Hechos 8:2 - Kaqchikel Eastern

² Ri k'ij tok xcamsüs ri Esteban, xmuk y xok'ex juis coma jun molaj achi'a' ri c'o-vi c'a Dios pa cánima.

နောက်ထပ်ဗားရှင်းများ

Kaqchikel Santo Domingo (Xenacoj)

² Jujun teq achiꞌaꞌ eyoꞌol ruqꞌij ri Dios xbꞌekimuquꞌ ru-cuerpo ri Esteban, y tzꞌan xeꞌoqꞌ roma. Y ri qꞌij atoq xkamisex ri Esteban, chiriꞌ pa tinamit Jerusalén xtiker e chi ngetzeqlebꞌex ri kitaqin ri Ajaw chin ndibꞌan itzel chake. Konojel ri kitaqin ri Ajaw xesututex e. Ekꞌo xebꞌa pa teq tinamit chin ri rochꞌulew Judea y chin ri rochꞌulew Samaria, y xe chik ri apóstoles xekanej kan pa tinamit Jerusalén.

Kaqchikel Santa Maria de Jesus

² Y ri Esteban xmuk cuma utzulaj tak achiꞌaꞌ ri cꞌo ri Dios riqꞌuin cánima y altíra xcokꞌiej.

Kaqchiquel Bible

² Jak'a ek'o jujun achi'a' ri xbekimuqu' ri Esteban y xkoq'ej roma kan k'o-wi k'a ri Dios pa kánima.

Kaqchikel Central Guatemala

² Y ri Esteban xmuk y xok'ex janíla coma juley achi'a' ri can c'o-vi c'a Dios pa cánima.

Re C'ac'a Testamento pa Kach'abal

² Y re Esteban xmuk y camas xvok'ex coma juley chic achi'a' re can niquiya' ruk'ij re Dios.

Hechos 8:2 ပူးပေါင်းရင်းမြစ်များ

Marcos 6:29

Tok ri rachibila' ri Juan xcac'axaj que xcamsüs, xebe xquic'ama' ri ruch'acul, y xebe xquimuku'.

San Lucas 2:25

Y chiri' pa tinamit Jerusalén ri tiempo ri', c'o c'a jun achi rubini'an Simeón. Ri jun achi c'a ri', choj ri ruc'aslen y yo'ol ruk'ij ri Dios. Ri Simeón, c'o-vi c'a ri Lok'olüj Espíritu riq'uin y royoben chuka' tok npu'u ri Cristo chucolic ka rija' y chiquicolic ri ch'aka chic israelitas.

Hechos 10:2

Ri Cornelio y ri ye aj pa racho ye yo'ol c'a ruk'ij ri Dios, y nquixbij c'a qui' nyemacun chuvüch ri Dios. Y rija' chi jumul c'a nbün orar, y q'uiy c'a nyerutola-vi ri vinük ri man jun quichajin.

Hechos 2:5

Y chiri' pa tinamit Jerusalén ri k'ij ri', ye juis c'a israelitas ri nquitakej ri Dios ri quimolon-qui' richin nquiya' ruk'ij ri Dios. Ye juis c'a cheque ri yec'o pa ch'aka chic ruch'ulef, ri ye petenük.

Hechos 8:1

Ri Saulo xka' chuvüch que ri Esteban xcamsüs. Y chiri' pa tinamit Jerusalén, ja k'ij ri' tok xtz'ucutüj can chiquij ri nyetaken ri Jesucristo que juis nye'etzelüs y nban cheque que nquitij pokonül. Ri apóstoles c'a xec'uje' na can chiri' pa tinamit Jerusalén. Jac'a conojel ri ch'aka chic hermanos xetalutüj, roma yec'o xebe pa ch'aka chic tinamit chiri' pa ruch'ulef Judea, y ri ch'aka chic xebe c'a pa ruch'ulef Samaria.

Hechos 8:3

Y ri Saulo juis c'a nbün cheque ri hermanos. Ye ruyo'on-vi c'a pa pokonül, roma chi jujun chi jujun ri jay ntoc-vi richin nyeberelesala-pe, y chi ixoki' y chi achi'a' nyeberucherela-pe y c'ateri' nutük c'a quitz'apixic pa cárcel.