San Mateo 4:8 - Kaqchikel Western Solola

⁸ Y ri itzel winek xuc'uaj chic c'a ri Jesús c'a pa ruwi' jun juyu' ri nej jotol chicaj, y xuc'ut c'a chuwech ronojel ri cajawaren y ri quic'ojlen ri nima'k tak tinamit ri yec'o chuwech re ruwach'ulef.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Jumbꞌey chik ri itzel chin ndutaqchiꞌij ri Jesús, xukꞌuaj pariꞌ jun nimajuyuꞌ, y xukꞌut chuwech nojel ri reinos ekꞌo chochꞌulew y ri kibꞌeyomal.

Kaqchikel Santa Maria de Jesus

⁸ Y ri diablo xucꞌuaj chic jun bꞌay ri Jesús, y xbꞌaruyaꞌ paroꞌ jun juyuꞌ ri naj jatol chicaj, y xucꞌut choch nojiel ri naciones richin ri roch-ulief y ri quibꞌayomal.

Kaqchiquel Bible

⁸ Ri Itzel-Wineq xuk'uaj chik ri Jesús, k'a pa ruwi' jun juyu' ri janila nej jotol chikaj y xuk'ut chuwech ronojel ri ajawaren richin ri ruwach'ulew y ri kik'ojlemal.

Kaqchikel Central Guatemala

⁸ Y ri itzel-vinek xuc'uaj chic c'a jun bey ri Jesús, y xuc'uaj c'a pa ruvi' jun juyu' ri janíla nej jotol chicaj y xuc'ut ronojel tinamit richin ri ruvach'ulef chuvech. Nima'k tak tinamit y janíla quik'ij.

Re C'ac'a Testamento pa Kach'abal

⁸ Y re itzel xuc'uaj re Jesús c'a pa rue' jun loma re camas naj jotal chicaj y can xuc'ut ronojel naciones chin re ruch'ulef chach, y ronojel re quibiyomal y re quik'ij re naciones re'.

San Mateo 4:8 ပူးပေါင်းရင်းမြစ်များ

San Mateo 16:26

Ruma, ¿achique ta c'a nuc'om pe chare ri winek, wi nic'oje' ri beyomel riche (rixin) ronojel re ruwach'ulef riq'ui y wi xa ma nicolotej ta? Astape' sibilaj q'uiy ri beyomel c'o riq'ui ri winek, ma nicowin ta c'a nulok' ri c'aslen riche (rixin) xtibe k'ij xtibe sek.

Apocalipsis 11:15

Y yac'ari' tek ri ruwuk ángel xuxupuj ri rutrompeta. Y yec'o ri riq'ui quichuk'a' xech'o pe ri chila' chicaj, y xquibila' c'a: Ri tinamit ri yec'o chuwech ri ruwach'ulef, wacami ye riche (rixin) chic ri Kajaf Dios y ye riche (rixin) chic chuka' ri Cristo ri cha'on pe ruma ri Dios. Y can ya Riya' ri xtik'ato tzij riche (rixin) xtibe k'ij xtibe sek, xecha'.

1 Pedro 1:24

Y chupan c'a ri ruch'abel ri Dios ri tz'ibatal ca, nubij: Ri ruc'aslen ri winek chuwech re ruwach'ulef, xa achi'el ri k'ayis. Ruma ri k'ayis nichaki'j y niq'uis ka. Y ri ruk'ij jun winek, xa xtuben achi'el nuben rusi'j jun k'ayis. Ruma ri rusi'j jun k'ayis xa nitzak el.

San Mateo 4:5

Y yac'ari' tek ri itzel winek xuc'uaj ri Jesús c'a chupan ri lok'olaj tinamit Jerusalem, y c'a pa ruwi' ri rachoch ri Dios xberuya' wi.

San Juan 5:20

Y ruma ri Tata'ixel sibilaj yirajo' riyin ri Ruc'ajol, rumari' tek Riya' nuc'ut chinuwech ronojel ri rusamaj. Y yec'o samaj más ye nima'k que chuwech re' ri xtuc'ut chinuwech. Y tek nitz'et ri nben riyin, riyix can xtimey.