2 Corintios 10:15 - Kaqchikel Santa Maria de Jesus

¹⁵ Ojreꞌ man nakayaꞌ ta ka kakꞌij ruma ri samaj ri xa bꞌanun cuma nicꞌaj chic. Ri kayoꞌien ojreꞌ ja chi niqꞌuiy ri icꞌaslien choch ri Dios y nkojitoꞌ, chi quireꞌ más naj nibꞌaka ri ruchꞌabꞌal ri Dios. Ruma ri Dios quireꞌ nrajoꞌ, chi nakucꞌuaj ri ruchꞌabꞌal nicꞌaj chic lugar ri pacheꞌ nrajoꞌ jajaꞌ.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Y ma ndiqaqꞌabꞌaj ta qiꞌ chirij ri samaj kibꞌanun chꞌaqa chik chin ndiqayaꞌ qaqꞌij, porque xa ta keriꞌ ndiqabꞌen, roj eleneq ta e chupan ri rubꞌiꞌin ri Cristo chaqe chi ndiqabꞌen. Ri ndiqarayij, ja ri ndikꞌojeꞌ más ruchuqꞌaꞌ iwánima rikꞌin ri Dios, y rikꞌin riꞌ iwoma rix ndinimer ri apeꞌ nduyaꞌ qꞌij ri Dios chin ngojsamej, y keriꞌ ndibꞌanatej jun nimalej samaj.

Kaqchiquel Bible

¹⁵ Y man jun k'a nik'atzin-wi chi roj niqaya' qaq'ij roma ri samaj banon koma ch'aqa' chik. Ri qoyoben roj xaxe k'a chi rix yixk'iy ta rik'in ri ik'aslen, y toq kan ix k'iyineq chik jebel, kan junan k'a xtiqanimirisaj más ri rusamaj ri Dios. Roma kan rurayibel-wi rija', chi niqak'uaj ta ri ruch'abel kik'in ch'aqa' chik winaqi'.

Kaqchikel Central Guatemala

¹⁵ Y man jun c'a nic'atzin-vi chi roj nikaya' kak'ij roma ri samaj banon coma ch'aka' chic. Ri koyoben c'a roj ja ta ri yixq'uiy riq'uin ri ic'aslen y tok can cukurinek chic jebel ic'u'x, ivoma ta rix más nej napon-vi ri ruch'abel ri Dios. Roma ri Dios can que vi ri' ri rurayibel, chi nikac'uaj ta ri ruch'abel pa ch'aka' chic lugar ri acuchi nrajo-vi rija'.

Re C'ac'a Testamento pa Kach'abal

¹⁵ Y man jun c'a ndoc-va che yoj nakaya-ka kak'ij roma re samaj banon coma re nic'aj chic samajela'. Re kayaben yoj ja-ta che yixq'uiy riq'uin re ic'aslen y can-ta ibanon confiar-ivi' riq'uin re Dios. Chin quire' yoj c'o modo nakatzijoj re ruch'abal re Dios nic'aj chic lugares re anche' nrajo' re Dios che nakatzijoj-va.

Kaqchikel Western Solola

¹⁵ Riyoj ma nikaya' ta kak'ij ruma ri samaj ri xa banon cuma nic'aj chic. Ri koyoben c'a riyoj, ya ta chi riyix nicuke' más ic'u'x, y tek can cukul chic más ic'u'x, iwuma ta riyix más nej napon wi ri ruch'abel ri Dios. Ruma ri Dios can que wi ri' nrajo' chi nikac'uaj ri ruch'abel pa nic'aj chic lugar ri acuchi (achique) nrajo' wi Riya'.

2 Corintios 10:15 ပူးပေါင်းရင်းမြစ်များ

Hechos 5:13

Y icꞌo vinak ri man nicajoꞌ ta ncaꞌjiel quiqꞌuin ruma niquixiꞌij-quiꞌ. Pero icꞌo nicꞌaj chic vinak ri niquiyaꞌ quikꞌij.

Romanos 15:20

Quireꞌ niꞌan ruma nivajoꞌ nitzijuoj ri ru-evangelio ri Cristo pa tak lugares pacheꞌ man cataꞌn ta ri vinak chi nicꞌatzin niquinimaj ri Cristo, y man pacheꞌ ta ya xbꞌaka rutzijoxic cuma nicꞌaj chic.

2 Corintios 10:13

Ojreꞌ man xtakaꞌan ta incheꞌl niquiꞌan ijejeꞌ, chi chica-na lugar niquiju-ve-quiꞌ joꞌc chi caꞌtzꞌiet chi altíra quikꞌij. Ri kasamaj ojreꞌ joꞌc nalka pacheꞌ nrajoꞌ ri Dios y man nakamaj ta quisamaj ri nicꞌaj chic. Ri samaj ri ruyoꞌn ri Dios chuva inreꞌ y chica ri vachꞌil, nalka jeꞌ cꞌa iviqꞌuin ixreꞌ.

2 Tesalonicenses 1:3

Hermanos, siempre nakayaꞌ tiox bꞌaꞌ cha ri Dios ivuma ixreꞌ. Y can rakalien nakayaꞌ tiox bꞌaꞌ cha, ruma ixreꞌ kꞌij-kꞌij icukubꞌan más icꞌuꞌx riqꞌuin ri Dios y kꞌij-kꞌij más ntivajo-iviꞌ.