1 Corintios 3:23 - Kaqchikel Santo Domingo (Xenacoj)

²³ y rix, rix richin ri Cristo, y ri Cristo richin ri Dios.

နောက်ထပ်ဗားရှင်းများ

Kaqchikel Santa Maria de Jesus

²³ Y ixreꞌ ix richin ri Cristo, y ri Cristo richin ri Dios.

Kaqchiquel Bible

²³ Y rix ix richin ri Cristo, y ri Cristo richin ri Dios.

Kaqchikel Central Guatemala

²³ Y rix ix richin ri Cristo, y ri Cristo richin ri Dios.

Re C'ac'a Testamento pa Kach'abal

²³ Y yex yix richin re Jesucristo, y re Jesucristo richin re Dios.

Kaqchikel Western Solola

²³ Y riyix can yix riche (rixin) ri Cristo, y ri Cristo can riche (rixin) ri Dios.

1 Corintios 3:23 ပူးပေါင်းရင်းမြစ်များ

Gálatas 3:29

Y si rix richin chik ri Cristo, kin rix riy-rumam kan ri Abraham, y ndok iwichin chuqaꞌ ri bendición sujun chare ri Abraham ojer.

1 Corintios 15:23

Pero nojel reꞌ kꞌo rubꞌeyal: Nabꞌey xkꞌastajbꞌex pe ri Cristo, ri achel nabꞌey ruwech jun tikoꞌ ri xchꞌup e chikikajal nojel teq ruwech. Y atoq ri Cristo nditzolij pe, kin achel ndichꞌuputej ri más chik ruwech tikoꞌ, riꞌ ndubꞌij tzij chi ngekꞌastajbꞌex pe konojel ri xkitaqij e rijaꞌ.

1 Corintios 11:3

Pero riyin niwojoꞌ chi rix ndikꞌoxomaj chi ja ri Cristo ri ukꞌuey bꞌey kichin konojel achiꞌaꞌ, y ri achi ukꞌuey bꞌey richin ri rixjayil, y ri Dios ukꞌuey bꞌey richin ri Cristo.

San Juan 17:18

Y achel rat xanateq pe chubꞌanik ri asamaj chochꞌulew, keriꞌ chuqaꞌ riyin ngenteq chubꞌanik ri asamaj.

2 Corintios 10:7

Tiyaꞌ utz-utz cuenta chare ri nditzꞌet chiqij. Si kꞌo jun ndunaꞌ chi rijaꞌ chin ri Cristo, tunojij utz-utz chi roj chuqaꞌ roj richin ri Cristo, achel rijaꞌ.

Romanos 14:8

Roma kꞌa riꞌ, si kꞌa roj kꞌes, chin ndiqayaꞌ ruqꞌij ri Ajaw, y si ngojken e, chin ndiqayaꞌ chuqaꞌ ruqꞌij ri Ajaw. Si kꞌa roj kꞌes o ngojken e, kin roj richin ri Ajaw.

San Juan 17:21

chin keriꞌ jun kánima ndikibꞌen konojel, achel rat Nataꞌ jun awánima abꞌanun wikꞌin y riyin jun wánima nubꞌanun awikꞌin, keriꞌ ta kꞌa chuqaꞌ rejeꞌ xe jun ndikibꞌen qikꞌin roj, chin keriꞌ ri wineq ri ma rat kitaqin ta ndiketamaj chi ja rat taqayon pe wichin.

Gálatas 5:24

Porque ri erichin ri Cristo Jesús, xeken yan chuwech ri itzel teq rayinik chin ri ki-cuerpo, y xa achel ta kibꞌajin ri itzel teq rayinik riꞌ chuwech cruz, chin ma ndukꞌuꞌex chi ta ri kikꞌaslen roma ri itzel teq rayinik riꞌ.

1 Corintios 8:6

pero chaqe roj, xa kin xe jun Dios kꞌo, y riꞌ ja ri Tataꞌaj Dios. Rikꞌin rijaꞌ pataneq wi nojel, y roj richin rijaꞌ. Y xe jun Ajaw kꞌo chuqaꞌ, y riꞌ ja ri Jesucristo, ri bꞌanayon nojel ri kꞌo, y roma rijaꞌ kꞌo qakꞌaslen.

1 Corintios 7:22

Porque ri kꞌo chuxeꞌ rutzij jun ajaw atoq xoyox roma ri Ajaw Jesús, wokami achel xkꞌojeꞌ libre, roma richin chik ri Ajaw. Y ri ma kꞌo ta chuxeꞌ rutzij jun ajaw atoq xoyox, wokami kꞌo chuxeꞌ rutzij ri Cristo.

Efesios 1:10

Porque xubꞌen ruwech chi nojel ri achikejeꞌ ekꞌo chochꞌulew y ekꞌo chikaj ngeruyaꞌ chuxeꞌ rutzij ri Cristo atoq nderilaꞌ ri tiempo ri rubꞌanun pe ruwech xe jampeꞌ pa nabꞌey.

San Mateo 17:5

Y atoq ri Pedro kꞌaja ndajin chubꞌixik reꞌ, kꞌateꞌ ruwech xekꞌis chupan jun nube santienta ndiyikꞌan, y pa nube xakꞌaxex jun chꞌabꞌel ri kereꞌ xubꞌij: Jareꞌ ri Nukꞌajol. Riyin tzꞌan niwojoꞌ, y santienta ngikikot roma rijaꞌ. Ja rijaꞌ ri tinimaj rutzij, xchajeꞌ.

1 Corintios 15:28

Y atoq kꞌo chik nojel chuxeꞌ rutzij ri Cristo, rijaꞌ ndujech riꞌ pa ruqꞌaꞌ ri Jun ri xjacho nojel pa ruqꞌaꞌ. Y keriꞌ kꞌa, ja ri Tataꞌaj Dios ndibꞌanun mandar pa ruwiꞌ nojel.