1 Corintios 12:18 - Kaqchikel Santo Domingo (Xenacoj)

¹⁸ Pero kin qetzij wi chi ja ri Dios xnukꞌu ri qa-cuerpo roj wineq; xuyaꞌ pa teq kikꞌojlibꞌel ri jalajaj ruwachinel ruqꞌa-raqen ri qa-cuerpo achel xrajoꞌ rijaꞌ.

နောက်ထပ်ဗားရှင်းများ

Kaqchikel Santa Maria de Jesus

¹⁸ Pero ri Dios xuyaꞌ nojiel cha ri ka-cuerpo; xuyaꞌ rukꞌa-rakan, y xuyaꞌ nakꞌaroch, xuyaꞌ nojiel, can incheꞌl ri xutzꞌat jajaꞌ chi nicꞌatzin.

Kaqchiquel Bible

¹⁸ Jak'a ri Dios xuya' ronojel chire ri qach'akul achi'el ri xrajo' rija'.

Kaqchikel Central Guatemala

¹⁸ Pero ri Dios xuya' ronojel chire ri kach'acul; xuya' ruk'a-raken, y xuya' runak'-ruvech, xuya' ronojel, can achi'el ri xutz'et rija' chi nic'atzin.

Re C'ac'a Testamento pa Kach'abal

¹⁸ Pero re Dios xuya' ronojel re ndoc cha re ka-cuerpo, xuya' ruk'a-rakan, y xuya' nak'arach, can xuya' ronojel cha, reja' xutz'at che can ronojel re' ye'oc.

Kaqchikel Western Solola

¹⁸ Yac'a ri Dios xuya' ronojel chare ri kach'acul; xuya' ruk'a' raken, y xuya' runak' ruwech, xuya' ronojel, can achi'el ri xutz'et Riya' chi c'o rajawaxic.

1 Corintios 12:18 ပူးပေါင်းရင်းမြစ်များ

1 Corintios 12:28

Y ri Dios chin ndibꞌanatej ri rusamaj chiqakajal roj ri qataqin chik ri Cristo, xeruyaꞌ jalajaj teq samajelaꞌ: Nabꞌey xojruyaꞌ roj, ri roj apóstoles, rukan ri ngeqꞌalajrisan ri ndubꞌij pe ri Dios pa kánima, rox ri tijonelaꞌ, chirij riꞌ ri ngebꞌanun milagros, chirij riꞌ xeruyaꞌ ri yoꞌon chake loqꞌolej teq sipanik chin ngekikꞌachojrisaj ri ngeyawej, y chuqaꞌ ri ngetoꞌon kichin ri ndikꞌatzin kitoꞌik. Xeruyaꞌ chuqaꞌ ri eyoꞌon pa kiwiꞌ ri hermanos chin ndibꞌanatej ri jalajaj ruwech rusamaj ri Dios chikikajal y chuqaꞌ ri ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin.

1 Corintios 12:11

Y nojel re loqꞌolej teq sipanik reꞌ, xa kin xe wi jun ndiyoꞌon richin, y riꞌ ja ri Espíritu Santo ri ndisipan chaqe chiqajununal kin achel ndirajoꞌ rijaꞌ.

Romanos 12:3

Riyin roma ri favor ruyoꞌon ri Dios pa nuwiꞌ chin nibꞌen ri rusamaj, nibꞌij chiwa chiꞌijununal: Ma tinaꞌ chare chi más nim iqꞌij ke chuwech ri rubꞌanun ri Dios chiwa. Pa rukꞌexel riꞌ, xa kin tinojilaꞌ utz-utz achike rubꞌanun ri ikꞌaslen, y ri ndinojilaꞌ, kin ta rukꞌuan riꞌ rikꞌin ri janipeꞌ rix kꞌiyineq chupan ri kuqubꞌel kꞌuxlaj ruyoꞌon ri Ajaw chiwa chiꞌijununal.

1 Corintios 3:5

¿Achike kꞌa más ri Apolos, y achike kꞌa más riyin Pablo ndibꞌij rix? Roj, xa roj ok rusamajelaꞌ ri Dios, ri xojrukusaj chin xitaqij ri Ajaw. Y chiqajununal xyoꞌox chaqe achike chi samaj xqabꞌen chiꞌikajal y jariꞌ ri xqabꞌen.

San Lucas 12:32

Rix ri rix achel jun chꞌuti bꞌotzaj karneꞌl, ma tixibꞌij iwiꞌ, porque ri Itataꞌ Dios kin ndiqaꞌ chuwech chi rix ndibꞌen reinar junan rikꞌin.

1 Corintios 12:24

Jakꞌa ri ruwachinel ruqꞌa-raqen ri qa-cuerpo ri ma ndikikꞌen ta pe kꞌix chaqe, ma ndikꞌatzin ta chi ngeqaweq. Pero ri Dios utz xubꞌen chare nojel. Porque hasta ri ruwachinel ruqꞌa-raqen ri qa-cuerpo ri maneq ok keqalen pa qawech, rijaꞌ xubꞌen chi más jabꞌel ngeqabꞌen cuenta,

San Lucas 10:21

Ja atoq riꞌ ri Espíritu Santo xubꞌen chare ránima ri Jesús chi santienta xkikot, y ri Jesús xubꞌij: Ninimrisaj aqꞌij, Nataꞌ Dios, Rajaw ri kaj y ri rochꞌulew, porque xaqꞌalajrisaj ri qetzij chikiwech ri kibꞌanun chare ri kánima achel kánima chꞌuteq akꞌolaꞌ y xawewaj chikiwech ri ndikinaꞌ chi tzꞌan ketaman y tzꞌan ngekꞌoxoman. Kin keriꞌ wi, Nataꞌ Dios, porque jariꞌ ri xqaꞌ chawech chi xabꞌen, xchajeꞌ ri Jesús.

1 Corintios 15:38

Y ja ri Dios ndiyoꞌon ru-cuerpo ri semilla atoq ndibꞌos pe, y kin achel ndirajoꞌ rijaꞌ, keriꞌ ndubꞌen chare, y chikijununal ri semilla nduyaꞌ jun ki-cuerpo ri kin kichin wi rejeꞌ.

Apocalipsis 4:11

Ajaw y qa-Dios, Ja rat ri kin rukꞌulun chi ndiyoꞌox aqꞌij, y ndinimrisex abꞌiꞌ, Ja rat ri kin rukꞌulun chi achajin nojel ruwech uchuqꞌaꞌ. Porque xe wi rat bꞌanayon nojel ri ebꞌanun, Y roma arayibꞌel rat ekꞌo.

Efesios 1:9

chin xqakꞌoxomaj ri rurayibꞌel, ri ma kin ta qꞌalej rubꞌeyal ojer kan y chupan re tiempo reꞌ xuqꞌalajrisaj chiqawech, porque keriꞌ xubꞌen ruwech xe jampeꞌ pa nabꞌey chi ndubꞌen y ja ri Cristo xukusaj chin xubꞌen.

Efesios 1:5

xubꞌen ruwech xe jampeꞌ pa nabꞌey chi nduyaꞌ rubꞌiꞌ chiqij chin ngojok ralkꞌuaꞌl, kin achel ri rurayibꞌel y achel xqaꞌ chuwech chi xubꞌen, y riꞌ roma ri xubꞌen ri Jesucristo pa qakꞌexel,

Romanos 12:6

Ri Dios ruyoꞌon ri ru-favor pa qawiꞌ, y romariꞌ ruyoꞌon jalajaj loqꞌolej teq sipanik chaqe chin ndiqabꞌen ri rusamaj. Si ri loqꞌolej sipanik yoꞌon chare jun, ja ri nduqꞌalajrisaj ri ndubꞌij pe ri Dios pa ránima, ri nduqꞌalajrisaj kin ta rukꞌuan riꞌ rikꞌin ri tijonik ruyoꞌon kan ri Ajaw chaqe.

1 Corintios 12:17

Xa ta nojel ruwachinel ruqꞌa-raqen ri qa-cuerpo ruyon ta wech, man ta ngojtiker ngojakꞌaxan. Xa ta nojel ruwachinel ruqꞌa-raqen ri qa-cuerpo ruyon ta xikin, man ta ngojtiker ndiqaseq jun achike.

1 Corintios 12:19

Si ri jalajaj ruwachinel ruqꞌa-raqen ri qa-cuerpo xe ta jun ruwech nojel, man ta qꞌalej chi cuerpo.