Santiago 4:7 - Kaqchikel Central Guatemala

⁷ Tiya-ivi' chuxe' rutzij ri Dios, y man tiya' k'ij chire ri itzel-vinek. Y ri itzel-vinek xtanmej c'a el chivech.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Romariꞌ, kin tijachaꞌ iwiꞌ pa ruqꞌaꞌ ri Dios. Ma tiyaꞌ lugar chare ri itzel chi ngixrutaqchiꞌij, y keriꞌ ri itzel ndanimej e y ngixruyaꞌ kan.

Kaqchikel Santa Maria de Jesus

⁷ Tijacha-iviꞌ pa rukꞌaꞌ ri Dios y man tiyaꞌ lugar cha ri diablo. Xa quireꞌ xtiꞌan, ri diablo xtunumaj chivach.

Kaqchiquel Bible

⁷ Wakami k'a tiya-iwi' chuxe' rutzij ri Dios, y man tiya' q'ij chire ri Itzel-Wineq. Keri' xa xtanimej-el chiwech.

Re C'ac'a Testamento pa Kach'abal

⁷ Y yex can tijacha-ivi' pa ruk'a' re Dios, y man tiya' k'ij cha re itzel che yixrunak. Y re itzel xtinumaj-a chivach.

Kaqchikel Western Solola

⁷ Rumari' tiya' iwi' chuxe' rutzij ri Dios, y tipaba' iwi' chuwech ri itzel winek. Y ri itzel winek xtanmej c'a el chiwech.

Santiago 4:7 ပူးပေါင်းရင်းမြစ်များ

Efesios 4:27

Man tiya' k'ij chi yixtzak pa ruk'a' ri itzel-vinek.

1 Pedro 5:6

Roma c'a ri', can tich'utinirisaj-ivi' chuvech ri Dios, roma rija' can c'o-vi ruchuk'a'. Tich'utinirisaj c'a ivi' chuvech, richin queri' tok xtapon ri k'ij, rija' xtunimirisaj ik'ij.

Hebreos 12:9

Tok roj c'a oj cocoj na, ri katata' xquiyala' xic'a'y chike, y man xeketzelaj ta romari'. Xa can xkaya' quik'ij. ¿Y man más ta cami ruc'amon chi nikanimaj rutzij ri Katata' Dios, ri achok iq'uin petenek-vi ri c'aslen richin ri kánima? Roma rija' nrajo' chi nikil ri c'aslen man q'uisel ta.

Romanos 10:3

Man quetaman ta c'a ri achique rubaniquil niquiben richin man jun quimac yec'ulun chuvech ri Dios. Man quetaman ta chi ja ri Dios nibanon. Y romari' niquitej quik'ij richin chi niquiben ri nubij ri ley richin ri Moisés y man niquinimaj ta ri Jesucristo ri takon-pe roma ri Dios, richin chi man jun quimac yec'ulun chuvech.

San Mateo 11:29

Y jac'a ri nu-yugo yin tiya-el chirij ivi' rix, roma ja ri vichin yin ri más man c'ayef ta ruc'uaxic y man al ta. Quinitzu' yin, nuc'uan jun c'aslen ch'uch'uj y nuch'utinirisan-vi'. Y can queri' tibana' rix. Can tic'uaj c'a ri nu-yugo yin, richin chi ri ivánima can xtril ta uxlanen, xcha' ri Jesús.

Efesios 5:21

Tinimala-ivi', roma ri Dios can ix rutzuliben-vi-pe.

1 Pedro 2:13

Y chi'ivonojel tinimaj c'a quitzij conojel ri k'atbel tak tzij ri ec'o, roma ri Ajaf queri' nrajo' chi niban. Tinimaj c'a rutzij ri rey, roma ja rija' ri k'atoy-tzij ri más uchuk'a' c'o pa ruk'a'.

Romanos 14:11

Achi'el ri nubij chupan ri ruch'abel ri Dios ri tz'ibatel can: Ri Ajaf nubij: Ja yin ri c'aslic Dios y can kitzij vi ri ninbij, chi conojel vinek xquexuque' chinuvech yin, y xtiquibij chi can kitzij vi chi ja yin ri Dios. Queri' nubij chupan ri tz'ibatel can.

Hechos 26:19

¡A rey Agripa! Yin can xinben c'a ri xk'alajirisex chinuvech, roma ri xk'alajirisex chinuvech chupan ri jun achi'el achic' ri', chicaj c'a petenek-vi.

Hechos 9:6

Y ri Saulo nibaybot (nibarbot) roma xibinri'il, xubij: Ajaf, ¿achique c'a ri ruc'amon chi ninben ta? xcha'. Y ri Ajaf Jesús xubij chire: Cayacatej c'a el, y cabiyin c'a pa tinamit, y chiri' xtibix c'a chave achique ri ruc'amon chi naben, xuche'ex.

Efesios 6:13

Romari' xinbij yan chive chi ticusaj ronojel ri ruyo'on ri Dios chive richin itobal; richin queri' can yixtiquir c'a nicoch' tok nipe ri itzel-vinek chivij. Y stape' q'uiy c'a pokonal ri nic'ovisaj, man yixtzak ta pa ruk'a', rix yixpa'e' c'a can choj.