1 Corintios 5:6 - Kaqchikel Santo Domingo (Xenacoj)

⁶ Ma utz ta chi rix ndinimrisalaꞌ iwiꞌ xu ndajin ri mak riꞌ chiꞌikajal. Rix iwetaman si ndiyaꞌ qꞌij chare ri mak chiꞌikajal, xa ndoqan chikij konojel, achel ndubꞌen jubꞌaꞌ levadura ri ndiyoꞌox qa rikꞌin ri keꞌen, kin nduxal riꞌ chupan nojel ri keꞌen.

နောက်ထပ်ဗားရှင်းများ

Kaqchikel Santa Maria de Jesus

⁶ Man otz ta chi ixreꞌ ntinaꞌ chi ix nimaꞌk tak vinak. Ixreꞌ ivataꞌn chi antok ntiyaꞌ lugar cha ri pecado, can chaꞌnin niqꞌuiyir chicajol. Can incheꞌl nuꞌon ri levadura, xa riqꞌuin jubꞌaꞌ nuquiraj-riꞌ chupan nojiel ri harina mubꞌan.

Kaqchiquel Bible

⁶ Kan man jun achike roma ninimirisaj-iwi'. ¿Man iwetaman ta k'a chi ri ch'amilej-q'or, ri xa rik'in ti juba' niqaqa chupan ri k'ej muban, kan nuben chi nisipoj ronojel?

Kaqchikel Central Guatemala

⁶ ¿Achique roma rix niben chi achi'el man jun banatajinek chi'icojol? ¿Man ivetaman ta c'a chi tok niya' k'ij chire ri mac, chanin ninimer? Can achi'el ri nuben ri ch'en (ch'amilej-k'or), xa riq'uin ti juba' nika' chupan ri q'uej muban can, nuch'amirisaj ronojel. Y que chuka ri' nuben ri mac, xa riq'uin rix niya' k'ij chire jun, xa can que chuka ri' niquichop rubanic conojel.

Re C'ac'a Testamento pa Kach'abal

⁶ ¿Anchique roma yex camas ik'ij nina' y can niban che ancha'l che man jun cosa banatajnak chi'icojol? Yex itaman che tak niya' k'ij cha re mac, cha'nin ninimar rach. Can ancha'l nuban re levadura astapa' xa ba-oc nika chupan re harina muban, can nuxol-ri' chupan ronojel. Y quire' chuka' nuban re mac, mare' yex xa riq'uin jun niya' k'ij cha che nuban mac, xa can quire' chuka' niquitz'am rubanic conojel.

Kaqchikel Western Solola

⁶ Ma utz ta chi riyix ninimirisaj iwi' y niben chi achi'el xa ta majun mac banatajnek chicojol. Ruma iwetaman chi tek niya' k'ij chare ri mac, chanin ninimer. Can achi'el nuben ri ch'om (levadura), xa riq'ui ti juba' nika chupan ri q'uej (harina) muban ca, nuch'omirisaj ronojel. Y queri' chuka' nuben ri mac, xa riq'ui wi riyix niya' k'ij chare jun, xa can queri' chuka' niquichop rubanic quinojel.

1 Corintios 5:6 ပူးပေါင်းရင်းမြစ်များ

Santiago 4:16

Pero rix ma ke ta riꞌ ndibꞌij, xa ndinimrisalaꞌ iwiꞌ rikꞌin ri tzij ndibꞌilaꞌ chuwech ri Dios. Y ri keriꞌ ndibꞌij xa kin itzel wi.

Gálatas 5:9

Titzꞌetaꞌ na pe peꞌ. Si ndiwoqaj ri ma utz ta tijonik, riꞌ ndusuqꞌ inoꞌoj rix iwonojel, y ndiyaꞌ kan ri qetzij. Achel ndubꞌen jubꞌaꞌ levadura ri ndiyoꞌox qa rikꞌin ri keꞌen, kin nduxal riꞌ chupan nojel ri keꞌen.

1 Corintios 15:33

Ma tiyaꞌ qꞌij chin ngixchꞌakatix, porque si ngeꞌiwachibꞌilaj wineq itzel kinoꞌoj, keriꞌ chuqaꞌ ndubꞌen qa inoꞌoj rix.

1 Corintios 5:2

Y rix xa ndinimrisalaꞌ iwiꞌ. Xa más ta utz ngixbꞌison roma ri keriꞌ ndajin, y xiwelesaj yan ta e ri ndajin rikꞌin ri mak riꞌ.

San Mateo 13:33

Ri Jesús xutzijoj jun chik parábola chake, y xubꞌij: Ri ndibꞌanatej rikꞌin ru-reino ri aj chikaj Dios ndiqajunumaj rikꞌin ri xbꞌanatej atoq jun ixaq xutzꞌen levadura y xuyaꞌ chukajal oxiꞌ medida harina chin xubꞌen keꞌen. Ri levadura xukiraj riꞌ chupan nojel ri keꞌen.

2 Timoteo 2:17

Ri tzij ndikibꞌilaꞌ ri wineq riꞌ kin achel jun yabꞌil ri ndubꞌen chi ndiqꞌey ruchꞌakul jun wineq y ja tzij achel riꞌ ndikibꞌilaꞌ ri Himeneo y ri Fileto.

1 Corintios 3:21

Roma kꞌa riꞌ, nixta jun chiwech rix kin víva tunaꞌ chare roma roqan jun rusamajel ri Dios ri más ndiqaꞌ chuwech, porque konojel samajelaꞌ y nojel ri ruyoꞌon ri Dios chiwa, kin iwichin rix.

San Lucas 13:21

Nijunumaj rikꞌin ri xbꞌanatej atoq jun ixaq xutzꞌen levadura y xuyaꞌ chukajal oxiꞌ medida harina chin xubꞌen keꞌen. Ri levadura xukiraj riꞌ chupan nojel ri keꞌen.

Romanos 6:16

¿Ma iwetaman ta kꞌa chi atoq rix ndiyaꞌ iwiꞌ chuxeꞌ rutzij jun chin ndinimaj, kin ja ri achoq chare ngixniman ri okuneq ajaw pa iwiꞌ? Si rix ndichaꞌ ndiyaꞌ iwiꞌ chuxeꞌ ruchuqꞌaꞌ ri mak chin ndibꞌen ri ndirajoꞌ, riꞌ ngixrukꞌuaj pa kamik, pero si ndichaꞌ ndiyaꞌ iwiꞌ pa ruqꞌaꞌ ri Dios chin ndinimaj rutzij, riꞌ ngixrukꞌuaj chin ndibꞌen ri chaj wi chin ndibꞌan.