1 Corintios 10:11 - Kaqchikel Santo Domingo (Xenacoj)

¹¹ Nojel re xkikꞌulwachij rejeꞌ ojer kan, xtzꞌibꞌex kan chupan ri rutzij ri Dios chin ndiqetamaj roj ri rojkꞌo chupan ri rukꞌisibꞌel teq tiempos chi ma tiqabꞌen achel xkibꞌen rejeꞌ.

နောက်ထပ်ဗားရှင်းများ

Kaqchikel Santa Maria de Jesus

¹¹ Nojiel ri xbꞌanataj quiqꞌuin ijejeꞌ, xa jun ejemplo chika ojreꞌ. I-tzꞌibꞌan can chupan ri ruchꞌabꞌal ri Dios, chi quireꞌ ojreꞌ ri ojcꞌo chupan ri ruqꞌuisbꞌal tiempo richin ri roch-ulief, man tibꞌanataj kiqꞌuin quireꞌ.

Kaqchiquel Bible

¹¹ Ronojel k'a ri xkik'uluwachij rije', kan k'o-wi k'a nuk'ut chiqawech roj, y roma ri' e tz'ibatel kan richin chi roj re ojk'o chupan re ruk'isibel taq q'ij richin re ruwach'ulew niqak'en qana'oj chirij.

Kaqchikel Central Guatemala

¹¹ Ronojel c'a ri xquic'ulvachij rije', can c'o-vi c'a ri nubij chike. E tz'ibatel c'a can richin chi roj ri ojc'o chupan re ruq'uisibel tak tiempo richin re ruvach'ulef, man tikac'ulvachij chuka' queri'.

Re C'ac'a Testamento pa Kach'abal

¹¹ Ronojel re xquic'alvachij reje', can nuban chaka che yojnojin y c'o q'uiy cosa chuka' nubij chaka. Re' je'tz'iban can chin che yoj re yojc'o chupan re ruq'uisibal tak tiempo chin re ruch'ulef, man takac'alvachij chuka' quire'.

Kaqchikel Western Solola

¹¹ Ronojel c'a ri xquic'ulwachij riye', jun c'ambel na'oj chkawech riyoj. Ye tz'ibatal c'a ca riche (rixin) chi riyoj ri yojc'o chupan re ruq'uisbel tak tiempo riche (rixin) re ruwach'ulef, can tikachajij ki' riche (rixin) chi ma xtikac'ulwachij ta chuka' riyoj queri'.

1 Corintios 10:11 ပူးပေါင်းရင်းမြစ်များ

San Mateo 13:39

y ri yakatajneq royowal chare rajaw ri ulew ja ri itzel. Ri qꞌatoj trigo ndichꞌaꞌa pa ruwiꞌ ri ndibꞌanatej atoq ndikꞌis re tiempo rojkꞌo, y ri ngeqꞌaton ja ri ángeles.

San Mateo 13:40

Romariꞌ, achel ndibꞌan chare ri itzel qꞌayis, ndimol ruchiꞌ chin ndikꞌatisex pa qꞌaqꞌ, keriꞌ chuqaꞌ ndibꞌan atoq ndikꞌis re tiempo rojkꞌo.

Romanos 13:11

Y tibꞌanaꞌ nojel reꞌ, porque iwetaman chi ri tiempo rojkꞌo wokami, kin tiempo chik chin ngixkꞌastej pe. Keriꞌ nibꞌij chiwa porque wokami más naqaj chik kꞌo ri qakolotajik ke atoq xqataqij.

Romanos 13:12

Ri qꞌequꞌ ndeqꞌax yan, y ja ndiseqresan pe. Romariꞌ tiqayaꞌ kan nojel ri itzel teq achike ngeqabꞌanalaꞌ ri kin chin wi ri qꞌequꞌ, y tiqaweqaꞌ qiꞌ rikꞌin ri luz ri kin achel jun tobꞌel nduyaꞌ ri Dios chaqe.

Romanos 15:4

Porque ri xtzꞌibꞌex chupan ri rutzij ri Dios ojer kan, xtzꞌibꞌex chin ngojtijox roj, chin keriꞌ roma ri xtzꞌibꞌex kan, ndiqil ruchuqꞌaꞌ qánima y ngojkochꞌon pa qakꞌaslen chiroyobꞌexik ri rusujun ri Dios.

Romanos 4:23

Pero ma ruyon ta ri Abraham xkochin ri xtzꞌibꞌex kan chi nixta jun rumak xreqalej chuwech ri Dios,

1 Corintios 10:6

Y nojel ri xbꞌanatej kikꞌin rejeꞌ, okuneq ejemplo chaqe chin ma tibꞌa qánima chirij ri itzel teq rayinik, achel xkibꞌen rejeꞌ.

1 Corintios 7:29

Hermanos, riyin nibꞌij: Xa jubꞌaꞌ chik qꞌij rojkꞌo chochꞌulew. Romariꞌ, ndikꞌatzin chi ri kꞌo kixjayil, ma jariꞌ tiqꞌato kichin chin ndikibꞌen ri ndirajoꞌ ri Ajaw.

1 Corintios 9:10

¿O xubꞌij chuqaꞌ keriꞌ qoma roj? Porque qoma roj tzꞌibꞌan kan chi ri ngetikon y ri ngebꞌanun ri samaj chin ndipochꞌotej ruwech ri tikoꞌ, ndikꞌatzin ndikiyaꞌ pa kánima chi nderilaꞌ qꞌij atoq ndiyoꞌox jubꞌaꞌ ruwech ri tikoꞌ chake.

Gálatas 4:24

Ri ekaꞌiꞌ ixoqiꞌ riꞌ jun ejemplo chikij kaꞌiꞌ pactos erubꞌanun ri Dios, y kereꞌ ndubꞌij tzij: Ri Agar ndiqajunumaj rikꞌin ri pacto xbꞌan pariꞌ ri juyuꞌ rubꞌiniꞌan Sinaí, y konojel ri xeꞌalex chupan ri pacto riꞌ, kin xeximeꞌ chuxeꞌ ruchuqꞌaꞌ ri ley xyoꞌox chare ri Moisés.

Filipenses 4:5

Kin ta nditzꞌetetej koma konojel wineq chi kin utz inoꞌoj. Ri Ajaw naqaj chik kꞌo.

Hebreos 10:25

Ma tiqayaꞌ kan chi ndiqamal qiꞌ pa rubꞌiꞌ ri Ajaw, achel rukꞌamon chake jujun chi ndikibꞌen. Xa kin timoloꞌ iwiꞌ chin ndibꞌochilaꞌ iwiꞌ, y más ndikꞌatzin chi keriꞌ ndibꞌen wokami, porque ndiqatzꞌet chi ja nduqaqa ri qꞌij chi ri Ajaw nditzolij pe.

Hebreos 10:37

Porque ri Dios chupan ri rutzij tzꞌibꞌan kan kereꞌ ndubꞌij: Jubꞌaꞌ chik qꞌij ndirajoꞌ Chin nduqaqa ri Jun bꞌiꞌin kan chi nduqaqa, Kin nduqaqa yan.

1 Juan 2:18

Rix ri kin achel chꞌuteq wíta akꞌolaꞌ keriꞌ, iwetaman chi rojkꞌo chik chupan ri rukꞌisibꞌel tiempo chin ri rochꞌulew. Y achel iwakꞌaxan chi nduqaqa ri jun ri ndiyakatej chirij ri Cristo, wokami ekꞌiy chik ri eyakatajneq chirij ri Cristo, romariꞌ qetaman chi xa rojkꞌo chik chupan ri rukꞌisibꞌel tiempo chin ri rochꞌulew.