1 Corintios 2:9 - Kaqchikel Western Solola

⁹ Can achi'el ri nubij chupan ri ruch'abel ri Dios ri tz'ibatal ca: Majun c'a tz'eteyon ta y chuka' majun ac'axayon ta ni majun ch'oboyon ta, ri ruchojmirisan ri Dios riche (rixin) chi nuya' chique ri winek ri ye'ajowan riche (rixin). Queri' nubij ri tz'ibatal ca.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Kin achel tzꞌibꞌan kan chupan ri rutzij ri Dios ri ndubꞌij: Nixta jun tzꞌeteyon, nixta jun akꞌaxayon, Nixta jun wineq qꞌaxneq pa ránima, Ri runabꞌan ri Dios chin nduyaꞌ chake ri ngeꞌojowan richin. Keriꞌ tzꞌibꞌan kan.

Kaqchikel Santa Maria de Jesus

⁹ Can incheꞌl ri nuꞌej chupan ri ruchꞌabꞌal ri Dios ri tzꞌibꞌan can: Kax ri man jun tzꞌatayuon, ni cꞌaxayuon, ni man jun bꞌanayuon pensar, jareꞌ ri ranun preparar ri Dios chi nuyaꞌ chica ri ncaꞌjoꞌn richin. Quireꞌ nuꞌej ri tzꞌibꞌan can.

Kaqchiquel Bible

⁹ Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

Kaqchikel Central Guatemala

⁹ Can achi'el ri nubij chupan ri ruch'abel ri Dios ri tz'ibatel can: Man jun c'a tz'eteyon ri e ruchojmirisan ri Dios richin chi nuya' chique ri ye'ajovan richin. Y chuka' can man jun ri ac'axayon ni ch'oboyon ta juba'. Queri' nubij ri tz'ibatel can.

Re C'ac'a Testamento pa Kach'abal

⁹ Can ancha'l nubij chupan re ruch'abal re Dios: Man jun tz'eteyon re rubanon preparar re Dios chin che nuya' chique re ye'jovan richin. Y chuka' man jun ac'axayon-ta y runojin-ta ba', che re Dios camas q'uiy cosas rubanon preparar chaka. Quire' nubij chupan re ruch'abal re Dios re tz'iban can.

1 Corintios 2:9 ပူးပေါင်းရင်းမြစ်များ

Santiago 1:12

Jabel c'a ruwaruk'ij ri winek ri can rucukuban ruc'u'x riq'ui ri Dios y nucoch' ri tijoj pokonal ri nipe chrij. Ruma tek rucoch'on chic ronojel, ri Dios xtuya' ri lok'olaj sipanic chare, ri utzilaj c'aslen ri majun bey xtiq'uis ta. Ya lok'olaj sipanic ri' ri rubin ca ri Dios chi xtuya' chake ri yojajowan riche (rixin).

Romanos 8:28

Can ketaman c'a chi konojel riyoj ri can nikajo' ri Dios y ri can xojrusiq'uij (xojroyoj) riche (rixin) chi xoj-oc ralc'ual, Riya' can yojruto' wi tek c'o tijoj pokonal, riche (rixin) chi c'o utz nuc'om pe chake. Queri' nuben ruma chi can queri' ruch'obon pe pa kawi'.

Santiago 2:5

Wach'alal ri sibilaj yixinwajo', tich'obo' c'a jabel re xtinbij chiwe. Ri Dios ye ri pobres ri ye rucha'on riche (rixin) chi ye riye' ri' ri can nic'oje' jun quicukbel c'u'x riq'ui ri Dios ri can achi'el jun nimalaj beyomel. Y ye chuka' ri pobres ri ye rucha'on ri Dios riche (rixin) chi niquic'ul ri herencia pa rajawaren ri Dios can achi'el ri rutzujun (rusujun) chique ri ye'ajowan riche (rixin).

Hebreos 11:16

Pero riye' coyoben jun chic quitinamit ri más utz, y ri' ya ri c'o chila' chicaj, y rumari' ri Dios ma niq'uix ta nubij chi ya Riya' ri qui-Dios; ruma rubanon chic ruchojmil ri quitinamit ri acuchi (achique) xquec'oje' wi.

San Mateo 25:34

Y yac'ari' tek ri Rey xtubij chique ri yec'o pa rajquik'a': Quixam pe riyix ri ic'ulun chic ri rutzil ri Nata' Dios. Quixc'oje' c'a pa rajawaren ri Dios, ri can iwuche (iwixin) wi riyix tek xuchojmirisaj. Y ri' ruchojmirisan chic tek c'a ma jane c'o ta re ruwach'ulef.

1 Juan 4:19

Riyoj can nikajo' ri Dios, ruma chi Riya' can xojrajo' nabey.

San Juan 3:16

Ri Dios can sibilaj yerajo' ri winek ri yec'o chuwech re ruwach'ulef, y rumari' xutek c'a pe ri Ruc'ajol wawe' chuwech re ruwach'ulef. Riya' xaxu (xaxe wi) c'a jun Ruc'ajol c'o, pero xutek pe riche (rixin) chi xabachique c'a winek ri xtiniman riche (rixin), ma xtibe ta pa tijoj pokonal, xa can xtic'oje' c'a ruc'aslen riche (rixin) xtibe k'ij xtibe sek.

1 Pedro 1:12

Pero can xk'alajsex chique ri achi'a' ri' chi ronojel ri xquibij ri xtuc'ulwachij ri Cristo, ma ya ta chupan ri quitiempo riye' ri xtibanatej wi. Xa c'a ya re pa katiempo riyoj xbanatej wi. Y yac'a ch'abel ri' ri nitzijox chiwe riyix wacami cuma ri achi'a' ri can ye to'on ruma ri Lok'olaj Espíritu ri takon pe chila' chicaj, tek niquitzijoj ri lok'olaj ch'abel ri niya'o colotajic. Y ronojel c'a re' hasta ri ángeles sibilaj nicajo' niquetamaj.

San Mateo 20:23

Y ri Jesús xubij chic c'a chique: Can kitzij wi c'a chi riyix xticoch' na wi achi'el ri xtiban chuwe riyin. Chuka' can xticoch' jun tijoj pokonal achi'el ri xtink'axaj riyin. Yac'a ri nic'utuj chuwe, chi riyix niwajo' chi jun nitz'uye' ri pa wajquik'a' y jun nitz'uye' ri pa wajxocon, ri' ma pa nuk'a' ta riyin c'o wi chi nya' chiwe. Ruma ri nic'utuj riyix, ri' xa quiche (quixin) chic c'a ri xtubij ri Nata' chi utz chi xquetz'uye' chiri', xcha' ri Jesús.