1 Corintios 14:3 - Kaqchikel Santo Domingo (Xenacoj)

³ Jakꞌa ri ndiqꞌalajrisan ri ndubꞌij pe ri Dios pa ránima, chake ri kimolon kiꞌ ndichꞌaꞌa wi, chin ngekꞌiy pa kikꞌaslen chuwech ri Dios, chin nduyaꞌ chuqaꞌ ruchuqꞌaꞌ kánima y chin chuqaꞌ ngerubꞌochiꞌij pa rubꞌey ri Dios.

နောက်ထပ်ဗားရှင်းများ

Kaqchikel Santa Maria de Jesus

³ Pero ri nuꞌej ri niꞌeꞌx cha ruma ri Dios, can nuꞌon chica nicꞌaj chic chi niqꞌuiy quicꞌaslien choch ri Dios, y chi nicꞌujieꞌ jeꞌ ruchukꞌaꞌ cánima, y chi ncaꞌruꞌon consolar.

Kaqchiquel Bible

³ Jak'a ri nuq'alajirisaj ri ruch'abel ri Dios, kan chike k'a ri winaqi' nich'on-wi. Nuben chike richin yek'iy rik'in ri kik'aslen, yerupixabaj y nukuquba' kik'u'x.

Kaqchikel Western Solola

³ Yac'a tek jun kach'alal nuk'alajsaj ri nibix chare ruma ri Dios, can chique c'a ri ye'ac'axan riche (rixin) nich'o wi. Y nuben chique chi yeq'uiy chupan ri quic'aslen riq'ui ri Dios. Y nuc'om pe utzilaj pixabanic riche (rixin) chi nicuke' quic'u'x.

1 Corintios 14:3 ပူးပေါင်းရင်းမြစ်များ

1 Corintios 14:12

Keriꞌ chuqaꞌ ndibꞌanatej iwikꞌin rix atoq ma ndikꞌoxomaj ta ri ndubꞌij jun pa jun chik chꞌabꞌel. Romariꞌ, kꞌo kaꞌiꞌ achike niwojoꞌ nibꞌij chiwa: Nabꞌey, rix ri ndirayij chi ndiyoꞌox chiwa ri loqꞌolej teq sipanik ri nduyaꞌ ri Espíritu Santo, tirayij chi ndiyoꞌox chiwa ri loqꞌolej teq sipanik ri ndubꞌen chake ri eralkꞌuaꞌl ri Dios chi ngekꞌiy pa kikꞌaslen chuwech rijaꞌ.

1 Timoteo 4:13

Tatijaꞌ aqꞌij chi jumul ndabꞌen leer ri rutzij ri Dios chikiwech ri hermanos atoq ndikimal kiꞌ, kaꞌapixabꞌaj y kaꞌatijoj. Keriꞌ tabꞌanaꞌ jumul hasta kꞌa kibꞌeqaqa na awikꞌin.

Judas 1:20

Pero rix ri tzꞌan ngixinwojoꞌ, tikꞌiytisaj ri ikꞌaslen chupan ri loqꞌolej tijonik itaqin, tijonik ri pataneq rikꞌin ri Dios, y tiyaꞌ qꞌij chi ri Espíritu Santo ndukꞌuan iwichin pa oración.

Tito 1:9

Ri ndok ukꞌuey bꞌey ndikꞌatzin chi ndukꞌut ri rutzij ri Dios achel ri qetzij kꞌutun kan chuwech, chin keriꞌ nditiker ndubꞌochiꞌij kánima ri hermanos rikꞌin utzulej teq tijonik, y nditiker chuqaꞌ ndubꞌen chake ri eyakatajneq chirij ri qetzij chi ndikiyaꞌ cuenta chare chi ma ja ta ri ngetajin rikꞌin.

Efesios 6:22

Niteq e chin ndiwetamaj ax cheꞌel qabꞌanun, y chin chuqaꞌ nderuyaꞌ ruchuqꞌaꞌ ri iwánima.

2 Timoteo 4:2

chi ma kataneꞌ chutzijoxik ri rutzij ri Dios chake ri ndikajoꞌ ndikakꞌaxaj y chake ri ma ndikajoꞌ ta ndikakꞌaxaj. Tabꞌij chake ri wineq ri koqan jun tijonik ma qetzij ta, chi tikiyaꞌ kan. Tabꞌij chake ri kikꞌuan itzel kꞌaslen, chi tikijalaꞌ ri kikꞌaslen. Kaꞌapixabꞌaj konojel chi jumul tikibꞌanaꞌ ri utz. Rikꞌin nojel awánima kaꞌatijoj konojel rikꞌin rutzij ri Dios, y ma tikꞌo akꞌuꞌx.

Tito 2:6

Y rat Tito, kaꞌapixabꞌaj chuqaꞌ ri kꞌajolaꞌ chin tikijekꞌaꞌ kiꞌ rikꞌin ri ndikibꞌij y ri ndikibꞌen.

1 Corintios 14:31

Y keriꞌ chi jujun chi jujun kꞌo cheꞌel ndiqꞌalajrisaj ri ndubꞌij pe ri Dios pa iwánima, chin keriꞌ rix iwonojel kꞌo ndiwetamaj y ndibꞌochiꞌix chuqaꞌ iwánima pa rubꞌey ri Dios.

1 Corintios 14:26

Pa ruwiꞌ ri nubꞌiꞌin pe, ndikꞌatzin ndibꞌen kereꞌ: Atoq ndimal iwiꞌ pa rubꞌiꞌ ri Ajaw, ri kꞌo bꞌix pa ránima, tibꞌixan; ri kꞌo tijonik yoꞌon chare, titijon pa ruwiꞌ ri rutzij ri Dios; ri kꞌo ruqꞌalajrisan ri Dios pa ránima chin ndubꞌij, tubꞌij pe; y ri ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin, y ri ngeqꞌalajrisan ri ndibꞌix chupan ri chꞌabꞌel riꞌ, kechꞌaꞌa. Pero nojel riꞌ, tibꞌanatej chin ngekꞌiy pa kikꞌaslen chuwech ri Dios ri kimolon kiꞌ pa rubꞌiꞌ.

Romanos 14:19

Y roma kꞌa riꞌ, tiqatijaꞌ qaqꞌij chi ndiqabꞌen ri ndukꞌen pe uxlanen chiqakajal, y tiqakanoj achike ndiqabꞌen chin ndiqatoꞌ qiꞌ chiqawech chin ngojkꞌiy pa qakꞌaslen chiraqen ri Ajaw.

Hechos 13:15

Y atoq xbꞌan yan leer jubꞌaꞌ chare ri ley ri xyoꞌox chare ri Moisés y jubꞌaꞌ chare ri kitzꞌibꞌan kan ri profetas, ri eꞌukꞌuey bꞌey chikiwech ri ndikimal kiꞌ pa sinagoga kereꞌ rubꞌixik xkiteq apu chake ri Pablo y ri Bernabé: Achiꞌaꞌ teq qawinaqul, si rix kꞌo kaꞌi-oxiꞌ tzij ndiwojoꞌ ndibꞌij pa rubꞌiꞌ ri Ajaw chin ndiyaꞌ ruchuqꞌaꞌ kánima ri kimolon kiꞌ waweꞌ, tibꞌij kꞌa.

Tito 2:9

Ndikꞌatzin chi ri loqꞌon teq samajelaꞌ ndikinimaj kitzij ri kajaw rikꞌin nojel ri samaj ndibꞌix chake. Kin ja ta ri ndiqaꞌ chikiwech ri kajaw ri ndikibꞌen, y ma tikikꞌululaꞌ ruwech kitzij ri kajaw.

1 Tesalonicenses 2:3

Porque atoq xqatzijoj kan chiwa chi ndikꞌatzin nditaqij ri utzulej teq tzij chin kolotajik, ruyon ri qetzij xqabꞌij chiwa, ma jun itzel kꞌo pa qánima chin xqabꞌij, y chuqaꞌ ma chin ta xixqachꞌakatij.

1 Corintios 10:23

Ekꞌo kereꞌ ngebꞌiꞌin: Pa nuqꞌaꞌ yin kꞌo chin nichaꞌ ri niwojoꞌ nibꞌen, ngechajeꞌ. Riꞌ qetzij, pero ma nojel ta kꞌo utz ndukꞌen pe. Kin qetzij chi pa nuqꞌaꞌ yin kꞌo chin nichaꞌ ri niwojoꞌ nibꞌen, pero ma nojel ta ndubꞌen chaqe roj ri qataqin ri Ajaw chi ngojkꞌiy pa qakꞌaslen.

1 Pedro 5:12

Ri Silvano xirutoꞌ chin xintzꞌibꞌaj e re wuj reꞌ chiwa. Rijaꞌ jun hermano ri kin kuqul nukꞌuꞌx rikꞌin. Chupan re wuj reꞌ ma kꞌiy ta ok achike nutzꞌibꞌan e chiwa, pero ri achike nutzꞌibꞌan e, kin chin ngixinpixabꞌaj y chin chuqaꞌ nibꞌij chiwa chi ri favor iwilon ndikꞌutu chi qetzij ri Dios ngixrajoꞌ. Roma kꞌa riꞌ, ma jumbꞌey kixel e chuxeꞌ ri favor riꞌ.

Hebreos 13:22

Hermanos, nikꞌutuj kamelal chiwa, chi utz tikꞌamaꞌ apu pa iwánima ri pixabꞌanik nutaqon e chiwa chupan re wuj reꞌ, porque xa kaꞌi-oxiꞌ ok tzij ri nutzꞌibꞌan e chiwa.

Hebreos 10:25

Ma tiqayaꞌ kan chi ndiqamal qiꞌ pa rubꞌiꞌ ri Ajaw, achel rukꞌamon chake jujun chi ndikibꞌen. Xa kin timoloꞌ iwiꞌ chin ndibꞌochilaꞌ iwiꞌ, y más ndikꞌatzin chi keriꞌ ndibꞌen wokami, porque ndiqatzꞌet chi ja nduqaqa ri qꞌij chi ri Ajaw nditzolij pe.

Tito 2:15

Nojel re nubꞌiꞌin pe chawa, tabꞌij atoq ndayaꞌ tijonik. Ri kikꞌuan jun utzulej kꞌaslen, tabꞌij chake chi ma tikiyaꞌ kan. Y ri itzel kikꞌaslen, tabꞌij chake chi tikiyaꞌ kan ri itzel kꞌaslen riꞌ. Ma taxibꞌij awiꞌ ndabꞌen keriꞌ, porque ja ri Dios yoyon uchuqꞌaꞌ pa aqꞌaꞌ. Y ma tayaꞌ qꞌij chi ma jun aweqalen ndibꞌan chawa.

1 Timoteo 6:2

Ri loqꞌon teq samajelaꞌ ri kitaqin ri Cristo ri ekꞌo kajaw ri kitaqin chuqaꞌ ri Cristo, ma tikinojij chi ma ndikꞌatzin ta ndikinimrisaj kiqꞌij ri kajaw roma ki-hermanos kiꞌ. Pa rukꞌexel riꞌ, más utz tikibꞌanaꞌ chare ri samaj, porque ri achoq chake kꞌo utz ndukꞌen pe ri kisamaj, kin kitaqin ri Cristo y eꞌojowan chuqaꞌ roma rijaꞌ. Y rat Timoteo, kaꞌatijoj y kaꞌapixabꞌaj ri hermanos rikꞌin nojel reꞌ.

1 Timoteo 1:4

y chi ma tikiyaꞌ kixikin rikꞌin tzij ri ngetzijox pa kiwiꞌ ri tzaq teq wineq ri xekꞌojeꞌ e chochꞌulew ojer, tzij ri eyoꞌon qa ruqꞌa-raqen, y ma jumbꞌey ngekꞌis, ri ndikibꞌen chake ri wineq chi ndikichuquchaꞌ kiꞌ pa ruwiꞌ ri xa ma jun reqalen. Tzij achel riꞌ ma ngerutoꞌ ta ri wineq chin ta más ndikikuqubꞌaꞌ kikꞌuꞌx rikꞌin ri Dios chubꞌanik ri ndirajoꞌ rijaꞌ.

2 Tesalonicenses 3:12

Chake rejeꞌ ndiqachilabꞌej y ndiqabꞌen mandar pa rubꞌiꞌ ri Ajaw Jesucristo, chi chaj kesamej chin ndikichꞌek ri kiway.

1 Tesalonicenses 4:18

Romariꞌ hermanos, tibꞌochilaꞌ iwiꞌ y tiyaꞌ ruchuqꞌaꞌ iwánima chiwech rikꞌin re tzij reꞌ.

1 Tesalonicenses 4:1

Hermanos, jun chik achike niwojoꞌ nibꞌij chiwa, jareꞌ: Nikꞌutuj kamelal chiwa y ngixinpixabꞌaj pa rubꞌiꞌ ri Ajaw Jesús, chi achel ngixtajin chik rukꞌuaxik pa ikꞌaslen ri tijonik ri qayoꞌon kan chiwa pa ruwiꞌ ri achel rubꞌeyal ri kꞌaslen ndikꞌatzin ndikꞌuaj chuwech ri Dios chin ngixqaꞌ chuwech, wokami más titijaꞌ iqꞌij chi ndikꞌuaj ri ikꞌaslen chupan ri tijonik riꞌ.

1 Tesalonicenses 3:2

y xqateq ri Timoteo chiꞌitzꞌetik. Rijaꞌ jun qa-hermano y rusamajel ri Dios ri ngojrutoꞌ chutzijoxik ri utzulej teq tzij chin kolotajik ri ndichꞌaꞌa pa ruwiꞌ ri Cristo. Roj xqateq chin nderuyaꞌ ruchuqꞌaꞌ ri iwánima y chin chuqaꞌ ngixbꞌerupixabꞌaj chi más ndikuqubꞌaꞌ ikꞌuꞌx rikꞌin ri Cristo.

1 Tesalonicenses 2:11

Iwetaman chuqaꞌ chi xqayaꞌ ruchuqꞌaꞌ ri iwánima y xixqabꞌochiꞌij chiꞌijununal, achel ndubꞌen jun tataꞌatz chake ri eralkꞌuaꞌl. Xixqapixabꞌaj chi tikꞌuaj jun utzulej kꞌaslen, achel rukꞌulun chi ndikꞌuaj chuwech ri Dios ri xoyon iwichin chin ngixok pa ru-reino y ngixkꞌojeꞌ chupan ri nimalej ruqꞌij.

Colosenses 4:8

Romariꞌ, xinteq apeꞌ rixkꞌo chin nderuyaꞌ rutzijol ri ax cheꞌel qabꞌanun, y chin chuqaꞌ nderuyaꞌ ruchuqꞌaꞌ ri iwánima.

Efesios 4:29

Ma tibꞌij itzel teq tzij, xa kin xe utzulej teq tzij ri ndukꞌen pe kꞌiyilen chake chꞌaqa chik. Tibꞌij tzij ri kin rukꞌulun chi ndibꞌij ri ndukꞌen pe ru-favor ri Dios pa kikꞌaslen ri ngeꞌakꞌaxan iwichin.

2 Corintios 2:7

Xa kin tikuyuꞌ rumak y tibꞌochiꞌij ránima, ma kꞌateꞌ tikꞌis ruqꞌij chupan santienta bꞌis.

2 Corintios 1:4

Ja rijaꞌ ri ndibꞌochiꞌin qánima chupan nojel ri kꞌayew ndiqaqꞌasaj, chin keriꞌ rikꞌin ri bꞌochinik ruyoꞌon chaqe ngojtiker ndiqabꞌochiꞌij kánima ri ndikiqꞌasaj xa achike na chi kꞌayew.

1 Corintios 14:17

Qetzij wi chi ri matioxinik ndayaꞌ chare ri Dios pa jun chik chꞌabꞌel ri ma atijon ta awiꞌ rikꞌin, kin utz, pero ma ndubꞌen ta chare ri ndakꞌaxan awichin chi ndikꞌiy pa rukꞌaslen chuwech ri Dios.

1 Corintios 8:1

Wokami niwojoꞌ ngichꞌaꞌa pa ruwiꞌ ri ikꞌutun pe razón chuwa si utz ndikꞌuxeꞌ o naq ri tiꞌij sujun chikiwech tiox. Kin qetzij chi qonojel kꞌo qetaman, pero ri achike qetaman kꞌiy mul ndubꞌen chaqe chi nim ndiqanaꞌ chare. Jakꞌa atoq ngeqajoꞌ ri erichin ri rutinamit ri Dios, riꞌ ndukꞌen pe kꞌiyilen chaqe roj qonojel.

Romanos 15:2

Chiqajununal tiqabꞌanaꞌ ri ndiqaꞌ chikiwech ri hermanos, chin kꞌo utz ndukꞌen pe chake y ndikꞌojeꞌ más ruchuqꞌaꞌ kánima rikꞌin ri Ajaw.

Romanos 12:8

Si ri loqꞌolej sipanik yoꞌon chare chik jun, ja ri nduyaꞌ ruchuqꞌaꞌ ránima jun chik, kin jariꞌ ri tubꞌanaꞌ, y si ri loqꞌolej sipanik yoꞌon chare chik jun, ja ri ngerutoꞌ ri ndikꞌatzin kitoꞌik, ma tukꞌekꞌej, xa kin rikꞌin nojel ránima titoꞌon, y si ri loqꞌolej sipanik yoꞌon chare chik jun, ja ri ndukꞌuaj kibꞌey ri hermanos, tutijaꞌ ruqꞌij chi utz kikꞌuaxik ndubꞌen, y si ri loqꞌolej sipanik yoꞌon chare chik jun, ja ri ndupoqonaj kiwech chꞌaqa chik, tikikot ndipoqonan.

Hechos 15:32

Ri Judas y ri Silas xekibꞌochiꞌij y xkiyaꞌ ruchuqꞌaꞌ kánima ri hermanos rikꞌin ri tzij ri nduyaꞌ pe ri Dios pa kánima. Keriꞌ xkibꞌen porque rejeꞌ eqꞌalajrisanel chin ri ndubꞌij pe ri Dios pa kánima.

Hechos 14:22

Y pa kibꞌey, ngekipixabꞌaj ri kitaqin ri Ajaw, chi tikikuqubꞌaꞌ más kikꞌuꞌx rikꞌin, y ndikibꞌilaꞌ kan chuqaꞌ chi roj ri qataqin ri Jesucristo ndikꞌatzin chi rikꞌin ndiqaqꞌasaj jalajaj teq kꞌayew ngojok pa ru-reino ri Dios.

Hechos 9:31

Chupan ri tiempo riꞌ, ri hermanos aj rochꞌulew Judea, aj rochꞌulew Galilea y aj rochꞌulew Samaria, ma ngetzeqlebꞌex chi ta chin ndibꞌan itzel chake. Ri hermanos ndikinimaj ri Ajaw y ndikꞌiy ri kikꞌaslen, y más wineq ndikitaqij ri Ajaw, porque ri Espíritu Santo ngerutoꞌ.

San Lucas 3:18

Ri Juan ri Bautista rikꞌin pixabꞌanik achel reꞌ y chꞌaqa chik pixabꞌanik, ndutzijoj chake ri wineq ri utzulej teq tzij chin kolotajik.

Hebreos 3:13

Pa rukꞌexel riꞌ, qꞌij-qꞌij tibꞌochilaꞌ y tipixabꞌaj iwiꞌ chiwech, utz kꞌa yoꞌon tiempo chaqe, achel ndubꞌij ri rutzij ri Dios, chin keriꞌ nixta jun xtichꞌakatix roma ri mak y xtikowir qa ri ránima.

Hechos 4:36

Keriꞌ xubꞌen jun achi alaxneq pa rochꞌulew Chipre rubꞌiniꞌan José, jun riy-rumam kan ri Leví. Re José reꞌ, xbꞌix Bernabé chare koma ri apóstoles, y ri bꞌiꞌaj riꞌ ndubꞌij tzij: Jun ri ndibꞌochiꞌin kánima ri wineq.