San Juan 6:17 - Kaqchikel Eastern

¹⁷ Rije' xe'oc c'a e pa jun canoa y quitz'amon c'a e bey richin que nyebe c'a pa tinamit Capernaum, ri c'o c'a lojc'an chic ruchi' ri ya'. Juis chic c'a k'eku'n chiri' y ri Jesús xa man apon tüj quiq'uin.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Rejeꞌ xeꞌok e pa jun barco y xebꞌa pariꞌ ri yaꞌ chin ngeꞌeqꞌax apu pa tinamit Cafarnaúm. Ja xchaqꞌaꞌ qa, y ri Jesús kꞌajani kebꞌerilaꞌ apeꞌ ekꞌo apu pariꞌ ri yaꞌ.

Kaqchikel Santa Maria de Jesus

¹⁷ Ijejeꞌ xaꞌuoc chupan jun barco y xaꞌa paroꞌ ri mar chi ncaꞌbꞌaka pa tanamet Capernaum. Can kꞌakuꞌn chic y ri Jesús xa majaꞌ talka quiqꞌuin.

Kaqchiquel Bible

¹⁷ Rije' xe'ok-el pa jun barco y kichapon k'a el bey richin chi yebe k'a pa tinamit Capernaum. Jak'a janila chik q'equ'm ri chiri', y ri Jesús xa man apowineq ta kik'in.

Kaqchikel Central Guatemala

¹⁷ Rije' xe'oc c'a el pa jun canoa y quichapon c'a el bey richin chi yebe c'a pa tinamit Capernaum, ri c'o c'a juc'an chic ruchi' ri ya'. Janíla chic c'a k'eku'n chiri' y ri Jesús xa man apovinek ta quiq'uin.

Re C'ac'a Testamento pa Kach'abal

¹⁷ Yoj xojoc-a pa jun canoa y xkatz'am-a bey chin che xojba pa tenemit Capernaum, re c'o c'a juc'an chic-apo ruchi' re lago. Camas chic k'oko'm y re Jesús man aponak-ta kaq'uin.

San Juan 6:17 ပူးပေါင်းရင်းမြစ်များ

Marcos 6:45

Y ri Jesús jari' tok xerucusaj-e ri rachibila' chupan ri canoa richin quenabeyüj chuvüch rija', richin quebe pa jun tinamit rubini'an Betsaida, ri c'o lojc'an ri lago. Y ri Jesús xerubün can despedir ri vinük.

San Juan 4:46

C'ateri' ri Jesús xbe chic c'a jun bey pa tinamit Caná ri c'o chiri' pa Galilea, ape' xbün que xoc ruya'al-uva ri ya'. Y chiri' pa Galilea, pa jun chic tinamit ri rubini'an Capernaum, c'o c'a jun achi nimalüj rusamajel ri rey, nye'avüj jun ruc'ajol.

San Juan 2:12

Tok ya tzurnük chic c'a can ri c'ulubic, ri Jesús rachibilan ri rute', ri ye ruchak' y ri rachibila' xebe pa tinamit Capernaum. Y xec'uje' c'a ca'i-oxi' k'ij chiri'.

San Juan 6:18

Y jari' tok xbetiquer-pe jun nimalüj cakik' pari' ri ya', jun cakik' ri juis ruchuk'a'. Y romari' ri ya' juis c'a nsilon.

San Juan 6:59

Jare' ri xbij ri Jesús cheque ri vinük israelitas ri quimolon-qui' chupan ri jay ape' ntzijos-vi ri rutzij ri Dios, chiri' pa tinamit Capernaum.