1 Corintios 14:37 - Kaqchikel Santo Domingo (Xenacoj)

³⁷ Si kꞌo jun ndunaꞌ chi ri Dios rusipan chare chi nduqꞌalajrisaj ri ndubꞌij pe ri Dios pa ránima, y ndunaꞌ chi ukꞌuan roma ri Espíritu Santo chubꞌixik, tuyaꞌ pa cuenta chi re nitzꞌibꞌaj e chiwa, jun mandamiento chin ri Ajaw.

နောက်ထပ်ဗားရှင်းများ

Kaqchikel Santa Maria de Jesus

³⁷ Rumareꞌ, xa cꞌo jun nuꞌej chi profeta o nuꞌej chi ucꞌuan ruma ri Espíritu Santo, jajaꞌ xtuꞌej chi ri xinꞌej inreꞌ chiva can ru-mandamiento ri Dios.

Kaqchiquel Bible

³⁷ Y wi k'o ta jun qach'alal ri nibin chi rija' kan nuq'alajirisaj ri ruch'abel ri Dios, o ruk'ulun jun chik sipanik, kan tuq'alajirisaj k'a chiwech chi ri xinbij yin kan rik'in ri Dios peteneq-wi.

Kaqchikel Central Guatemala

³⁷ Can ruch'abel vi c'a ri Ajaf Dios ri c'ari' ninbij-ka. Y vi c'o ta jun kach'alal ri nibin chi rija' can yo'on-vi chire chi nuk'alajirisaj ri nibix chire roma ri Dios, can chanin c'a xtubij chi man xe ta ri nubij rija' ri riq'uin ri Dios petenek-vi, xa can que chuka' ri' xtubij chirij ri xinbij yin chive chi riq'uin ri Dios petenek-vi. Y vi c'o ta chuka' jun chic kach'alal ri nibin chi rija' can uc'uan-vi roma ri Lok'olej Espíritu, xa can que chuka' ri' xtubij chirij ri xinbij yin chive. Can xtubij c'a chi ri ch'abel ri xinbij yin chive, can riq'uin vi ri Ajaf Dios petenek-vi.

Re C'ac'a Testamento pa Kach'abal

³⁷ Re c'a ba-oc timbij-va-ka chiva can ruch'abal-va re Ajaf Dios. O c'o-ta jun hermano nibin che reja' can nitiquir nutzijoj re nibex cha roma re Dios, can cha'nin xtubij che man xe-ta re nubij reja' riq'uin re Dios pitinak-va, xa can quire' chuka' xtubij chij re ximbij yen chiva che can riq'uin re Dios pitinak-va. O sea c'o-ta chic chuka' jun hermano re nibin che reja' can ec'uan-va roma re Espíritu Santo, xa can quire' chuka' xtubij chij re ximbij yen chiva, reja' can xtubij c'a che re ch'abal re ximbij yen chiva, can riq'uin-va re Ajaf Dios pitinak-va.

Kaqchikel Western Solola

³⁷ Y wi c'o jun kach'alal ri nibin chi riya' can yatajnek wi chare chi nuk'alajsaj ri nibix chare ruma ri Dios, y chuka' nubij chi can uc'uan wi ruma ri Lok'olaj Espíritu, ri kach'alal ri' can xtubij chuka' chi ri pixa' ri xinbij riyin chiwe, can riq'ui wi ri Ajaf Dios xwinakir wi pe.

1 Corintios 14:37 ပူးပေါင်းရင်းမြစ်များ

1 Juan 4:6

Jakꞌa roj, roj richin ri Dios, y ri wineq ri ketaman runoꞌoj ri Dios ndikitaqij ri ndiqabꞌij, pero ri wineq ri ma erichin ta ri Dios ma ndikitaqij ta ri ndiqabꞌij. Rikꞌin reꞌ ndiqetamaj achike jun kꞌo ri Espíritu chin ri qetzij pa ránima, y achike jun kꞌo ri espíritu chin chꞌakatinik pa ránima.

2 Corintios 10:7

Tiyaꞌ utz-utz cuenta chare ri nditzꞌet chiqij. Si kꞌo jun ndunaꞌ chi rijaꞌ chin ri Cristo, tunojij utz-utz chi roj chuqaꞌ roj richin ri Cristo, achel rijaꞌ.

Judas 1:17

Pero rix ri tzꞌan ngixinwojoꞌ, tikꞌuxlaꞌaj ri kibꞌiꞌin kan ri eru-apóstoles ri Qajaw Jesucristo.

2 Pedro 3:2

Chin keriꞌ ma timestaj ri kiqꞌalajrisan kan ri loqꞌolej profetas ojer, y ma timestaj chuqaꞌ ri mandamiento pataneq rikꞌin ri Qajaw y Qakolonel Jesucristo, ri kibꞌiꞌin kan ri i-apóstoles chiwa.

Gálatas 6:8

Si jun wineq ngerubꞌanalaꞌ ri itzel teq rayinik chin ri ru-cuerpo, ri jun riꞌ ndajin rikꞌin jun tikoꞌ ri xa kamik ndukꞌen pe chare. Pero ri ukꞌuan rukꞌaslen roma ri Espíritu Santo, ri jun riꞌ ndajin rikꞌin jun tikoꞌ ri ndukꞌen pe ri kꞌaslen ma ndikꞌis ta chare.

2 Corintios 11:4

Rix ndikꞌen apu ruwech jun ri nderutzijoj jun chik Jesús chiwa, y ma ja ta ri Jesús ri qatzijon kan roj chiwa, y rikꞌin nojel ikꞌuꞌx ikꞌamon apu chuqaꞌ ruwech jun chik espíritu, pero ma ja ta ri Espíritu Santo ri kꞌo chik pa iwánima, y ikꞌulun apu chuqaꞌ jun chik tijonik ri achel ta utzulej teq tzij chin kolotajik keriꞌ, pero ma ja ta ri qatzijon kan roj chiwa.

2 Corintios 10:12

Qetzij wi kꞌa, chi roj ma jubꞌaꞌ ndubꞌij qánima chi ndiqajunumaj qiꞌ kikꞌin ri kiyon ndikiyalaꞌ qa kiqꞌij, chin ta ndiqatzꞌet si más roj utz o naq ke chikiwech rejeꞌ. Xa chikiwech qa rejeꞌ ndikijunumalaꞌ kiꞌ chin ndikitzꞌet achike ri más utz chikikajal. Pero atoq keriꞌ ndikibꞌen, qꞌalej chi xa ma pa ruchojmil ta ngenojin.

1 Corintios 8:2

Y si jun nim ndunaꞌ chare roma ri retaman, ndubꞌij tzij chi kꞌajani tiretamaj utz-utz ri ndikꞌatzin chi ndiretamaj.

1 Corintios 7:40

Pero ri ixaq ri ndok kan malkaꞌ, más jabꞌel roruqꞌij si ndikꞌojeꞌ ruyon. Keriꞌ ri ninojij riyin, y ninaꞌ chi ja ri Espíritu chin ri Dios ukꞌuayon wichin chubꞌixik.

1 Corintios 7:25

Wokami kꞌa, pa ruwiꞌ ri ndikꞌutuj razón pa kiwiꞌ ri qꞌopojiꞌ chupan ri wuj xiteq pe, ma jun mandamiento ruyoꞌon ri Ajaw chuwa, pero roma wilon rujoyowaxik nuwech rikꞌin ri Ajaw, rix kꞌo cheꞌel kuqul ikꞌuꞌx rikꞌin re kaꞌi-oxiꞌ pixabꞌanik niyaꞌ pa kiwiꞌ rejeꞌ:

Romanos 12:3

Riyin roma ri favor ruyoꞌon ri Dios pa nuwiꞌ chin nibꞌen ri rusamaj, nibꞌij chiwa chiꞌijununal: Ma tinaꞌ chare chi más nim iqꞌij ke chuwech ri rubꞌanun ri Dios chiwa. Pa rukꞌexel riꞌ, xa kin tinojilaꞌ utz-utz achike rubꞌanun ri ikꞌaslen, y ri ndinojilaꞌ, kin ta rukꞌuan riꞌ rikꞌin ri janipeꞌ rix kꞌiyineq chupan ri kuqubꞌel kꞌuxlaj ruyoꞌon ri Ajaw chiwa chiꞌijununal.

San Lucas 10:16

Y ri Jesús xubꞌij chuqaꞌ chake ri ngeruteq: Ri xtirajoꞌ xtirakꞌaxaj ri rutzij ri Dios ri ndeꞌitzijoj rix, ja riyin ri ngirakꞌaxaj. Pero ri ma xtirajoꞌ ta xtirakꞌaxaj ri tzij riꞌ, ja riyin ri ma ndirajoꞌ ta ngirakꞌaxaj, y ri ma xtirajoꞌ ta xkirakꞌaxaj, ma ndirajoꞌ ta ndirakꞌaxaj rutzij ri taqayon pe wichin.

1 Corintios 2:15

Jakꞌa ri kꞌo ri Espíritu Santo pa rukꞌaslen nditiker ndubꞌij ri achike pataneq rikꞌin ri Dios y ri achike naq, pero chirij rijaꞌ nixta jun wineq nditiker ndibꞌiꞌin chi ja o ma ja ta ri ndajin rikꞌin.

1 Corintios 3:1

Riyin hermanos, atoq xikꞌojeꞌ iwikꞌin, ma xitiker ta xichꞌaꞌa chiwa achel ngichꞌaꞌa chake wineq ri ukꞌuan kikꞌaslen roma ri Espíritu Santo, xa xkꞌatzin chi xichꞌaꞌa chiwa achel ngichꞌaꞌa chake wineq ri ma ukꞌuan ta kikꞌaslen roma ri Espíritu, xa achel ta ngichꞌaꞌa chake wineq ri kꞌaja ok xkitaqij ri Cristo.

1 Corintios 14:29

Y keriꞌ chuqaꞌ, si ekꞌo ngeqꞌalajrisan ri ndubꞌij pe ri Dios pa kánima, xe ekaꞌiꞌ o eꞌoxiꞌ ri kechꞌaꞌa, y konojel ri kimolon kiꞌ pa rubꞌiꞌ ri Dios tikitzꞌetaꞌ utz-utz si rikꞌin ri Dios pataneq o naq ri ngetajin chubꞌixik.

1 Corintios 14:36

Keriꞌ nibꞌij chiwa, porque ma iwikꞌin ta rix xtzꞌukutej e rutzijoxik ri rutzij ri Dios, nixta xe chiwa rix tzijon kan.

1 Corintios 14:38

Y si kꞌo jun ma ndirajoꞌ ta nduyaꞌ pa cuenta ri mandamiento ruyoꞌon kan ri Ajaw, rijaꞌ chuqaꞌ ma ndiyoꞌox ta pa cuenta roma ri Ajaw.