1 Corintios 11:20 - Kaqchikel Santo Domingo (Xenacoj)

²⁰ Porque atoq ndimal iwiꞌ chin ngixwaꞌ chin ndikꞌuxlaꞌaj rukamik ri Ajaw, ma pa rubꞌeyal ta ndibꞌen.

နောက်ထပ်ဗားရှင်းများ

Kaqchikel Santa Maria de Jesus

²⁰ Y antok ixreꞌ ntimol-iviꞌ chi ntiꞌan ri Santa Cena richin ri Ajaf Jesucristo, xa man ja ta rubꞌanic ntiꞌan.

Kaqchiquel Bible

²⁰ Y toq rix nibij chi nimol-iwi' richin chi ninataj ri rukamik ri ajaw Jesucristo, kan niben-wi k'a ri nima-wa'in, jak'a xa man pa ruchojmilal ta niben chire.

Kaqchikel Central Guatemala

²⁰ Y tok rix nibij chi nimol-ivi' richin chi ninataj ri rucamic ri Ajaf Jesucristo, can niben-vi c'a ri nima-va'in, pero xa man que ta chic ri' ri nuben chivech.

Re C'ac'a Testamento pa Kach'abal

²⁰ Y tak yex nibij che nimol-ivi' chin che ninataj re rucamic re Ajaf Jesucristo, can niban-va re namalaj va'in, pero yex xa man quire-ta ndel-va chivach.

Kaqchikel Western Solola

²⁰ Y tek riyix nimol iwi', riche (rixin) chi ninataj ri rucamic ri Ajaf Jesucristo, can niben wi c'a ri lok'olaj wa'in, pero xa ma ya ta c'a rubanic niben.

1 Corintios 11:20 ပူးပေါင်းရင်းမြစ်များ

1 Corintios 11:19

Kin qetzij chi kꞌo ndikꞌatzin chi rix kaꞌi-oxiꞌ ruwech itzij ndibꞌen qa, porque ngeruqꞌalajrisaj ri achike kikꞌuan chojmilej kꞌaslen chiꞌikajal y ri achike ma kikꞌuan ta chojmilej kꞌaslen.

1 Corintios 11:21

Porque chiꞌijununal nabꞌey paqiꞌ ndikꞌux ri ikꞌuan apu y ma ngeꞌiwoyobꞌej ta ri chꞌaqa chik chin ta ndisipaj jubꞌaꞌ chake, y romariꞌ kꞌo ngekanej kan chi wayijal, mientras chꞌaqa chiwech hasta ngixqꞌabꞌer.

Judas 1:12

Y atoq rix ndimal iwiꞌ chin ndibꞌen ri waꞌin ri achoq chupan ndikꞌut chi kin ndiwojoꞌ iwiꞌ chiwech, ngebꞌeqaqa chuqaꞌ rejeꞌ y xa kꞌixbꞌel palej ndikibꞌanalaꞌ. Ma jun kikꞌix ngewayilaꞌ chiꞌikajal, y ma jubꞌaꞌ ndubꞌij kánima chi xa ma ja ta ri ngetajin rikꞌin. Xa eꞌachel itzel teq yuqꞌunelaꞌ ri ma ngekibꞌen ta cuenta ri karneꞌl, xaxe ndikikanoj ri utz ndukꞌen pe chake rejeꞌ. Ma jun utz ndikikꞌen pe chiwa, xa eꞌachel ri nubes ri maneq jabꞌ kikꞌuan, nubes ri eꞌukꞌuan roma ruchuqꞌaꞌ ri kaqiqꞌ. Eꞌachel chuqaꞌ cheꞌ ri nixta jun chꞌuti kiwech ndikiyaꞌ maske ruqꞌijul chik, cheꞌ ri ma xe ta ekamineq, xa ekꞌuqun chi e chuqaꞌ.

Hechos 2:42

Y kin jumul ndikibꞌen ri ndiketamaj pa ruwiꞌ ri tijonik ndikiyaꞌ ri apóstoles, y kin xe jun kánima kibꞌanun ndikimal kiꞌ pa rubꞌiꞌ ri Ajaw, ndikikꞌux ri kaxlan wey kꞌuxlabꞌel rukamik ri Ajaw y ndikibꞌen orar.

Hechos 2:46

Nojel teq qꞌij ndikimal kiꞌ pa rachoch ri Dios, y ndikiper ri kaxlan wey kꞌuxlabꞌel rukamik ri Ajaw pa teq achoch, y nojel kánima ngekikot junan ngewaꞌ.

1 Corintios 11:17

Pero wokami rikꞌin re nitzꞌibꞌaj e chiwa, maneq cheꞌel nibꞌij chi ngikikot iwoma, porque pa rukꞌexel chi kꞌo utz ndukꞌen pe ri molojriꞌil ndibꞌen, xa kꞌayew ndukꞌen pe chiwa.

Hebreos 10:25

Ma tiqayaꞌ kan chi ndiqamal qiꞌ pa rubꞌiꞌ ri Ajaw, achel rukꞌamon chake jujun chi ndikibꞌen. Xa kin timoloꞌ iwiꞌ chin ndibꞌochilaꞌ iwiꞌ, y más ndikꞌatzin chi keriꞌ ndibꞌen wokami, porque ndiqatzꞌet chi ja nduqaqa ri qꞌij chi ri Ajaw nditzolij pe.

2 Pedro 2:13

Keriꞌ rukꞌexel ndiyoꞌox chake roma ri itzel teq achike kibꞌanun chake chꞌaqa chik. Ri wineq riꞌ maske paqꞌij, kin utz ndikinaꞌ chare ri ndikibꞌanalaꞌ itzel teq achike. Ndikimal kiꞌ iwikꞌin atoq ndibꞌanalaꞌ inimaqꞌij, pero xa eseqꞌ chi wineq chiꞌikajal y eyoꞌol kꞌix chiwa, y xa ngekikot roma ri itzel kꞌaslen kikꞌuan.