Hebreos 2:8 - Kaqchikel Eastern

⁸ Ronojel ri abanun ayo'on pa ruk'a'. Pari' c'a ronojel xaya-vi. Quiri' nbij chupan ri tz'iban can. Y tok nbij que ri Dios ruyo'on chic ronojel pa ruk'a', man jun c'a ri man ta c'o pa ruk'a'. Pero ri' c'a man jani tikatz'et.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Y xabꞌen chi pa ruqꞌaꞌ rijaꞌ ndikꞌojeꞌ nojel ri achike eꞌabꞌanun. Keriꞌ tzꞌibꞌan kan. Y keriꞌ kꞌa, atoq ndubꞌij chi pa ruqꞌaꞌ rijaꞌ ndikꞌojeꞌ nojel ri erubꞌanun ri Dios, ndubꞌij tzij chi nderilaꞌ qꞌij atoq pa qaqꞌaꞌ roj wineq ndikꞌojeꞌ nojel. Pero wokami yan, kꞌajani tiqatzꞌet chi nojel kꞌo chi ta pa qaqꞌaꞌ.

Kaqchikel Santa Maria de Jesus

⁸ Nojiel ri abꞌanun ayoꞌn pa rukꞌaꞌ. Quireꞌ nuꞌej chupan ri tzꞌibꞌan can. Y antok nuꞌej chi ri Dios ruyoꞌn nojiel pa rukꞌaꞌ, man jun kax ri man ta cꞌo pa rukꞌaꞌ. Pero cꞌa majaꞌ takatzꞌat chi nojiel cꞌo chic pa rukꞌaꞌ.

Kaqchiquel Bible

⁸ Xaben chire chi xok q'atoy tzij pa ruwi' ronojel ri xaben. Ronojel k'a ri xaben xaya' pa ruq'a'. Y toq nubij chi ri Dios ruya'on chik ronojel pa ruq'a', kan man jun k'a ri man ta k'o pa ruq'a'. Jak'a man jani tiqatz'et.

Kaqchikel Central Guatemala

⁸ Ronojel ri abanon ayo'on pa ruk'a'. Can pa ruvi' c'a ronojel xaya-vi. Queri' nubij chupan ri tz'ibatel can. Y tok nubij chi ri Dios ruyo'on chic ronojel pa ruk'a', can man jun c'a ri man ta c'o pa ruk'a'. Pero ri' c'a man jani tikatz'et.

Re C'ac'a Testamento pa Kach'abal

⁸ Ronojel re abanon ayi'on pa ruk'a', y chuka' xaban cha che xpa'e' pa rue' ronojel. Quire' nubij chupan re tz'iban can. Y re' ndel che tzij che can ronojel c'o pa ruk'a', pero re' c'amaje-na takatz'at.

Hebreos 2:8 ပူးပေါင်းရင်းမြစ်များ

San Juan 13:3

Y stape' (aunque) ri Jesús retaman-vi que ronojel jachon pa ruk'a' roma ri Dios ri Rutata', y chiri' riq'uin ri Dios petenük-vi y chiri' chic ntzolij-vi-e.

1 Corintios 15:27

Cachi'el ri nbij chupan ri rutzij ri Dios, nbij que ronojel xoc pa ruk'a' ri Cristo. Y tok nbij ronojel, k'alüj que man nbij tüj que chuka' ri xyo'on chin ri xoc pa ruk'a' rija'.

1 Pedro 3:22

Ri Jesucristo xbe chila' chicaj, y vocomi c'o-apu pa rajquik'a' (ru-derecha) ri Dios. Pa ruk'a' c'a rija' yec'o-vi ri ángeles, y pa ruk'a' c'a chuka' rija' yec'o-vi ri autoridades, y ri uchuk'a' ri yec'o.

Apocalipsis 1:18

Y ja yin ri Jesucristo ri yin c'üs. Xincom na vi, pero vocomi c'o nuc'aslen richin ri chi jumul nbe-apu. Quiri' vi c'a. Y c'o chuka' autoridad pa nuk'a' richin yinc'o pari' ri camic y pari' ri lugar ape' yec'o-vi ri caminaki' ri man nquitakej tüj e.

Hebreos 1:13

Y ri Dios man jun bey xbij ta chin jun ángel: Catz'uye' pa vajquik'a' (pa nu-derecha), y nyenya' pan ak'a' ri nye'etzelan avichin, xbij ri Dios.

Apocalipsis 1:5

Y tic'ulu' c'a chuka' ri uxlanen y ri utzilüj sipanic ri nyeruspaj-pe ri Cristo, ri nbin ri ketzij, ri nabey ri xc'astüj-pe chiquicojol ri caminaki' y ri pa'ül pa quivi' conojel autoridades ri yec'o chuvüch ri ruch'ulef. Rija' nkurujo', y romari' rija' xcom y xbiyin ruquiq'uel, richin xuch'üj-e ri kamac.

Hebreos 2:5

Ri Dios man rubin tüj que ri ruch'ulef chikavüch apu, pa quik'a' ta ángeles nuya-vi richin nquibün ta mandar pari'. Man quiri' tüj. Ri autoridad ri' pa ruk'a' ri Ruc'ajol ruyo'on-vi, y jari' ri nkatzijoj roj.

San Juan 3:35

Y ri Tata'aj juis vi c'a nrajo' ri Ruc'ajol, y pa ruk'a' rija' xujüch-vi ronojel.

San Mateo 28:18

Ri Jesús xjel c'a pe quiq'uin richin ntzijon, y xbij c'a cheque: Ronojel pa nuk'a' c'a yin jachon-vi, quiri' chila' chicaj y quiri' chuka' chere' chuvüch ri ruch'ulef. Ronojel c'a ri uchuk'a' yo'on chuve.

Hebreos 1:2

Jac'a chupan ri tiempo rojc'o-vi roj, ri ruq'uisbül tiempo richin ri ruch'ulef, ri Dios ja ri Ruc'ajol ri xucusaj richin xuk'alajrisaj ri rutzij chikavüch. Ri Dios pa ruk'a' c'a ri Ruc'ajol xuya-vi ronojel. Y pa ruk'a' chuka' ri Ruc'ajol xuya-vi richin xbün ri ruch'ulef y ronojel ri c'o.