Marcos 11:7 - Kaqchikel Western Solola

⁷ Y ri discípulos ri' xquic'om c'a pe ri ti alaj bur chare ri Jesús. C'ac'ari' xquiya' c'a quitziak chrij ri chicop ri', riche (rixin) chi ri Jesús xch'oque' el chrij.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ chi xkikꞌen pe ri ral burra chare ri Jesús, y xekirikꞌ ri kikꞌul kiqꞌuꞌun choracheq ri awej, y ri Jesús xtzꞌuyeꞌ e chirij.

Kaqchikel Santa Maria de Jesus

⁷ Y xquicꞌam-pa ri alaj burro riqꞌuin ri Jesús. Y ri discípulos xquiya-el ri qui-manta chirij, y ri Jesús xchꞌoquie-el chirij.

Kaqchiquel Bible

⁷ Xkik'en k'a pe ri ti alaj bur chire ri Jesús. K'ari' xkiya-el ri kiq'u' chirij ri ti chikop, richin chi ri Jesús xch'oke-el chirij.

Kaqchikel Central Guatemala

⁷ Y ri tijoxela' ri' xquiq'uen c'a pe ri alaj burro chire ri Jesús. C'ari' xquiya' c'a quik'u' chirij ri chicop ri', richin chi ri Jesús xch'oque-el chirij.

Re C'ac'a Testamento pa Kach'abal

⁷ Y re discípulos re' xquic'am-pa re alaj burro cha re Jesús. C'are' xquiya' quik'u' chij re chicop re', chin che re Jesús xch'oque-a chij.

Marcos 11:7 ပူးပေါင်းရင်းမြစ်များ

Marcos 11:6

Y ri discípulos xquibij c'a ri rubin el ri Jesús chique. Y ri xetz'eto pe xquiya' k'ij chique chi xquic'om pe ri ti alaj bur ri'.

Marcos 11:8

Y ye q'uiy c'a chique ri winek ruma can nicajo' niquiya' ruk'ij ri Jesús, xquiriq'uila' ri nima'k tak quitziak pa rubey. Y nic'aj chic winek ruma can xcajo' xquiya' chuka' ruk'ij ri Jesús, xebequic'amala' pe ruxak tak che' ri can riche (rixin) wikbel, riche (rixin) chi xequiric' pa rubey. Y quec'ari' niquibanala' ye benak.