Hebreos 8:10 - Kaqchikel Santa Maria de Jesus

¹⁰ Y rumareꞌ, ri cꞌacꞌacꞌ pacto ri xtinꞌan quiqꞌuin ri aj-Israel chupan ri kꞌij reꞌ, quireꞌ xtinꞌan cha: Xtintzꞌibꞌaj ri nu-ley riqꞌuin cánima, y xtinyaꞌ jeꞌ chupan quijaluon. Inreꞌ xquinuoc Qui-Dios, y ijejeꞌ xcaꞌuoc nutanamit.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Romariꞌ nibꞌen jun kꞌakꞌakꞌ pacto kikꞌin ri israelitas, Atoq qꞌaxneq chik ri tiempo chin ri nabꞌey pacto, Y jareꞌ rubꞌeyal, ndichajeꞌ ri Ajaw: Niyaꞌ ri nu-ley pa kinojibꞌal, Y nitzꞌibꞌaj pa kánima, Riyin nginok ri ki-Dios, Y rejeꞌ ngeꞌok nutinamit.

Kaqchiquel Bible

¹⁰ Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

Kaqchikel Central Guatemala

¹⁰ Xa roma c'a ri', quere' c'a ri rubanic ri c'ac'a' trato ri xtinben quiq'uin ri israelitas. Xtintz'ibaj ri nu-ley pa tak cánima, y chuka' xtinya' pa tak quinojibal. Xquinoc qui-Dios, y rije' xque'oc nutinamit. Jare' ri trato ri xtinben quiq'uin.

Re C'ac'a Testamento pa Kach'abal

¹⁰ Xa roma re quire' xquiban, mare' vocame jun chic-va rubanic re trato re xtimban. Re xtimban vocame, ja che can xtintz'ibaj re nu-ley pa tak cánma, y chuka' can xtinya' pa quijalom. Xquinoc qui-Dios, y reje' xque'oc nutenemit. Jare' re jun chic trato re xtimban quiq'uin.

Kaqchikel Western Solola

¹⁰ Xa rumac'ari', quec'are' rubanic ri c'ac'ac' trato ri xtinben chic quiq'ui ri israelitas, tek xtapon ri ruk'ijul: Xtinya' ri nuley pa tak quich'obonic, y xtintz'ibaj chuka' pa tak cánima. Xquinoc qui-Dios, y riye' xque'oc nutinamit. Yari' ri trato ri xtinben quiq'ui.

Hebreos 8:10 ပူးပေါင်းရင်းမြစ်များ

San Mateo 22:32

Inreꞌ in Ru-Dios ri Abraham, in Ru-Dios ri Isaac y in Ru-Dios ri Jacob. Quireꞌ xuꞌej ri Dios ojier can. Ri Dios man Qui-Dios ta ri quiminakiꞌ, xa Qui-Dios ri icꞌas, xchaꞌ ri Jesús.

Romanos 11:27

Y inreꞌ xtinvalasaj-el ri qui-pecados, ruma jareꞌ ri pacto ri xinꞌan quiqꞌuin. Quireꞌ nuꞌej ri Dios chupan ri tzꞌibꞌan can.

1 Corintios 6:16

¿O man ivataꞌn ta cꞌa chi xa jun nucꞌuaj-riꞌ riqꞌuin jun ramera, xa jun cuerpo nuꞌon riqꞌuin? Incheꞌl nuꞌej chupan ri ruchꞌabꞌal ri Dios ri tzꞌibꞌan can: Ri ache y ri ixok xa jun cuerpo xtiquiꞌan ri icaꞌyeꞌ. Quireꞌ ri tzꞌibꞌan can.

2 Corintios 3:3

Ri ka-carta ojreꞌ ri niꞌeꞌn chi otz nkojꞌan recibir, ja ri Cristo ri bꞌanayuon-pa, y ri carta reꞌ ixreꞌ. Ixreꞌ ri incheꞌl ka-carta ri nakacꞌut chiquivach ri vinak, pero man cha ta tinta tzꞌibꞌan-ve. Ruma ja ri Ru-Espíritu ri cꞌaslic Dios tzꞌibꞌayuon-ve. Man choch ta tzꞌajtzꞌak tak abꞌaj bꞌanun-ve; xa riqꞌuin ivánima tzꞌibꞌan-ve.

Tito 2:14

Jajaꞌ xuyaꞌ ri rucꞌaslien chi xquimisas pa ka-cuenta, chi xojrucol choch nojiel roch pecado y sak jeꞌ xuꞌon cha ri kacꞌaslien. Quireꞌ xuꞌon chika chi xojuoc jun tanamet richin jajaꞌ, jun tanamet ri nurayij nuꞌon ri otz.

Hebreos 11:16

Pero ijejeꞌ quiyoꞌien jun chic tanamet más otz, y reꞌ ja ri cꞌo chicaj; rumareꞌ ri Dios man niqꞌuix ta nuꞌej chi jajaꞌ Qui-Dios, ruma ranun preparar jun quitanamit ri pacheꞌ xcaꞌcꞌujie-ve.

Santiago 1:18

Y ruma ri Dios xurayij, xuyaꞌ jun cꞌacꞌacꞌ cꞌaslien chika antok xkanimaj ri ruchꞌabꞌal ri ketzij, chi quireꞌ xojuoc incheꞌl ri naꞌay tak cosechas choch jajaꞌ.

Santiago 1:21

Rumareꞌ tiyaꞌ can nojiel ri man sak ta y nojiel ri itziel tak kax y coꞌl tibꞌanaꞌ choch ri Dios, y tinimaj siempre ri ruchꞌabꞌal ri cꞌo riqꞌuin ivánima. Ruma ja chꞌabꞌal reꞌ ri nicalo ivichin.

1 Pedro 1:23

Ruma ixreꞌ cꞌo jun cꞌacꞌacꞌ icꞌaslien. Y ri cꞌaslien reꞌ man niqꞌuis ta incheꞌl ri cꞌaslien vaveꞌ choch-ulief. Ri cꞌacꞌacꞌ icꞌaslien, jareꞌ ri xivil antok xinimaj ri ruchꞌabꞌal ri Dios, ri chꞌabꞌal reꞌ ri xticꞌujieꞌ richin nojiel tiempo y nuyaꞌ cꞌaslien.

1 Pedro 2:9

Pero ixreꞌ ri iniman ri Dios, ix jun tanamet ri ix-choꞌn ruma ri Dios, ix ru-sacerdotes ri Namalaj Dios ri Ka-Rey, ix jun santa nación jeꞌ, y can ix rutanamit ri Dios. Y quireꞌ rubꞌanun jajaꞌ chiva, chi quireꞌ ntichol chi jajaꞌ can otz iviqꞌuin. Y jajaꞌ ri xalasan-pa ivichin chupan ri kꞌakuꞌn y xixruyaꞌ chupan ri namalaj sakil riqꞌuin jajaꞌ.