin xe jun ibꞌanun, y rix oyon chin ngixok chin ri loqꞌolej rutinamit ri Dios, junan kikꞌin konojel ri ndikiyaꞌ ruqꞌij ri Qajaw Jesucristo pa teq kitinamit, ri Kajaw rejeꞌ y Qajaw chuqaꞌ roj.

1 Corintios 14:33

Keriꞌ nibꞌij chiwa, porque ri qa-Dios, ma jun achike ndubꞌen ri ma pa rubꞌeyal ta, rijaꞌ jun Dios ri ndiyoꞌon uxlanen chiqakajal roj ri qataqin. Nibꞌij chiwa, chi rix ndikꞌatzin ndibꞌen chuqaꞌ achel ndikibꞌen ri hermanos ri ndikimal kiꞌ pa rubꞌiꞌ ri Ajaw pa chꞌaqa chik tinamit:

1 Corintios 16:1

Kami, pa ruwiꞌ ri rumolik ri ofrenda ri ndibꞌan chin ngetoꞌox ri loqꞌolej teq ralkꞌuaꞌl ri Dios, nibꞌij chiwa achel nubꞌiꞌin kan chake ri ralkꞌuaꞌl ri Dios ri ndikimal kiꞌ pa rubꞌiꞌ pa teq tinamit chin ri rochꞌulew Galacia.

1 Corintios 16:15

Hermanos, rix iwetaman chi ri Estéfanas y ri ekꞌo pa rachoch, ja rejeꞌ ri nabꞌey xetaqin ri Cristo chiꞌikajal rix aj rochꞌulew Acaya, y chuqaꞌ kitijon kiqꞌij chi jalajaj toꞌonik ndikiyaꞌ chake ri loqꞌolej ralkꞌuaꞌl ri Dios.

1 Corintios 5:12

Porque riyin ma yoꞌon ta pa nuqꞌaꞌ chin nibꞌij achike ndibꞌan chake ri ma kitaqin ta ri Ajaw. Pero rix ndikꞌatzin chi nditzꞌet achike ndibꞌen chake ri ngebꞌanun mak chiꞌikajal.

1 Corintios 6:5

Keriꞌ nibꞌij chiwa chin ngixkꞌix. ¿La maneq kꞌa jun hermano chiꞌikajal ri ndikaney runoꞌoj chin ndubꞌen rukꞌojlen jun oyowal chikikajal ri hermanos?