Hebreos 4:9 - Kaqchikel Santa Maria de Jesus

⁹ Y rumareꞌ kataꞌn chi cꞌa cꞌo jun chic uxlanien richin ri rutanamit ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Romariꞌ, qetaman chi kꞌa kꞌo jun loqꞌolej uxlanen chin rutinamit ri Dios.

Kaqchiquel Bible

⁹ Y roma ri' qetaman chi k'a k'o na jun chik uxlanen kichin ri e rutinamit ri Dios, achi'el ri ruwuq q'ij toq rija' xuxlan.

Kaqchikel Central Guatemala

⁹ Y romari' ketaman chi c'a c'o na jun chic uxlanen quichin ri e rutinamit ri Dios.

Re C'ac'a Testamento pa Kach'abal

⁹ Y mare' kataman che c'a c'o chic jun uxlanen quichin re je rutenemit re Dios.

Kaqchikel Western Solola

⁹ Y rumari' ketaman chi c'a c'o na jun uxlanen quiche (quixin) ri ye rutinamit ri Dios.

Hebreos 4:9 ပူးပေါင်းရင်းမြစ်များ

San Mateo 1:21

Ri acꞌual ri xtalax, jun chꞌiti alaꞌ, y jesus ri rubꞌeꞌ ri xtayaꞌ; ruma jajaꞌ xcaꞌrucol ri vinak choch ri qui-pecados.

Tito 2:14

Jajaꞌ xuyaꞌ ri rucꞌaslien chi xquimisas pa ka-cuenta, chi xojrucol choch nojiel roch pecado y sak jeꞌ xuꞌon cha ri kacꞌaslien. Quireꞌ xuꞌon chika chi xojuoc jun tanamet richin jajaꞌ, jun tanamet ri nurayij nuꞌon ri otz.

Hebreos 11:25

Ruma xuꞌon pensar chi más otz nuꞌon sufrir junan quiqꞌuin ri ruvanakil, ri i-rutanamit ri Dios, que choch ri jaꞌal niquicuot chupan ri man otz ta ri man nilayuj ta y xa pecado.

Hebreos 3:11

Y xinꞌan jurar ruma vayoval y xinꞌej: Ijejeꞌ man xcaꞌuoc ta chupan ri uxlanien ri niyaꞌ inreꞌ. Quireꞌ xuꞌej ri Dios.

Hebreos 4:1

Kaxiꞌij-kiꞌ choch ri Dios, ya que vacame cꞌa majaꞌ kojuoc chupan ri uxlanien ri ranun prometer ri Dios chi xtuyaꞌ chika, can kabꞌanaꞌ cuenta-kiꞌ chi quireꞌ man nibꞌanataj ta chi cꞌo jun chivach ri man xtitiquir ta xtuoc chupan ri uxlanien reꞌ.

Hebreos 4:10

Y antok jun acunak chic chupan ri uxlanien ri nuyaꞌ ri Dios, nuxlan jeꞌ riqꞌuin ri rusamaj, incheꞌl xuꞌon ri Dios, antok xuqꞌuis rubꞌanic nojiel ri xuꞌon.

Hebreos 4:3

Y ri Dios xuꞌej chiquij ri man xquinimaj ta: Inreꞌ xinꞌan jurar ruma vayoval y xinꞌej: Ijejeꞌ man xcaꞌuoc ta chupan ri uxlanien ri niyaꞌ inreꞌ. Quireꞌ xuꞌej ri Dios. Pero ojreꞌ ri kaniman ri Jesucristo, can nkojuoc chupan ri uxlanien ri nuyaꞌ ri Dios. Y ri uxlanien reꞌ xtiquir-pa antok ri Dios xuꞌon ri roch-ulief.

Hebreos 4:8

Y ri uxlanien reꞌ, man nichꞌoꞌ ta chirij ri uxlanien ri xquil vaveꞌ ri kateꞌt-kamamaꞌ antok i-cꞌamun-pa ruma ri Josué. Ruma xa ta quireꞌ, ri Dios man ta xuꞌej chic jun bꞌay chi nuyaꞌ ri uxlanien.

1 Pedro 2:10

Chupan ri tiempo ri xakꞌax can, man ix rutanamit ta ri Dios. Pero vacame, can ix rutanamit chic ri Dios. Y chupan jeꞌ ri tiempo ri xakꞌax can, man rujoyovan ta ivach. Pero vacame ri Dios can nujoyovaj ivach.

Apocalipsis 14:13

Y xinvaꞌxaj chi cꞌo jun ri nichꞌo-pa chuva chicaj, y nuꞌej: Tatzꞌibꞌaj ri xtinꞌej chava: Vacame, can jaꞌal caꞌquicuot ri xcaꞌcon y xa quiniman-el ri Ajaf, xchaꞌ. Y xinvaꞌxaj jeꞌ chi ri Espíritu Santo xuꞌej: Quireꞌ. Ruma can xcaꞌuxlan riqꞌuin ri quisamaj, y xtiyoꞌx rajal chica ri nojiel samaj ri xquiꞌan.

Apocalipsis 21:4

Y ri Dios xtisuꞌn ri ruyaꞌl quinakꞌavach, ruma manak chic camic, ni okꞌiej, ni jiluoj, ni kꞌaxomal. Ruma nojiel ri xaꞌcꞌujieꞌ naꞌay ya xaꞌkꞌax.