San Lucas 16:17 - Kakchikel Southern

¹⁷ Y chuka' nin-ij chiwe chi can más fácil chi ri rech-ulef y ri rocaj yeq'uis, pero ri nu'ij chupa ri ley can man jun tzij ri xe quiri' xtic'ue' can, xcha' ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Pero xa más fácil ndikꞌis ri kaj y ri rochꞌulew, ke chuwech man ta ndibꞌanatej ri ndubꞌij hasta ri más wíta juchꞌ tzꞌibꞌan kan chupan ri ley xyoꞌox chare ri Moisés, xchajeꞌ ri Jesús.

Kaqchikel Santa Maria de Jesus

¹⁷ Pero más fácil chi ri roch-ulief y ri rocaj can xcaꞌqꞌuis, que choch ri ley, ruma man jun letra chupan ri ley choj cala xticꞌujieꞌ can, xchaꞌ ri Jesús.

Kaqchiquel Bible

¹⁷ Jak'a más man k'ayew ta chi re ruwach'ulew y ri kaj yek'is, ke chuwech ri pixa', xcha' ri Jesús.

Kaqchikel Central Guatemala

¹⁷ Y chuka' ninbij chive, chi más man c'ayef ta chi re ruvach'ulef y ri caj yeq'uis, que chuvech ri ley. Roma ri nubij chiri', can c'o-vi c'a chi nibanatej na, y man jun ri que ta ri' xtic'oje' can, xcha' ri Jesús.

Re C'ac'a Testamento pa Kach'abal

¹⁷ Y chuka' nimbij chiva, che man can-ta c'ayef che re ruch'ulef y re rocaj ye'q'uis, que chach re ley. Roma ronojel re nubij chupan re ley tiene que nibanataj, y man jun cosa re man-ta xtibanataj.

San Lucas 16:17 ပူးပေါင်းရင်းမြစ်များ

San Mateo 5:18

Roma can ketzij nin-ij chiwe chi ronojel ri tz'iban chupa ri ley, can xquiebanataj-wi. Ri rech-ulef y ri rocaj can xquieq'uis. Pero ri je-tz'iban chupa ri ley can xquiebanataj-wi; can man jun ri xe choj quiri' xtic'ue' ta can.

San Lucas 21:33

Ri rech-ulef y ri rocaj can yeq'uis na-wi. Pero ri nutzij man xtiq'uis ta quiri', xa can xtibanataj-wi ri nu'ij.

1 Pedro 1:25

Pero ri rutzij ri Ajaf Dios can xtic'ue' chi ronojel tiempo. Quiri' tz'iban can. Y ja utzilaj tzij ri' ri xtzijos chiwe.

Romanos 3:31

¿Niben entender rix chi roj xka'ij chi ri ru-ley ri Dios, manak chic nic'atzin chique ri niquinimaj ri Jesús? Man quiri' ta. Ri kaniman chic ri Jesús, jari' ri can ketzij nakanimaj ri ley.

Apocalipsis 21:4

Y ri Dios can xtusu' jumul ri ruya'al tak quiwech, roma manak chic camic, ni ok'ej, ni jiloj y man jun chic ruquiy (k'axon) xtiquik'axaj. Roma ronojel ri' can xquieq'uis.

Apocalipsis 21:1

Y ren Juan xintzu' ri rocaj y ri rech-ulef, xejalataj yan. Can je c'ac'ac' chic. Ri rocaj y ri rech-ulef ri xec'ue' na'ey, xa manak chic jec'o, roma xejal-e. Can manak chic chuka' ri mar.

Apocalipsis 20:11

Y xintzu' jun nimalaj trono ri can sak, y xintzu' chuka' ri Jun ri ch'ocol chiri'. Y ri rocaj y ri rech-ulef ri jec'o-apo chech, can xelumaj (xenimaj) chech. Y reje' man chic xe'litaj ta pa qui-lugar. Can man xetz'etetaj ta chic.

2 Pedro 3:10

Pero ri k'ij cuando xtipe ri Ajaf, can xtu'on anche'l nu'on jun elek'om cuando ntoc pa jun jay, roma man jun etamayon jampe' xtoka. Can quiri' xtibanataj cuando xtipe ri k'ij chi ri Ajaf. Ri rocaj can yalan xtik'ajan cuando xtiq'uis, y ronojel ri je-cusan chi je-banon ronojel ri c'o, xquiejinin pa k'ak' y xquieq'uis. Ri rech-ulef re' y ronojel ri jec'o chech, xquiec'at chuka'.