9 Chupan ri jun chic wuj ri ntakon el iwuq'ui, nbin el chiwe chi ma tiwachibilaj ta iwi' quiq'ui ri achi'a' y ri ixoki' ri niquicanola' qui' riche (rixin) chi yemacun y xa ma quic'ulaj ta qui'.
Atoq keriꞌ xintzꞌibꞌaj e chiwa, ma chin ta xinbꞌij chi maneq cheꞌel ngixchꞌaꞌa kikꞌin wineq ri ma kitaqin ta ri Ajaw ri ndikikꞌamalaꞌ qa kiꞌ xa achoq na ikꞌin chin ndikibꞌen mak, o kikꞌin ri ngejamem chirij méra, o kikꞌin ri rikꞌin chꞌakatinik ndikelesaj méra chikiqꞌaꞌ wineq, o kikꞌin ri ndikiyalaꞌ kiqꞌij tiox. Si ja ta riꞌ xinwojoꞌ xinbꞌij chiwa, xkꞌatzin ta chi xixel e chochꞌulew.
Rix ri itaqin chik ri Ajaw, ma tixim iwiꞌ kikꞌin ri ma kitaqin ta. Porque ri chojmilej kꞌaslen, ma chaj ta ndukꞌuaj riꞌ rikꞌin ri ma chojmilej ta kꞌaslen. Keriꞌ chuqaꞌ ri yikꞌan kikꞌaslen roma ri Dios, ma chaj ta ndikikꞌuaj kiꞌ kikꞌin ri kꞌa ekꞌo pa qꞌequꞌ.
Romariꞌ, ri Ajaw ndubꞌij chuqaꞌ: Kixel pe chikikajal ri ma enutinamit ta y tijachaꞌ e iwiꞌ kikꞌin, Ma titzꞌen jun achike ri ndichꞌabꞌaqrisan ri ikꞌaslen, Y riyin nikꞌen apu iwech,
Ma titzeq iwiꞌ chupan ri itzel teq achike ngekibꞌanalaꞌ ri wineq ri pa qꞌequꞌ kꞌo kikꞌaslen, porque ri ngekibꞌanalaꞌ ma jun utz ndukꞌen pe. Xa kin titijaꞌ iqꞌij chin ndiqꞌalajrisaj chikiwech chi ma utz ta ri ngetajin rikꞌin.
Si kꞌo jun chiꞌikajal ri ma ndirajoꞌ ta ndubꞌen ri qatzꞌibꞌan e chupan re wuj reꞌ, tibꞌanaꞌ chi ndiqꞌalajin chikiwech konojel achike ri ndibꞌanun keriꞌ y ma tiwachibꞌilaj, chin keriꞌ tikꞌix.
Hermanos, pa rubꞌiꞌ ri Qajaw Jesucristo ndiqabꞌen mandar chiwa, chi ma keꞌiwachibꞌilaj ri hermanos eqꞌoroy y ma ndikinimaj ta ri tijonik yoꞌon chaqe roj ri qabꞌiꞌin kan chake.