1 Corintios 10:4 - Kakchikel Southern

⁴ Y xquikum chuka' ri ya' ri xuya-pe ri Dios chique. Ri ya' ri' xel-pe pa jun abaj. Y ri abaj ja ri Cristo; y raja' can benak-wi quiq'uin.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Konojel chuqaꞌ xkitij ri yaꞌ ri xuyaꞌ ri Dios chake, roma xkitij ri yaꞌ xel pe chupan ri abꞌej y ri abꞌej riꞌ, jun etal chi ri Cristo bꞌaneq chikij.

Kaqchikel Santa Maria de Jesus

⁴ Y quinojiel xquikun jeꞌ ri yaꞌ ri xuya-pa ri Dios chica, ri xiel-pa choch jun abꞌaj. Ri abꞌaj reꞌ ja ri Cristo; y jajaꞌ can bꞌanak quiqꞌuin.

Kaqchiquel Bible

⁴ chuqa' xkiqum ri ya' ri xuya-pe ri Dios chike. Ri ya' ri' xel-pe pa jun nimalej abej ri kan kachibilan. Y ri abej ri', nuk'exewachuj ri Cristo.

Kaqchikel Central Guatemala

⁴ Y que chuka' ri' xquikun ri ya' ri xuya-pe ri Dios chique. Ri ya' ri' xel c'a pe pa jun abej. Y ri abej ja ri Cristo; y rija' can benek-vi quiq'uin.

Re C'ac'a Testamento pa Kach'abal

⁴ Y chuka' xquikum re ya' re xuya-pa re Dios chique. Re ya' re' xel-pa chupan jun aboj. Y re aboj re' ja re Cristo, y re Cristo can binak-va quiq'uin.

1 Corintios 10:4 ပူးပေါင်းရင်းမြစ်များ

San Juan 7:37

Chupa ri ruq'uisbel y nimalaj k'ij chi ri jun nimak'ej ri', ri Jesús xpa'e' y riq'uin ruchuk'a' xu'ij: Xa c'o jun ri nichake'j ruchi' ri ránima, tipe wiq'uin ren, chi nich'uch'u-e ránima riq'uin ri Ya' ri xtinya-e ren che.

San Juan 4:14

Pero ri yekumu ri Ya' ri niyo'n c'aslen ri ninya' ren chique, xtu'on che ri cánima chi can manak chic xtichake'j ruchi'. Xa can xtu'on chique chi quiq'uin reje' nalex-wi ri Ya' ri', y can xtitoxlin-pe (xtichoxin-pe) chi nic'ue' quic'aslen ri man niq'uis ta.

San Juan 4:10

C'ajari' ri Jesús xu'ij che ri ixok ri': Xa ta ret aweta'n anchique ri ruyo'n-pe ri Dios, y aweta'n ta chuka' ancu'x (anchique) nuc'utuj juba' ruya' chawe; ja' ta ret ri nac'utuj ta aya' che, y raja' nuya' ta Aya' ri can niyo'n c'aslen, xcha' ri Jesús.

Colosenses 2:17

Roma ronojel ri' xe je rumujal ri Cristo. Pero cami, can ja raja' ri c'o kaq'uin y man nic'atzin ta chic ri rumujal.

Apocalipsis 22:17

Y ri Espíritu Santo y ri xten c'ulan riq'uin ri Jesucristo, niqui'ij: Quixampe. Y ri yec'oxan, can tiqui'ij chuka': Quixampe. Y ri nichake'j ruchi' y can nrojo' nipe, can tipe y tukumu' ri Ya' ri niyo'n c'aslen. Y ri Ya' re' xa nisipes.

Hebreos 10:1

Ri ley ri xuya' ri Dios che ri Moisés, man ja' ta ri' ri utzilaj tak ex ri xuc'om-pe ri Cristo. Roma ri ley ri' xe rumujal ronojel ri utzilaj tak ex ri'. Y romari' ri chicop ri yesuj chech ri Dios juna-juna' anche'l nu'ij ri ley, man yetiquier ta niquilesaj jumul quimac ri winak ri ye'apon riq'uin ri Dios.

Gálatas 4:25

Ri ixok Agar, can anche'l-wi ri trato ri x-an parui' ri juyu' rubinan Sinaí, ri c'o pa rech-ulef Arabia. Ri Agar man libre ta. Y ri nuwinak israelitas ri je aj-Jerusalem, ri can jec'o-wi chuxe' ru-ley ri Moisés, reje' chuka' man je libre ta. Xa can je anche'l ri ixok Agar ri esclava.