Hechos 21:25 - Kaqchikel Eastern

²⁵ Y cheque ri xa man ye israelitas tüj ri quitaken chic, xkatük yan c'a e vuj quiq'uin pari' ri na'oj ri c'ateri' nkatzijoj-ka. Xaxe c'a xkachilabej cheque que man tiquic'ux ti'ij richin jun chico ri xcamsüs richin xsuj chin jun dios ri man ketzij tüj, que man tiquitij quic', man tiquic'ux ti'ij ri c'a c'o na quic' ruc'uan, cachi'el ri quichin ri chico ri xejik', chuka' ri achi'a' y ri ixoki' man tiquirayij-qui' chiquivüch richin nyemacun, xquibij chin.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Pero pa kiwiꞌ ri ma israelitas ta ri kitaqin chik ri Ajaw, roj xqatzꞌibꞌaj yan e chake chi ma ndikꞌatzin ta ngekibꞌanalaꞌ nojel ri ngeqabꞌanalaꞌ roj israelitas. Xaxe xqabꞌij chake chi ma tikikꞌux ri sujun chikiwech tiox, ma tikikꞌux tiꞌij warneq kikꞌ chupan, nixta kikꞌ y ma tikikꞌamalaꞌ qa kiꞌ xa achoq na ikꞌin chin ndikibꞌen mak. Keriꞌ xkibꞌij chare ri Pablo.

Kaqchikel Santa Maria de Jesus

²⁵ Y chica ri man israelitas ta ri quiniman ri Jesucristo, xkatak yan el jun carta quiqꞌuin y xkaꞌej-el chi man nicꞌatzin ta niquiꞌan nojiel ri nuꞌej ri ley richin ri Moisés. Joꞌc xkaꞌej-el chi man tiquitej kax ri xyoꞌx chiquivach ri ídolos, man tiquitej quicꞌ, man tiquitej jun chicop ri xcon ruma xjitzꞌ chukul, y quireꞌ jeꞌ ri achiꞌaꞌ y ri ixokiꞌ man tiquicanuj-quiꞌ chi niquiꞌan pecado, xaꞌchaꞌ cha.

Kaqchiquel Bible

²⁵ Chike ri xa man qawinaq ta ri kiniman chik, xqateq yan k'a el wuj kik'in chirij re na'oj re k'ari' niqatzijoj-qa. Xaxe k'a xqachilabej chike chi man tikitej ti'ij richin jun chikop ri xkamisex richin xsuj chire jun chik dios, chi man tikitej kik', man tikitej ti'ij ri k'a k'o na kik' ruk'uan, achi'el ri kichin ri chikopi' ri xejiq', chuqa' ri achi'a' y ri ixoqi' man tikikanola-ki' richin yemakun, xecha' chire.

Kaqchikel Central Guatemala

²⁵ Y chique ri xa man e israelitas ta ri quiniman chic, xkatek yan c'a el vuj quiq'uin chirij re na'oj re c'ari' nikatzijoj-ka. Xaxe c'a xkachilabej chique chi man tiquitej ti'ij richin jun chicop ri xcamisex richin xsuj chire jun dios ri man kitzij ta, chi man tiquitej quic', man tiquitej ti'ij ri c'a c'o na quic' ruc'uan, achi'el ri quichin ri chicop ri xejik', chuka' ri achi'a' y ri ixoki' man tiquicanola-qui' richin yemacun, xecha' chire.

Re C'ac'a Testamento pa Kach'abal

²⁵ Y chique re man je israelitas-ta re quiniman chic re Jesús, xkatz'ibaj-yan-a chij re na'oj re c'a nakatzijoj-ka. Xaxe xkachalabej chique che man tiquitaj ti'ij chin jun chicop re xquimisas y sujun chic chach jun imagen re xa vinak banayon-ka, che man tiquitaj quic', man tiquitaj ti'ij re c'a c'o quic' ruc'uan, ancha'l re quich'acul re chicop ye'jik' tak ye'quimisas, chuka' re achi'a' y re ixoki' man tiquicanola-qui' chin ye'macun, xe'cha' cha re Pablo.

Hechos 21:25 ပူးပေါင်းရင်းမြစ်များ

Hechos 15:29

que man tic'ux ti'ij richin jun chico ri xcamsüs richin xsuj chin jun dios man ketzij tüj, man titij quic', ni man c'a chuka' tic'ux ti'ij ri c'a c'o na quic' ruc'uan, cachi'el ri quichin ri chico ri xejik', y chuka' ri achi'a' y ri ixoki' man tiquicanola-qui' richin nyemacun. Si ronojel c'a re' nitakej, utz c'a nyixbiyin. Dios c'a nchajin ivichin.

San Mateo 5:32

Jac'a yin ninbij chive: Ri achi ri nujüch-ri' riq'uin ri rixjayil y xa man roma tüj que ri ixok xucanoj ta chic jun achi ri achijlonel ri' nbün-vi c'a chin ri rixjayil que nmacun tok nbe chic riq'uin jun achi. Ri achi ri' nmacun-vi, y quiri' chuka' ri jun chic achi ri nuc'uan chin ri ixok, nmacun c'a chuka', roma ri ixok ri' xa c'a c'o-vi ri nabey rachijil.