1 Corintios 15:15 - Kaqchikel Santo Domingo (Xenacoj)

¹⁵ Y xa ta qetzij chi ri animaꞌiꞌ ma ngekꞌastajbꞌex ta pe, ndubꞌij tzij chi roj, roj tzꞌukuy aqꞌ chirij ri Dios, porque qatzijon chi xukꞌastajbꞌaꞌ pe ri Cristo chikikajal ri animaꞌiꞌ. Xa ta qetzij chi maneq ri kikꞌastajibꞌel ri animaꞌiꞌ achel ndikibꞌij jujun chiꞌikajal, riꞌ ndubꞌij tzij chi ri Dios ma xukꞌastajbꞌaꞌ ta pe ri Cristo.

နောက်ထပ်ဗားရှင်းများ

Kaqchikel Santa Maria de Jesus

¹⁵ Xa ta quireꞌ, ntiel chi ojreꞌ oj tzꞌakoy-tzij, ruma xkaꞌej chiva chi ri Dios xucꞌasuoj ri Cristo y xa man quireꞌ ta. Ruma xa man ta ketzij chi ncaꞌcꞌastaj-pa ri quiminakiꞌ, ri Cristo man ta xcꞌastaj-pa jeꞌ.

Kaqchiquel Bible

¹⁵ Y rik'in ri' kan niq'alajin ta chi roj xa man qitzij ta ri xqabij chirij ri Dios, chi rija' xuk'asoj ri Cristo. Y wi ta qitzij chi maneq k'astajibel kichin ri kaminaqi', ri Cristo man ta chuqa' xk'astej.

Kaqchikel Central Guatemala

¹⁵ Y riq'uin ri' jebel ta nik'alajin chi roj xa man kitzij ta ri xkabij chirij ri Dios, tok xkabij chive chi rija' xuc'asoj ri Cristo. Pero man que ta ri'. Roma xa ta manek c'astajibel quichin ri caminaki', ri Cristo man ta chuka' xc'astej.

Re C'ac'a Testamento pa Kach'abal

¹⁵ Y riq'uin re' can jabal nik'alajin che yoj xa man katzij-ta re xkabij chij re Dios, tak xkabij chiva che reja' xuc'asoj re Jesucristo. Pero man quire-ta. Roma xe-ta re qui-cuerpo re anama'i' man-ta ye'c'astaj, re Jesucristo man-ta chuka' xc'astaj re ru-cuerpo.

Kaqchikel Western Solola

¹⁵ Y riq'ui ri' nik'alajin ta chi riyoj xa ma kitzij ta ri xkabij chrij ri Dios, tek xkabij chiwe chi Riya' xuc'asoj el ri Cristo. Ruma xa ta kitzij chi majun c'astajbel quiche (quixin) ri caminaki', ri Cristo man ta chuka' xc'astej el.

1 Corintios 15:15 ပူးပေါင်းရင်းမြစ်များ

Hechos 2:24

Pero ri Dios xukꞌastajbꞌaꞌ pe chikikajal ri animaꞌiꞌ, xukal pe pa ruqꞌaꞌ ri qꞌaxomal nduyaꞌ ri kamik, porque ri kamik ma xtiker ta xubꞌen chare ri Jesús chi xkꞌojeꞌ jumul chuxeꞌ ruchuqꞌaꞌ.

1 Corintios 15:13

Porque xa ta ri animaꞌiꞌ ma ngekꞌastajbꞌex ta pe, riꞌ ndubꞌij tzij chuqaꞌ chi ri Cristo ma xkꞌastajbꞌex ta pe chikikajal ri animaꞌiꞌ.

1 Corintios 15:20

Pero ri qetzij xbꞌanatej jareꞌ: Ri Cristo xkꞌastajbꞌex pe chikikajal ri animaꞌiꞌ. Ja rijaꞌ ri nabꞌey xkꞌastajbꞌex pe chin jumul chikikajal ri animaꞌiꞌ y romariꞌ qetaman chi ri animaꞌiꞌ ngekꞌastajbꞌex pe chin jumul chuqaꞌ. Rijaꞌ kin achel ri nabꞌey ruwech jun tikoꞌ. Porque atoq ngechꞌupeꞌ ri nabꞌey teq ruwech, qetaman chi kꞌa kꞌo más ruwech ri tikoꞌ ngebꞌechꞌuputej.

Hechos 4:33

Rikꞌin nimalej ruchuqꞌaꞌ ri Dios, ri apóstoles ndikitzijoj chi xkꞌastajbꞌex pe ri Ajaw Jesús chikikajal ri animaꞌiꞌ. Kin nditzꞌetetej chi ri ru-favor ri Dios kꞌo pa kiwiꞌ konojel ri kitaqin rijaꞌ.

Hechos 4:10

Tiwetamaj kꞌa rix iwonojel y konojel ri qawinaqul israelitas, chi re achi peꞌel chiwech wokami, xkꞌachojrisex pa rubꞌiꞌ ri Jesús aj Nazaret, ri xtaq pe roma ri Dios chukolik ri rutinamit, ri xikꞌutuj rix chi xbꞌajix cho cruz, pero ri Dios xukꞌastajbꞌaꞌ pe chikikajal ri animaꞌiꞌ.

Hechos 2:32

Y ri Jun achoq pa ruwiꞌ xchꞌaꞌa kan ri David, ja ri Jesús ri xkꞌastajbꞌex pe chikikajal ri animaꞌiꞌ roma ri Dios, y roj, ri roj oqey richin ri Jesús ri rojkꞌo waweꞌ, ndiqabꞌij chiwa chi qetzij xqatzꞌet chi keriꞌ xbꞌanatej.

Hechos 20:21

Chake ri israelitas y ri ma israelitas ta, xinbꞌij chi tikijalaꞌ kinoꞌoj y tikiyaꞌ kánima rikꞌin ri Dios y tikitaqij ri Qajaw Jesús.

1 Corintios 15:16

Porque xa ta qetzij chi ri animaꞌiꞌ ma ngekꞌastajbꞌex ta pe, jajun chuqaꞌ ri Cristo ma xkꞌastajbꞌex ta pe chikikajal ri animaꞌiꞌ.