Romanos 11:10 - Kaqchikel Central Guatemala

¹⁰ Xtik'ekumatej ta c'a ri runak' tak quivech, richin man ta xquetzu'un. Roma ta ri tijoj-pokonal, luculic ta xtiquiben y man ta xtiq'uis-el chiquij. Queri' ri rubin can ri David.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Kin ta xtiqꞌeqꞌumer qa ri kinoꞌoj, chin ma ndikikꞌoxomaj ta ri ndikitzꞌet. Y kin ta chin jumul xtilukuluꞌ qa ri rokacheq chuxeꞌ al teq eqaꞌ.

Kaqchikel Santa Maria de Jesus

¹⁰ Xtikꞌakumir cꞌa ri quinakꞌavach, chi quireꞌ man xcaꞌtzuꞌn ta; can luculic ta quij xtiquiꞌan richin nojiel tiempo. Quireꞌ ri ruꞌeꞌn can ri David.

Kaqchiquel Bible

¹⁰ Kan k'ate' ta k'a rije' xke'ok moy richin chi man yinkitzu' ta chik. Roma ta ri tijoj-poqonal, lukulik ta xtikiben y man ta xtik'is-el chikij, xcha'.

Re C'ac'a Testamento pa Kach'abal

¹⁰ Xtik'ukumutaj-ta re quinak'avach, chin che man-ta xque'tzu'un. Y can-ta nojel tiempo luculic quij xtiquiban chuxe' re quimac. Quire' re rubin can re David.

Kaqchikel Western Solola

¹⁰ Xtik'ekumatej ta c'a ri runak' tak quiwech, riche (rixin) chi ma xquetzu'un ta. Xtalucuba' ta c'a quij ronojel tiempo, ruma ri tijoj pokonal. Queri' ri rubin ca ri David.

Romanos 11:10 ပူးပေါင်းရင်းမြစ်များ

2 Pedro 2:4

Roma ri Dios ni ri ángeles man xerucoch' ta ka tok xemacun. Xa xeruq'uek chupan ri lugar richin tijoj-pokonal. Xeruq'uek c'a chupan ri lugar richin k'eku'n. Chiri' e yaquel-vi, coyoben ri k'ij tok xtik'at tzij pa quivi'.

Efesios 4:18

Rije' xa k'ekumatajinek ri quich'obonic. Can k'alaj vi chi man jun quetaman y covirinek ri cánima pa mac. Romari' man niquic'ul ta ri c'aslen ri nipe riq'uin ri Dios.

Romanos 11:8

Achi'el ri nubij chupan ri ruch'abel ri Dios ri tz'ibatel can: Ri Dios xuya' chique achi'el jun nimalej varan. Can achi'el ta e moyirinek y man ye'aq'uex ta. Queri' quibanon-pe. Queri' nubij chupan ri tz'ibatel can.

Romanos 1:21

Roma can chiquivech c'a ec'o-vi ri yek'alajirisan chi c'o Dios, xa jac'a rije' man quiyo'on ta ruk'ij-ruc'ojlen achi'el ruc'amon chi niban, ni man quimatioxin ta chire, xa ja ri man jun quejkalen ri yequich'ob; e nacanek y k'ekumatajinek ri cánima.

Judas 1:13

Y can yek'alajin-vi ri banobel ri yequibanala' ri achi'a' ri', banobel ri janíla yeq'uixbisan. Xa e achi'el jun ya' ri janíla nisilon. Can nibolko't y nivokon ruvi'. E achi'el chuka' ch'umila' ri e elenek chic el chupan ri quibey. Rije' xa can e oyoben chic roma ri lugar ri k'eku'n-k'eku'n, ri acuchi xquebec'oje-vi pa ruc'ayeval ri xa man jun bey xtiq'uis.

Judas 1:6

Y que chuka' ri' xuben ri Dios quiq'uin ri ángeles ri man chic xka' ta chiquivech ri acuchi e ruyo'on-vi y xa xquiya' can ri samaj ri ruyo'on pa quik'a' y xe'el-pe pa cachoch chila' chicaj. Rija' xeruya' chupan ri lugar richin tijoj-pokonal, ri acuchi ruyon k'eku'n c'o. Chiri' e yaquel-vi jantape'. Coyoben ri k'ij tok xtik'at tzij pa quivi'.

2 Pedro 2:17

Y ri vinek ri e sachinek, can e achi'el alaxibel-ya' ri xa e chaki'j chic. Chuka' can e achi'el sutz' ri e ruc'amon-pe cak'ik'. Re vinek c'a re', can e oyoben-vi roma ri lugar k'eku'n-k'eku'n richin tijoj-pokonal. Y richin jantape' xquebe chiri'.