1 Corintios 11:7 - Kaqchikel Western Solola

⁷ Riyoj achi'a' ma utz ta chi nikacuch ri kajolon (kawi'), ruma can yoj ruwachbel wi ri Dios y nikac'ut ri ruk'ij y ruc'ojlen Riya', y ri ixoki' niquic'ut ri quik'ij ri cachijlal.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Porque ma utz ta chi ri achi ndutzꞌapij rujolon atoq kimolon kiꞌ ri eralkꞌuaꞌl ri Dios, porque rijaꞌ rachibꞌel ri Dios y roma ri achi ndiqꞌalajin chi ri Dios nimalej ruqꞌij. Keriꞌ chuqaꞌ atoq jun ixaq ndutzꞌapij rujolon, ndiqꞌalajin chi ri rachijil kin kꞌo wi ruqꞌij.

Kaqchikel Santa Maria de Jesus

⁷ Ri achiꞌaꞌ man otz ta niquiyaꞌ tziak pa quijaluon ruma i-rachibꞌal ri Dios y niquicꞌut rukꞌij jajaꞌ, y ri ixokiꞌ niquicꞌut quikꞌij ri achiꞌaꞌ.

Kaqchiquel Bible

⁷ Ri achin man utz ta chi nukuch ri rujolon, roma kan ruwachibel ri Dios, y ruwaq'ijaj richin rija'. Y ri ixoq nuk'ut ri ruruwaq'ijaj ri rachijil.

Kaqchikel Central Guatemala

⁷ Roj achi'a' man utz ta chi nikatz'apej ri kajolon (kavi'), roma can oj ruvachibel vi ri Dios y nikac'ut ri ruk'ij y ruc'ojlen rija', y ri ixoki' niquic'ut ri quik'ij ri cachijlal.

Re C'ac'a Testamento pa Kach'abal

⁷ Yoj re yoj achi'a' man otz-ta che nakacuch tziak pa kajalom, roma ja re Dios re banayon kachin y can yoj ancha'l reja', koma yoj tak nik'alajin ruk'ij re Dios, y xa roma re ixok tak nik'alajin ruk'ij re ruchijil.

1 Corintios 11:7 ပူးပေါင်းရင်းမြစ်များ

1 Corintios 11:3

Yac'a riyin nwajo' chuka' chi riyix niwetamaj chi ri Cristo yari' ri jolomaj pa quiwi' ri achi'a', y ri achi yari' ri jolomaj pa ruwi' ri ixok. Y ya ri Dios ri jolomaj pa ruwi' ri Cristo.

Santiago 3:9

C'o jantek nikaya' ruk'ij ri Katata' Dios riq'ui ri kak'. Y c'o jantek xa nikacusaj riche (rixin) chi nikabij itzel tak ch'abel chique ri winek. Y riye' can ye ruwachbel ri Dios.

1 Corintios 11:6

Y wi yec'o ixoki' ri ma nicajo' ta niquicuch quijolon (quiwi'), tiquisocaj el ri rusmal quiwi'. Pero wi yeq'uix niquisocaj el ri rusmal quiwi', tiquicuchu' c'a ri quijolon (quiwi').

2 Corintios 8:23

Ri kach'alal c'a ri xque'apon chila' iwuq'ui, can chi ye oxi' sibilaj ye utz. Ruma ri kach'alal Tito can wachibil wi, y can yiruto' wi c'a chubanic ri samaj chicojol riyix. Y ri ye ca'i' chic kach'alal, riye' can ye takon c'a pe cuma ri iglesias y ruma ri quic'aslen riye', ri Cristo can niya'ox (nya') ruk'ij ruc'ojlen.