Santiago 4:2 - Kaqchikel Western Solola

² Riyix xa can nirayij chi iwuq'ui ta riyix c'o wi ronojel cosas, y rumari' hasta yixcamisan. Pero xa ma niwil ta. Niben ch'a'oj y oyowal. Y can q'uiy oyowal niben. Pero ma niwil ta ri achique nirayij, ruma ma nic'utuj ta chare ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

² Rix ngixjamem chirij kꞌiy achike, pero roma ma ndiwil ta, hasta ngixkamisan, y itzel ndinaꞌ chare roma utz rubꞌanun jun chik, y roma ma ngixtiker ta ndiwil ri ndiwojoꞌ, ndibꞌanalaꞌ kakaj y nimaꞌq teq oyowal chiwech. Rix maneq iwikꞌin ri ndiwojoꞌ, porque ma ndikꞌutuj ta chare ri Dios.

Kaqchikel Santa Maria de Jesus

² Ixreꞌ altíra nquiꞌirayij ri kax ri manak iviqꞌuin, rumareꞌ nquixquimisan chi nicꞌujieꞌ iviqꞌuin ri ntirayij. Pero man ntivil ta. Altíra ayoval ntiꞌan, pero man ntivil ta ri ntirayij, ruma man nticꞌutuj ta cha ri Dios.

Kaqchiquel Bible

² Rix xa kan janila yixrayin, jak'a xa man jun niwil, y roma ri' yixkamisan. Nirayij chi iwichin ta rix ri xa richin ri iwach'alal, jak'a xa man nok ta iwichin. Roma ri' niben oyowal y yixchapo-iwi' rik'in ch'abel, maneq iwik'in ri niwajo' roma man nik'utuj ta chire ri Dios.

Kaqchikel Central Guatemala

² Rix xa can janíla c'a nirayij jun cosa ri manek iviq'uin, y romari' yixcamisan, roma yalan nirayij ri cosa ri'. Pero xa man nivil ta. Niben oyoval. Janíla oyoval niben. Pero man nivil ta ri achique nirayij, roma man nic'utuj ta chire ri Dios.

Re C'ac'a Testamento pa Kach'abal

² Yex xa camas nirayij cosas re manak iviq'uin, y roma camas nirayij re cosas re' mare' yixquimisan, pero man nivel-ta. Ye'banala' ayoval, itzel ye'tz'at re vinak. Pero man nivel-ta re andex nirayij, roma man nic'utuj-ta cha re Dios.

Santiago 4:2 ပူးပေါင်းရင်းမြစ်များ

San Juan 16:24

C'a re wacami can majun c'a ri ic'utun ta chare ri Nata' pa nubi' riyin. Can tic'utuj c'a y xtic'ul, riche (rixin) chi queri' can nitz'aket ta c'a ri quicoten pa tak iwánima.

Santiago 1:5

Y wi c'o jun kach'alal chicojol ri nuna' chi c'a c'o na na'oj ri nic'atzin chare, tuc'utuj c'a chare ri Dios. Y Riya' can ma xtupokonaj ta xtuya' pe q'uiy. Queri' nuben quiq'ui quinojel ri yec'utun, y majun achique ta xtubij chique.

San Juan 4:10

C'ac'ari' ri Jesús xubij c'a chare ri ixok ri': Wi ta riyit awetaman achique chi sipanic ruya'on pe ri Dios, y awetaman ta chuka' achique c'a ri' ri nic'utun juba' ruya' chawe; xa yit ta riyit ri yac'utun aya' chare, y Riya' can ta nuya' Aya' ri can niya'o c'aslen, xcha' ri Jesús.

Santiago 5:6

Riyix beyoma' nik'abaj tzij chiquij ri winek ri choj quic'aslen, y can yecom pan ik'a'. Y ri choj quic'aslen majun niquiben riche (rixin) chi niquito' ta qui', xa choj niquiya' qui' pan ik'a'.

1 Juan 3:15

Ruma xabachique ri netzelan ri rach'alal, ri winek ri' can achi'el jun camisanel. Y riyix iwetaman chi majun c'a jun camisanel ri c'o ta ri c'aslen riche (rixin) xtibe k'ij xtibe sek riq'ui.