1 Corintios 1:8 - Kaqchikel Santo Domingo (Xenacoj)

⁸ Ri Dios ndubꞌen chuqaꞌ chiwa chi jumul kaw ngixpeꞌeꞌ pa rubꞌey chin ma ngixtzaq hasta jampeꞌ ndekꞌis nojel, chin keriꞌ chupan ri qꞌij atoq nditzolij pe ri Qajaw Jesucristo, nixta jun mak xtilitej pa ikꞌaslen.

နောက်ထပ်ဗားရှင်းများ

Kaqchikel Santa Maria de Jesus

⁸ Y ri Kajaf Jesucristo can xquixrutoꞌ chupan ri icꞌaslien, chi quireꞌ man jun ta pecado nilitaj pan icꞌaslien antok xtalka ri kꞌij chi xtitzalaj chic pa ri Kajaf Jesucristo.

Kaqchiquel Bible

⁸ Y rija' kan xkixruto-apo k'a toq xtapon ri ruk'isibel taq q'ij richin chi man jun mak nilitej pa taq ik'aslen toq xtapon ri q'ij chi xtitzolej chik pe ri qajaw Jesucristo.

Kaqchikel Central Guatemala

⁸ Y ri Kajaf Jesucristo can xquixruto-vi chupan ri ic'aslen, richin chi man jun ta mac nilitej pa tak ic'aslen tok xtapon ri k'ij ri richin rija'.

Re C'ac'a Testamento pa Kach'abal

⁸ Y re Kajaf Jesucristo can xquixruto-va chupan re ic'aslen, chin che manak-ta mac nilitaj pa tak ic'aslen tak xtapon re k'ij che xtipa reja'.

Kaqchikel Western Solola

⁸ Y ri Kajaf Jesucristo can xquixruto' wi riche (rixin) chi cof yixc'oje' chupan ri ic'aslen, riche (rixin) chi man ta jun mac nilitej pa tak ic'aslen tek xtapon ri k'ij tek xtipe chic jun bey Riya'.

1 Corintios 1:8 ပူးပေါင်းရင်းမြစ်များ

San Lucas 17:24

Porque atoq riyin ri aj chikaj ri xinuꞌalex chiꞌikajal nginuqaqa chik jumbꞌey, konojel nginikitzꞌet, kin achel nditzꞌetetej ri koyopaꞌ atoq ndiyikꞌan chikaj, kin nduyikꞌaj ri jun ruchiꞌ ri rokaj y ndeqaqa hasta apeꞌ kꞌo ri jun chik ruchiꞌ.

San Lucas 17:30

Y achel xekibꞌanalaꞌ ri wineq pa ru-tiempo ri Lot, keriꞌ chuqaꞌ xkekibꞌanalaꞌ ri wineq chupan ri qꞌij atoq nginuqaqa chik jumbꞌey riyin ri aj chikaj ri xinuꞌalex chiꞌikajal.

Romanos 14:4

Jakꞌa rat, ¿achike kꞌa rat chin ndabꞌij si utz o ma utz ta ndajin rikꞌin rusamajel jun chik? Xaxe ri rajaw kꞌo ruqꞌaꞌ chi ndubꞌij si utz o ma utz ta ndajin rikꞌin. Y jun rusamajel ri Ajaw kin xtitzꞌetetej chi utz ndajin rikꞌin, porque ri Ajaw rikꞌin ri ruchuqꞌaꞌ nditiker ndubꞌen chi ri samajel utz ndubꞌen chuwech.

Romanos 16:25

Tiqayaꞌ ruqꞌij ri Dios, ri nditiker ndubꞌen chiwa chi más ndikꞌojeꞌ ruchuqꞌaꞌ iwánima rikꞌin, achel ndubꞌij ri utzulej teq tzij chin kolotajik ri niyaꞌ rutzijol, ri ndichꞌaꞌa pa ruwiꞌ ri Jesucristo. Ja utzulej tzij riꞌ ri runabꞌan pe ri Dios chin ndukusaj chin ngerukal ri jalajaj kiwech wineq chochꞌulew, y xe jampeꞌ pa nabꞌey ewan pe rubꞌeyal,

Romanos 8:19

Nojel ri ebꞌanun roma ri Dios bꞌaneq kánima chiroyobꞌexik ri qꞌij riꞌ, atoq ndiqꞌalajrisex achike ri eqetzij ralkꞌuaꞌl ri Dios.

1 Corintios 3:13

Pero ri samaj xtikibꞌen chikijununal, nditzꞌetetej chupan ri qꞌij atoq ri Cristo ndunikꞌoj ri samaj kibꞌanun ri rusamajelaꞌ, porque ri qꞌij riꞌ ndipuꞌun rikꞌin qꞌaqꞌ, y chupan ri qꞌaqꞌ riꞌ nditzꞌetetej ri achike xkikusaj ri samajelaꞌ chikijununal chin xkipabꞌaꞌ ri jay.

1 Corintios 5:5

tijachaꞌ pa ruqꞌaꞌ ri itzel ri achi riꞌ chin ndikꞌojeꞌ pa kꞌayew, y keriꞌ ndikꞌis qa ri itzel rayinik kꞌo pa ru-cuerpo chin keriꞌ ndikolotej ri ránima chupan ri tiempo atoq ndibꞌanatej nojel ri rubꞌiꞌin kan ri Ajaw.

2 Corintios 1:13

Chupan ri wuj qatzꞌibꞌan e, nixta jun achike kaꞌiꞌ ta rubꞌeyal rukꞌoxomaxik, xa kin ja achel ndibꞌen leer y ndikꞌoxomaj, jariꞌ ri rubꞌeyal. Y nirayij chi ndikꞌoxomaj ta nojel ri qatzꞌibꞌan e,

2 Corintios 1:14

achel ikꞌoxoman chik jubꞌaꞌ ri achike roj, chi atoq nduqaqa chik jumbꞌey ri Ajaw Jesús, kin xkixkikot qoma, achel roj xqojkikot iwoma rix.

2 Corintios 1:21

Y ja ri Dios ndibꞌanun chaqe roj y chiwa rix chi qꞌij-qꞌij más xe jun ndiqabꞌen rikꞌin ri Cristo, y roj ruchaꞌon chuqaꞌ chin ndiqabꞌen ri rusamaj.

Efesios 5:27

chin keriꞌ roj ri roj ralkꞌuaꞌl ri Dios, kin ndiyikꞌilan ri qakꞌaslen atoq ngojurukꞌamaꞌ ri Cristo chin ndukꞌen apu qawech, y man ta tzꞌil, nixta yuchuyik rubꞌanun ri qakꞌaslen, nixta kꞌo jun achike ri ma chꞌajchꞌaj ta ndilitej chiqij. Porque rijaꞌ ndirajoꞌ chi roj loqꞌolej y chꞌajchꞌaj ngojbꞌeqaqa chuwech.

Filipenses 1:10

Chin keriꞌ ndichaꞌ ri más utz chi ndibꞌen, y keriꞌ, chupan ri qꞌij atoq nduqaqa ri Cristo, ngixuꞌilitej chi loqꞌolej ri ikꞌaslen, y ma jun itzel achike ndilitej chiwij,

Filipenses 1:6

Y kin kuqul nukꞌuꞌx chi ri utzulej samaj rutzꞌukun pe ri Dios pa iwánima, qꞌij-qꞌij ndajin rikꞌin, y ndutzꞌaqatisaj hasta chupan ri qꞌij atoq nduqaqa ri Cristo Jesús.

Colosenses 1:22

Maske keriꞌ xeꞌibꞌanalaꞌ jumbꞌey kan, wokami elesan ri mak jachayon iwech rikꞌin ri Dios, y kꞌamon apu iwech roma rijaꞌ, y riꞌ roma ri kamik xuqꞌasaj ri Cristo pa ru-cuerpo atoq xkꞌojeꞌ chochꞌulew. Keriꞌ xubꞌen rijaꞌ chin ndubꞌen loqꞌolej y chꞌajchꞌaj chare ri ikꞌaslen, y chin chuqaꞌ ma jun itzel achike ndilitej chiwij atoq ngixbꞌerujachaꞌ chuwech ri Dios.

Colosenses 2:7

Jumul titikeꞌ ri ikꞌaslen rikꞌin, achel jun cheꞌ nej bꞌaneq qa ruxeꞌ, o achel jun achoch ri jabꞌel ruxeꞌ yoꞌon, y jumul tikuqubꞌaꞌ ikꞌuꞌx rikꞌin achel ri kꞌutun kan chiwech, y jumul tinoj iwánima rikꞌin matioxinik chare ri Dios.

1 Tesalonicenses 3:13

chin keriꞌ ndiwil ruchuqꞌaꞌ ri iwánima chin ndibꞌen nojel pa ruchojmil, y keriꞌ loqꞌolej nditzꞌetetej ri ikꞌaslen y nixta jun mak ndilitej chiwij chuwech ri Tataꞌaj Dios atoq nduqaqa chik jumbꞌey ri Ajaw Jesús, junan kikꞌin ri loqꞌolej teq oqey richin. Amén.

1 Tesalonicenses 5:2

Porque rix iwetaman utz-utz chi ri tiempo atoq ndibꞌanatej nojel ri rubꞌiꞌin kan ri Ajaw, nduqaqa atoq nixta jun ndinabꞌen richin, achel jun eleqꞌon ri ma ndinabꞌex ta atoq ndok pa jun achoch chaqꞌaꞌ chin ndeꞌeleqꞌan pe.

2 Tesalonicenses 2:2

ngixqapixabꞌaj chi ma tijalatej ri achike ndinojij chin ta nditaqij paqiꞌ jun chik achike. Porque ekꞌo jujun ngebꞌiꞌin chi ri tiempo atoq ndibꞌanatej nojel ri rubꞌiꞌin kan ri Ajaw xuqaqa yan, pero rix ma tichꞌujrisaj iwiꞌ, maske ndikibꞌilaꞌ chi ja ri Espíritu qꞌalajrisayon chikiwech chi keriꞌ xbꞌanatej yan, o ndikibꞌij chi jariꞌ ri ndiqakꞌut roj, o ndikibꞌij chi roj mismo qatzꞌibꞌan wuj apeꞌ ndubꞌij chi xuqaqa yan ri tiempo riꞌ.

2 Tesalonicenses 3:3

Pero ri Ajaw kin ndubꞌen wi ri ndubꞌij. Rijaꞌ kin nduyaꞌ ruchuqꞌaꞌ ri iwánima y ngixrubꞌen cuenta, chin keriꞌ maneq ruqꞌaꞌ ri itzel chiwa.

2 Timoteo 1:12

Romariꞌ niqꞌasaj kꞌayew waweꞌ pa cheꞌ, pero ma ngikꞌix ta yinkꞌo chireꞌ, porque kin wetaman ri utzulej runoꞌoj ri achoq ikꞌin nukuqubꞌan nukꞌuꞌx y kin kuqul nukꞌuꞌx chi rijaꞌ kꞌo ruchuqꞌaꞌ chin nduchajij ri ruyoꞌon chuwa hasta kꞌa nduqaqa na ri qꞌij atoq nditzolij pe.

2 Timoteo 1:18

Rat awetaman chuqaꞌ chi rijaꞌ tzꞌan toꞌonik xuyaꞌ atoq xkꞌojeꞌ pa tinamit Éfeso. Ri Ajaw kin ta xtujoyowaj ruwech chupan ri qꞌij atoq nditzolij pe ri Cristo Jesús.

1 Pedro 5:10

Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo, roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ.

2 Pedro 3:10

Pero achel jun eleqꞌon pa jumel ruwech ndok pa jun achoch, keriꞌ pa jumel ruwech nduqaqa ri tiempo atoq ndibꞌanatej nojel ri rubꞌiꞌin kan ri Ajaw. Chupan teq ri qꞌij riꞌ, ri kaj santienta ndiqꞌajan ndikꞌis, nojel ri ebꞌanun roma ri Dios ngekꞌis pa qꞌaqꞌ, y ri rochꞌulew y nojel ri achike ekꞌo chuwech, maneq apeꞌ ndikewaj kiꞌ, xa ndikꞌis ruqꞌij nojel.

2 Pedro 3:14

Roma kꞌa riꞌ, rix hermanos ri tzꞌan ngixinwojoꞌ, nibꞌij chiwa chi rikꞌin ri iwoyobꞌen chi ndibꞌanatej nojel reꞌ, titijaꞌ iqꞌij chi atoq nduqaqa ri qꞌij riꞌ, kin ta kꞌo uxlanen pa iwánima rikꞌin ri Dios, chꞌajchꞌaj ta ri ikꞌaslen y nixta jun itzel achike ndilitej chiwij.