1 Corintios 1:10 - Kaqchikel Santo Domingo (Xenacoj)

¹⁰ Hermanos, nikꞌutuj kamelal chiwa pa rubꞌiꞌ ri Qajaw Jesucristo, chi rix iwonojel xe jun ruwech itzij tibꞌanaꞌ, y ma kaꞌi-oxiꞌ iwech tibꞌen qa, xa kin chaj tikꞌuaj iwiꞌ. Tibꞌanaꞌ chi ri ndinaꞌ y ri ndinuk pa iwánima xe jun ruwech.

နောက်ထပ်ဗားရှင်းများ

Kaqchikel Santa Maria de Jesus

¹⁰ Hermanos, pa rubꞌeꞌ ri Kajaf Jesucristo nicꞌutuj favor chiva chi junan ivánima tibꞌanaꞌ. Man tiꞌan pensar diferente. Xa junan tibꞌanaꞌ pensar y junan ta ri ntinaꞌ pan ivánima.

Kaqchiquel Bible

¹⁰ Wach'alal, pa rubi' k'a ri qajaw Jesucristo nink'utuj utzil chiwe, chi junan iwech tibana'. Man kepe itzel taq ch'obonik iwik'in richin nich'arala-iwi'. Pa ruk'exel chi keri', kan junan ta ch'obonik ri xtik'oje' iwik'in.

Kaqchikel Central Guatemala

¹⁰ Vach'alal, pa rubi' c'a ri Kajaf Jesucristo ninc'utuj utzil chive, chi junan ivech tibana'. Man quepe itzel tak ch'obonic iviq'uin richin nich'arala-ivi'. Xa junan ta ich'obonic, junan ta ina'oj.

Re C'ac'a Testamento pa Kach'abal

¹⁰ Hermanos, pa rube' re Kajaf Jesucristo ninc'utuj utzil chiva, che junan ivach tibana'. Man que'pa itzel tak nojebal pan ijalom chin che nijachala-ivi'. Xa can junan-ta ninojij chiyixnojel, y can junan-ta re ina'oj.

Kaqchikel Western Solola

¹⁰ Wach'alal, pa rubi' c'a ri Kajaf Jesucristo nc'utuj jun utzil chiwe, chi junan iwech tibana'. Ma quepe ta itzel tak ch'obonic pa tak iwánima riche (rixin) chi nijachala' iwi'. Xa junan ich'obonic y junan ina'oj tibana' chi'iwonojel.

1 Corintios 1:10 ပူးပေါင်းရင်းမြစ်များ

San Mateo 9:16

Ma jun wineq ndutꞌis jun kꞌakꞌakꞌ kꞌojobꞌel chirij jun tzieq tziaꞌq chik, porque ri kꞌakꞌakꞌ kꞌojobꞌel nduyuch ri tzieq riꞌ, y ri tzieq ndiraqꞌachꞌitej qa más.

Marcos 2:21

Ma jun wineq ndutꞌis jun kꞌakꞌakꞌ kꞌojobꞌel chirij jun tzieq tziaꞌq chik, porque ri kꞌakꞌakꞌ kꞌojobꞌel nduyuch ri tzieq riꞌ, y ri tzieq ndiraqꞌachꞌitej qa más.

Marcos 3:24

Si pa jun reino ma junan ta ruwech kitzij ndikibꞌen ri ruwinaq, ri reino riꞌ ndikꞌis ruqꞌij.

San Juan 10:19

Atoq ri israelitas xkakꞌaxaj ri xubꞌij ri Jesús, ma junan ta ruwech kitzij xkibꞌen chik jumbꞌey pa ruwiꞌ ri xubꞌij.

San Juan 17:23

Riyin ngikꞌojeꞌ pa kánima ri eꞌayoꞌon chuwa, y rat pa wánima riyin, chin keriꞌ nditzꞌaqet chi konojel xe jun kánima ndikibꞌen, chin keriꞌ ri wineq ri ma rat kitaqin ta ndiketamaj chi ja rat taqayon pe wichin, y chi ngaꞌawojoꞌ ri eꞌayoꞌon chuwa achel nganawojoꞌ riyin.

San Juan 7:43

Roma kꞌa riꞌ, ri wineq riꞌ xa ma junan ta ruwech kitzij xkibꞌen pa ruwiꞌ ri Jesús.

San Juan 9:16

Ja atoq riꞌ jujun chikikajal ri fariseos riꞌ kereꞌ ndikibꞌilaꞌ chirij ri Jesús: Ri achi riꞌ, ma ja ta ri Dios taqayon pe richin, porque maneq reqalen ndubꞌen chare ri uxlanibꞌel qꞌij. Pero chꞌaqa chik ndikibꞌilaꞌ: ¿Achike modo nditiker ndubꞌen nimalej teq retal ruchuqꞌaꞌ ri Dios, si xa ta aj mak achel ndibꞌij rix? Y ma junan ta ruwech kitzij xkibꞌen qa ri fariseos roma ri Jesús.

Hechos 4:32

Ri kitaqin ri Jesús, kin ekꞌiy wi, y konojel xe jun ruwech kitzij y xe jun kánima kibꞌanun, nixta jun chikikajal ndubꞌij ta chi ri ruchajin kin xe ta richin rijaꞌ, y nojel ri kichajin kin xe jun kánima kibꞌanun pa ruwiꞌ.

Romanos 1:13

Hermanos, riyin niwojoꞌ chi ndiwetamaj chi kꞌiy mul nubꞌanun ruwech chi yin ta bꞌaneq chiꞌitzꞌetik, pero kꞌo ta man kꞌo okuneq chupan. Nirayij chi kin ta ngixkꞌiy pa ikꞌaslen chiraqen ri Cristo, achel bꞌanatajneq rikꞌin ri nusamaj chikikajal ri chꞌaqa chik ma israelitas ta.

Romanos 12:1

Hermanos, rikꞌin nojel ri qabꞌiꞌin pe, kin qatzꞌeton chi ri Dios tzꞌan rujoyowan qawech. Romariꞌ, nikꞌutuj kamelal chiwa chi tijachaꞌ iwiꞌ pa ruqꞌaꞌ, achel jun kꞌaslik y loqꞌolej ofrenda ri ndisuj chuwech. Porque kin keriꞌ wi rukꞌulun chi ndiyoꞌox ruqꞌij rijaꞌ, y jariꞌ ri ndiqaꞌ chuwech.

Romanos 12:16

Junan ruwech itzij tibꞌanaꞌ chiwech, ma tinimrisaj iwiꞌ, xa kin utz tinaꞌ chare ngeꞌiwachibꞌilaj ri maneq ok kiqꞌij. Ma tibꞌen chi achel xe ta rix tzꞌan iwetaman chikiwech chꞌaqa chik.

Romanos 15:30

Hermanos, pa rubꞌiꞌ ri Qajaw Jesucristo y roma ri ajowabꞌel ruyoꞌon ri Espíritu Santo pa qánima, nikꞌutuj kamelal chiwa chi kinitoꞌ rikꞌin ndibꞌen orar chare ri Dios woma.

Romanos 16:17

Nikꞌutuj kamelal chiwa hermanos chi tichajij iwiꞌ chikiwech ri ndikajoꞌ ndikijech iwech, y ndikiyaꞌ jun achike pa ibꞌey chi ndiwil jun roma ndiyaꞌ kan ri utzulej tijonik kꞌutun kan chiwech. Ma tiwachibꞌilaj iwiꞌ kikꞌin.

1 Corintios 1:11

Nibꞌij keriꞌ chiwa, porque ri aj pa rachoch ri xta Cloe xukibꞌij chuwa chi kꞌo oyowal chiꞌikajal.

1 Corintios 11:18

Nabꞌey nibꞌij chiwa ri wakꞌaxan, chi rix atoq ndimal iwiꞌ pa rubꞌiꞌ ri Dios, xa kaꞌi-oxiꞌ ruwech itzij ndibꞌen qa. Y riyin nitaqij jubꞌaꞌ chi keriꞌ.

1 Corintios 12:25

chin keriꞌ junan kiwech ndikachibꞌilaj kiꞌ nojel teq ruwachinel ruqꞌa-raqen ri qa-cuerpo, y kin ndikitolaꞌ kiꞌ chikiwech.

1 Corintios 3:3

Keriꞌ nibꞌij chiwa, porque rix kꞌa rix ukꞌuan roma ri achike ndirayij, roma xe jun samajel chin ri Dios ndiqaꞌ chiwech y ma ndiqaꞌ ta chiwech jun chik, y hasta ndibꞌen oyowal chiwech romariꞌ. Riꞌ ndubꞌij tzij chi ri ikꞌaslen ukꞌuan roma ri irayinik, y ri ngixnojin xa achel ngenojin ri wineq ri ma ekꞌo ta pa rubꞌey ri Dios.

1 Corintios 4:16

Romariꞌ, nikꞌutuj chiwa chi tiwoqaj ri nibꞌen riyin pa nukꞌaslen.

2 Corintios 10:1

Riyin Pablo, rikꞌin ri loqꞌ ránima y jabꞌel runoꞌoj ri Cristo, kꞌo nukamelal niwojoꞌ nikꞌutuj chiwa, porque ekꞌo jujun chiꞌikajal ri ndikibꞌilaꞌ chi atoq yinkꞌo apu chiꞌikajal, xa niqasaj wiꞌ, pero atoq ma yinkꞌo ta chiꞌikajal, nim ninaꞌ chare.

2 Corintios 13:11

Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ y man ta jun oyowal chiꞌikajal. Y ri Dios ri tzꞌan ndojowan y ndiyoꞌon uxlanen kin xtikꞌojeꞌ pa iwánima.

2 Corintios 13:9

Y romariꞌ, kin tzꞌan ngojkikot atoq utz bꞌaneq ri ikꞌaslen rix, y ma ndikꞌatzin ta chi ndiqakusaj chiwij ri uchuqꞌaꞌ ruyoꞌon ri Dios pa qaqꞌaꞌ, maske chꞌaqa chik ngojkitzꞌet chi achel xa maneq ri uchuqꞌaꞌ riꞌ pa qaqꞌaꞌ. Y ndiqakꞌutuj chare ri Dios chi kin ta xtubꞌen chi ngixok nojel ri ndirajoꞌ chi ngixok.

2 Corintios 5:20

Romariꞌ, roj taqon pa rubꞌiꞌ ri Cristo chin ngojchꞌaꞌa chake konojel wineq, y atoq ngojchꞌaꞌa chake, kin achel ja ta ri Dios ri ndibꞌochiꞌin ri kánima chin kejel apu rikꞌin rijaꞌ, chin keriꞌ pa rubꞌiꞌ ri Cristo ndelesex e ri kimak jachayon kiwech rikꞌin ri Dios y ndikꞌan apu kiwech roma rijaꞌ.

2 Corintios 6:1

Romariꞌ, roj ri junan ngojsamej pa rusamaj ri Dios, ngixqapixabꞌaj: Ma tibꞌen chare ri ru-favor ri Dios ri rusipan chiwa achel maneq ta reqalen keriꞌ.

Gálatas 4:12

Hermanos, riyin chin xinbꞌen achel rix ri ma rix israelitas ta, xinel chuxeꞌ ruchuqꞌaꞌ ri ley ri xyoꞌox chare ri Moisés. Romariꞌ nikꞌutuj kamelal chiwa chi tibꞌanaꞌ achel nubꞌanun yin, ma tijuꞌ iwiꞌ chuxeꞌ ri ley riꞌ. Rix kin utz inoꞌoj xibꞌen chuwa

Filipenses 1:27

Ri más ndikꞌatzin, ja ri rukꞌuaxik ri ikꞌaslen kin ta achel ndubꞌij ri utzulej teq tzij ri ndichꞌaꞌa pa ruwiꞌ ri kolotajik ri nduyaꞌ ri Cristo. Keriꞌ nibꞌij chiwa, chin keriꞌ si xkibꞌeqaqa o ma xkibꞌeqaqa chi ta chiꞌitzꞌetik, kin ta nduqaqa rutzijol wikꞌin chi kaw rixkꞌo chiraqen ri Ajaw, jumul jun iwánima ibꞌanun, junan ngixsamej chin nditaqix ri utzulej teq tzij chin kolotajik,

Filipenses 3:16

Pero ma qojtzolij chiqij, xa kin jumul tiqꞌalajin qikꞌin ri jarupeꞌ roj kꞌiyineq pa qakꞌaslen chuwech ri Dios.

1 Tesalonicenses 5:13

Tikꞌutuꞌ chi nim keqalen pa iwech rikꞌin ri ngeꞌiwojoꞌ, porque rejeꞌ rusamaj ri Ajaw ngetajin rikꞌin. Rix iwonojel tikꞌuaj utz-utz iwiꞌ chiwech y ma jun oyowal tikꞌojeꞌ chiꞌikajal.

2 Tesalonicenses 2:1

Hermanos, jakꞌa pa ruwiꞌ ri qꞌij atoq ri Qajaw Jesucristo nditzolij pe chikaj y ndeqamoloꞌ qiꞌ rikꞌin,

1 Timoteo 5:21

Y chuwech ri Dios y ri Cristo Jesús y chikiwech ri ángeles echaꞌon, nibꞌij chawa chi tabꞌanaꞌ nojel ri nubꞌiꞌin e chawa, ma nabꞌey tanojij jun achike chirij jun si ma awetaman ta chaj ri bꞌanatajneq, y junan kiwech kaꞌatzꞌetaꞌ konojel.

2 Timoteo 4:1

Ri Ajaw Jesucristo ri nduqaqa chik jumbꞌey, y ndiqꞌalajin chi kin Rey wi, rijaꞌ nduruqꞌataꞌ tzij pa kiwiꞌ ri wineq kꞌa ekꞌes y pa kiwiꞌ ri ekamineq chi e. Chuwech rijaꞌ y chuwech ri Dios, nichilabꞌej chawa rat Timoteo,

1 Pedro 2:11

Hermanos, riyin tzꞌan ngixinwojoꞌ. Y roma ma chochꞌulew ta kꞌo ri qetzij iwachoch, y xaxe jubꞌaꞌ ngixkꞌojeꞌ e chuwech ri rochꞌulew, nikꞌutuj kamelal chiwa chi tiqꞌataꞌ iwiꞌ chuwech ri itzel teq achike ndurayij ri i-cuerpo, ri ndikajoꞌ ndikiyaꞌ ri iwánima chuxeꞌ ri kuchuqꞌaꞌ.

1 Pedro 5:10

Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo, roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ.