Romanos 9:31 - Kaqchikel Santa Maria de Jesus

³¹ Pero ri kavanakil israelitas can nicajoꞌ niquiꞌan ri nuꞌej chupan ri ru-ley ri Moisés, chi quireꞌ ntiel chi man jun chic qui-pecado choch ri Dios, pero man ncaꞌtiquir ta.

နောက်ထပ်ဗားရှင်းများ

Kaqchikel Santo Domingo (Xenacoj)

³¹ Jakꞌa ri israelitas ri ndikitij kiqꞌij chi ndikibꞌen ri ndubꞌij ri ley xyoꞌox chare ri Moisés, rejeꞌ rikꞌin ri keriꞌ ndikibꞌen xkajoꞌ ta xkil chi nixta jun kimak ndikeqalej chuwech ri Dios, pero ma xkil ta.

Kaqchiquel Bible

³¹ Jak'a ri qawinaq judío, kan nikitej-wi kiq'ij nikiben ri nubij chupan ri rupixa' ri Dios richin ta chi man jun kimak yek'ulun chuwech. Jak'a xa man yetikir ta.

Kaqchikel Central Guatemala

³¹ Jac'a ri kavinak israelitas, can niquitej-vi quik'ij richin chi man jun ta quimac yec'ulun chuvech ri Dios. Can janíla c'a niquitej quik'ij richin niquiben ta ri nubij chupan ri ru-ley ri Dios, pero man yetiquir ta.

Re C'ac'a Testamento pa Kach'abal

³¹ Jac'a re kavinak israelitas can niquitaj quik'ij chin che man-ta jun quimac ndel chach re Dios. Camas niquitaj quik'ij chin che can niquiban re nubij chupan re ru-ley re Dios, pero man ye'tiquir-ta niquiban.

Kaqchikel Western Solola

³¹ Yac'a ri kech aj Israel, can niquitij wi quik'ij ruma nicajo' yetz'etetej ruma ri Dios chi majun quimac. Can niquitij quik'ij riche (rixin) chi niquiben ta ri nubij ri ruley ri Dios, pero ma yecowin ta.

Romanos 9:31 ပူးပေါင်းရင်းမြစ်များ

Romanos 11:7

Y reꞌ nucꞌut chakavach chi ri nicꞌaj kavanakil ri i-choꞌn ruma ri Dios xquil yan jun utzulaj cꞌaslien riqꞌuin ri Dios. Pero ri nicꞌaj chic kavanakil ri man i-choꞌn ta ruma ri Dios, xa xꞌan cof cha ri cánima.

Romanos 3:20

Man jun vinak ruma rubꞌanun nojiel ri nuꞌej ri ru-ley ri Dios, can ta rumareꞌ ntiel chi man jun chic ru-pecado choch. Ri ley reꞌ xa nucꞌut chakavach chi oj pecadores.

Filipenses 3:6

Can riqꞌuin nojiel vánima xaꞌnꞌan perseguir ri quiniman chic ri Jesucristo ri niꞌeꞌx iglesia chica, xinꞌan chica chi xquiꞌan sufrir, ruma xinꞌan pensar chi quireꞌ nrajoꞌ ri Dios. Inreꞌ can xinnaꞌ chi choj ri nucꞌaslien, ruma xintej nukꞌij chi xinꞌan ri nuꞌej ri ru-ley ri Moisés.

Gálatas 3:21

¿Y xutur came ri ley ri ranun prometer ri Dios chi nuyaꞌ? Man quireꞌ ta. Pero xa ta ri ley xtiquir ta xuyaꞌ cꞌaslien, ja ta ri ley reꞌ nibꞌano chika chi man jun chic ka-pecado choch ri Dios.

Romanos 3:27

Rumareꞌ manak modo nakanaꞌ chi cꞌo kakꞌij y nakaꞌej chi otz kacꞌaslien. Ruma man xojcolotaj ta ruma otz ri xkaꞌan, xojcolotaj ruma xkacukubꞌaꞌ kacꞌuꞌx riqꞌuin ri Jesús.

Romanos 10:20

Pero más kꞌalaj ri rutzꞌibꞌan can ri profeta Isaías, ri nuꞌej: Ri vinak ri man xaꞌcanun ta vichin, xinquil. Can xincꞌut-viꞌ chiquivach, mesque man xquicꞌutuj ta pacheꞌ incꞌo-ve. Quireꞌ ri tzꞌibꞌan can.