Romanos 3:10 - Kaqchikel Central Guatemala

¹⁰ Queri' chuka' nubij ri ruch'abel ri Dios ri tz'ibatel can: Man jun vinek ri can choj ta ruc'aslen. Can man jun.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Achel ndubꞌij ri rutzij ri Dios tzꞌibꞌan kan: Nixta jun wineq ri chojmilej ta rukꞌaslen chuwech ri Dios, nixta jun.

Kaqchikel Santa Maria de Jesus

¹⁰ Quireꞌ jeꞌ nuꞌej ri ruchꞌabꞌal ri Dios ri tzꞌibꞌan can: Man jun vinak choj rucꞌaslien. Ni xa ta jun.

Kaqchiquel Bible

¹⁰ Keri' chuqa' nubij ri ruch'abel ri Dios,*f6* ri tz'ibatel kan: Kan man jun ri choj ta ruk'aslen, kan man jun wi ri keri'.

Re C'ac'a Testamento pa Kach'abal

¹⁰ Quire' chuka' nubij re ruch'abal re Dios re tz'iban can: Man jun vinak re choj-ta ruc'aslen. Y can man jun.

Kaqchikel Western Solola

¹⁰ Queri' chuka' nubij ri ruch'abel ri Dios ri tz'ibatal ca: Majun winek ri can ta choj ri ruc'aslen. Can ni xa ta jun.

Romanos 3:10 ပူးပေါင်းရင်းမြစ်များ

Romanos 3:23

roma can konojel xojmacun y nej xojc'oje-vi chire ri Dios ri can c'o ruk'ij-ruc'ojlen.

San Mateo 15:19

Roma xa pa cánima c'a ri vinek yepe-vi ri itzel tak ch'obonic. Chiri' nipe-vi ri ch'obonic tok yecamisan. Chiri' chuka' nipe-vi ri ch'obonic tok ri vinek ri e c'ulan y ri man e c'ulan ta niquicanola-qui' richin yemacun. Y pa cánima chuka' nipe-vi tok ye'elek', niquiyacala-pe tzij chiquij ch'aka' chic, y chuka' tok yeyok'on.

Tito 3:3

Roma tok rubanon can, roj chuka' oj nacanek riq'uin ri kach'obonic. Man xojniman ta tzij. Yalan oj sachinek ri chiri'. Man xojtiquir ta xkak'il-ki' chuvech ri mac. Xa can xkaben ronojel ri itzel ri xkarayij, y xbe kánima riq'uin ri quicoten richin re ruvach'ulef. Yalan itzel ri kac'aslen xkac'uaj. Itzel xekatz'et ri ch'aka' chic roma ri utz c'o quiq'uin. Chikachibil ki' xketzelaj-ki', y roma ri man utz ta ri kac'aslen, ri vinek xojquetzelaj chuka'.

Marcos 10:18

Y ri Jesús xubij chire: ¿Achique roma tok nabij utz chuve yin? Roma man jun vinek ri utz ta, xa can xe ri Dios ri utz.

1 Pedro 1:16

Can tibana' c'a achi'el ri nubij ri ruch'abel ri Dios ri tz'ibatel can, chi quixoc lok'olej tak vinek riq'uin ri ic'aslen, roma yin can in lok'olej vi, nicha' ri Dios. Queri' ri tz'ibatel can.

Romanos 3:4

Man que ta ri'. Ri Dios can kitzij vi nich'on, stape' ta conojel vinek man que ta ri' niquiben. Achi'el ri tz'ibatel can roma ri David. Rija' rubin can: Xtik'alajin chiquivech ri vinek chi can kitzij vi ri nabij. Y vi ec'o vinek ri janíla itzel yech'on chavij, xtik'alajin ta chuka' chi man kitzij ta ri niquibij. Queri' nubij chupan ri tz'ibatel can.

Apocalipsis 22:15

Jac'a ri can itzel quic'aslen, man xquetiquir ta xque'oc-apo chupan ri tinamit. Y que chuka' ri' xtiban chique ri aj-itza', ri achi'a' y ri ixoki' ri niquicanola-qui' richin yemacun, ri camisanela', ri yeyo'on quik'ij dios ri xa man e kitzij ta, y ri can nika' chiquivech niquitz'uc tzij. Can man xque'oc ta vi ri pa c'ac'a' tinamit.

Apocalipsis 21:8

Jac'a ri man yinquinimaj ta y ri niquixibij-qui' ye'apon pa tak tijoj-pokonal voma yin, xquentek pa k'ak'. Y can que c'a chuka' ri' xtinben quiq'uin ri man yeka' ta chinuvech, ri camisanela', ri achi'a' y ri ixoki' ri niquicanola-qui' richin yemacun, ri aj-itza', ri yeyo'on quik'ij dios ri xa man e kitzij ta, y ri e tz'ucuy tak tzij. Can xquentek na vi pa k'ak'; ri xolon riq'uin azufre nic'a'on (nivovon). Y jac'ari' ri ruca'n camic.

Romanos 11:8

Achi'el ri nubij chupan ri ruch'abel ri Dios ri tz'ibatel can: Ri Dios xuya' chique achi'el jun nimalej varan. Can achi'el ta e moyirinek y man ye'aq'uex ta. Queri' quibanon-pe. Queri' nubij chupan ri tz'ibatel can.

Romanos 3:11

Man jun ri can k'axinek ta chuvech ri achique ri' ri utz y man jun chuka' ri nicanon ta richin ri Dios.