Hechos 4:16 - Kaqchikel Central Guatemala

¹⁶ Y re achi'a' re' niquibila' c'a chiquivech: ¿Achique c'a nikaben chique? Roma man jun vinek vave' pa Jerusalem ri man ta etamayon chi xbanatej jun nimalej milagro. Y roj man yojtiquir ta nikevaj chuka'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Y kereꞌ ndikibꞌilaꞌ chikiwech: ¿Achike ndiqabꞌen chake ri achiꞌaꞌ riꞌ? Porque qetzij wi chi chikiqꞌaꞌ rejeꞌ xbꞌanatej jun nimalej etal, y xkitzꞌet konojel ri ekꞌo pa tinamit Jerusalén, y roj maneq cheꞌel ndiqabꞌij chi ma ke ta riꞌ.

Kaqchikel Santa Maria de Jesus

¹⁶ Y ri achiꞌaꞌ reꞌ niquiꞌej chiquivach: ¿Chica xtakaꞌan chica? Ruma quinojiel ri vinak vaveꞌ Jerusalén cataꞌn chi xbꞌanataj jun nem milagro. Y ojreꞌ man nkojtiquir ta nakavaj.

Kaqchiquel Bible

¹⁶ Nikibila' k'a chikiwech: ¿Achike k'a niqaben chike? Roma man jun wineq wawe' pa Jerusalem ri man ta etamayon chi xbanatej jun meyel banobel. Y roj man yojtikir ta niqewaj chuqa'.

Re C'ac'a Testamento pa Kach'abal

¹⁶ Y re achi'a' re' niquibila' c'a chiquivach: ¿Andex como nakaban chique? Roma man jun vinak vova' pa Jerusalén che man-ta rutaman che xbanataj re jun namalaj milagro re'. Y yoj man yojtiquir-ta nakavovaj chuka'.

Kaqchikel Western Solola

¹⁶ Niquibila' c'a chiquiwech: ¿Achique c'a nikaben chique re achi'a' re'? Ruma quinojel winek ri yec'o wawe' pa Jerusalem quetaman chi xbanatej jun nimalaj milagro. Y riyoj ma yojcowin ta nikewaj re'.

Hechos 4:16 ပူးပေါင်းရင်းမြစ်များ

San Mateo 20:7

Y ri samajela' ri' xquibij c'a: Man jun xyo'on kasamaj, xecha'. Y ri tata'aj rajaf ri ulef xubij c'a chique ri samajela' ri': Quixbesamej c'a chuka' rix pa vulef ri nuticon uva chuvech y xtinya' c'a chive ri janipe' ruc'amon chi nich'ec, xcha' chique. Y ri samajela' ri' can xebe na vi ri pa samaj.

San Mateo 27:16

Y chupan c'a ri tiempo ri', c'o c'a preso jun achin rubini'an Barrabás, jun achin ri can etaman-vi ruvech chi janíla itzel.

San Lucas 21:15

roma can ja yin ri xquiyo'on ch'abel chive. Y xtinya' chuka' etamabel chive richin queri', riq'uin ri etamabel ri' xtitz'apej quichi' ri ye'etzelan ivichin.

San Juan 12:18

Y roma c'a ri', tok ri Jesús nakaj chic c'o-vi chire ri tinamit Jerusalem, can xepe c'a richin noquic'ulu'. Ri vinek ri' can cac'axan chic c'a ri milagro ri xuben riq'uin ri Lázaro.

Hechos 6:10

Y roma ri Esteban can ja ri Lok'olej Espíritu ri xyo'on etamabel chire, romari', tok rija' xch'on, ri vinek ri e yacatajinek chirij xa man xetiquir ta riq'uin.