1 Corintios 15:14 - Kaqchikel Santo Domingo (Xenacoj)

¹⁴ Y xa ta ri Cristo ma xkꞌastajbꞌex ta pe chikikajal ri animaꞌiꞌ, ndubꞌij tzij chi nixta jun ndikꞌatzin ri qatzijon kan chiwa, y nixta jun ndikꞌatzin chuqaꞌ chi rix itaqin pe ri Cristo.

နောက်ထပ်ဗားရှင်းများ

Kaqchikel Santa Maria de Jesus

¹⁴ Y xa ta ri Cristo man ta xcꞌastaj-pa, man jun nicꞌatzin ri ruchꞌabꞌal ri Dios ri nakatzijuoj, y man jun jeꞌ nicꞌatzin chi ixreꞌ icukubꞌan icꞌuꞌx riqꞌuin.

Kaqchiquel Bible

¹⁴ Y wi xa man xk'astej ta ri Cristo, kan man jun k'a nik'atzin-wi ri niqatzijoj, y man jun chuqa' nik'atzin-wi ri ikuqubabel-k'u'x.

Kaqchikel Central Guatemala

¹⁴ Y vi ri Cristo xa man xc'astej ta, c'ayef c'a kabanon. Roma tok roj nikatzijoj ri ruch'abel ri Dios nikabij chi ri Cristo xc'astej, y rix can xinimaj chuka' ri ch'abel ri'. Y vi xa man xc'astej ta, can man jun c'a nic'atzin-vi ri nikatzijoj y man jun chuka' nic'atzin-vi chi rix xinimaj.

Re C'ac'a Testamento pa Kach'abal

¹⁴ Y vo xa re Jesucristo man-ta xc'astaj, camas-ta c'ayef kabanon. Roma tak yoj nakatzijoj re ruch'abal re Dios nakabij che re Jesucristo xc'astaj, y yex can xinimaj chuka' re ch'abal re'. Y vo xa man-ta xc'astaj, can man jun ndoc-va re nakatzijoj y man jun chuka' nic'atzin-va che yex xinimaj.

Kaqchikel Western Solola

¹⁴ Y wi ri Cristo xa man ta xc'astej el, juyi' ta oc kawech kabanon, can man ta jun nic'atzin wi ri nikatzijoj y majun chuka' nic'atzin wi chi riyix xinimaj.

1 Corintios 15:14 ပူးပေါင်းရင်းမြစ်များ

1 Corintios 15:17

Y xa ta qetzij chi ri Cristo ma xkꞌastajbꞌex ta pe chikikajal ri animaꞌiꞌ, nixta jun reqalen chi rix itaqin ri Cristo, y kꞌa keriꞌ ta iweqalen mak chuwech ri Dios.

1 Tesalonicenses 4:14

Porque achel qataqin chi ri Jesús xken y xbꞌekꞌastej pe chikikajal ri animaꞌiꞌ, ndiqataqij chuqaꞌ chi ri Dios ndubꞌen chi ri xkitaqij e ri Jesús ndikachibꞌilaj ri Jesús atoq nditzolij chik jumbꞌey.

Santiago 2:20

Rat xa rat achel jun wineq ri maneq runoꞌoj keriꞌ. Takꞌoxomaj kꞌa chi ma jun utz ndukꞌen pe chawa si xaxe ok ndabꞌij chi ataqin ri Ajaw, y ma ndabꞌen ta ri utz chake chꞌaqa chik.

Gálatas 2:2

Xibꞌa e pa tinamit Jerusalén roma ri Dios xuqꞌalajrisaj chinuwech chi ndikꞌatzin ngibꞌa e, y xaxe kikꞌin ri kꞌo kiqꞌij pa kiwech ri hermanos xinmal wiꞌ y xinqꞌasaj chikiwech ri achike rubꞌixik nibꞌen chare ri utzulej teq tzij chin kolotajik ri nutzijon chake ri ma israelitas ta, porque ma kꞌateꞌ xa ma pa rubꞌeyal ta ri nutzijon y romariꞌ xtiqasex reqalen ri samaj nubꞌanun.

Hechos 17:31

Porque rijaꞌ ruchaꞌon jun qꞌij chin nduqꞌet tzij pa kiwiꞌ ri wineq, chin nduyaꞌ rajel-rukꞌexel achel rukꞌulun ndiyoꞌox chake. Rijaꞌ ruchaꞌon ri Jesús chin ndubꞌen ri samaj riꞌ, y chin ndiqꞌalajin chiqawech chi qetzij ruchaꞌon, xukꞌastajbꞌaꞌ pe chikikajal ri animaꞌiꞌ, xchajeꞌ ri Pablo.

San Mateo 15:9

Xa ma jun reqalen chi ndikiyaꞌ nuqꞌij, Porque kibꞌanun chare ri costumbres kikꞌutun kan ri ojer teq katit-kimamaꞌ, chi achel ta mandamiento enuyoꞌon yin. Keriꞌ ruqꞌalajrisan ri Isaías, xchajeꞌ ri Jesús.

1 Corintios 15:2

Y roma chuqaꞌ re utzulej teq tzij chin kolotajik reꞌ, rix bꞌaneq chupan ri bꞌey ri kꞌutun kan chiwech roma ri Ajaw chin ngixkolotej, y kin xkixkolotej wi, si ma ngixel ta e chupan ri utzulej teq tzij nutzijon kan chiwa. Pero si xkixel e chupan, riꞌ ndubꞌij tzij chi ma jun xkꞌatzin chi xitaqij ri utzulej teq tzij riꞌ.

Santiago 1:26

Si kꞌo jun ndunojij chi qetzij runiman ri Ajaw, pero xa ma nduqꞌet ta riꞌ rikꞌin ri ngerubꞌilaꞌ, xa ruyon chuwech nduchꞌakatij qa riꞌ, y ma qetzij ta ri ndunojij chi runiman ri Ajaw.

1 Corintios 15:13

Porque xa ta ri animaꞌiꞌ ma ngekꞌastajbꞌex ta pe, riꞌ ndubꞌij tzij chuqaꞌ chi ri Cristo ma xkꞌastajbꞌex ta pe chikikajal ri animaꞌiꞌ.