Hebreos 8:10 - Kaqchikel Central Guatemala

¹⁰ Xa roma c'a ri', quere' c'a ri rubanic ri c'ac'a' trato ri xtinben quiq'uin ri israelitas. Xtintz'ibaj ri nu-ley pa tak cánima, y chuka' xtinya' pa tak quinojibal. Xquinoc qui-Dios, y rije' xque'oc nutinamit. Jare' ri trato ri xtinben quiq'uin.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Romariꞌ nibꞌen jun kꞌakꞌakꞌ pacto kikꞌin ri israelitas, Atoq qꞌaxneq chik ri tiempo chin ri nabꞌey pacto, Y jareꞌ rubꞌeyal, ndichajeꞌ ri Ajaw: Niyaꞌ ri nu-ley pa kinojibꞌal, Y nitzꞌibꞌaj pa kánima, Riyin nginok ri ki-Dios, Y rejeꞌ ngeꞌok nutinamit.

Kaqchikel Santa Maria de Jesus

¹⁰ Y rumareꞌ, ri cꞌacꞌacꞌ pacto ri xtinꞌan quiqꞌuin ri aj-Israel chupan ri kꞌij reꞌ, quireꞌ xtinꞌan cha: Xtintzꞌibꞌaj ri nu-ley riqꞌuin cánima, y xtinyaꞌ jeꞌ chupan quijaluon. Inreꞌ xquinuoc Qui-Dios, y ijejeꞌ xcaꞌuoc nutanamit.

Kaqchiquel Bible

¹⁰ Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

Re C'ac'a Testamento pa Kach'abal

¹⁰ Xa roma re quire' xquiban, mare' vocame jun chic-va rubanic re trato re xtimban. Re xtimban vocame, ja che can xtintz'ibaj re nu-ley pa tak cánma, y chuka' can xtinya' pa quijalom. Xquinoc qui-Dios, y reje' xque'oc nutenemit. Jare' re jun chic trato re xtimban quiq'uin.

Kaqchikel Western Solola

¹⁰ Xa rumac'ari', quec'are' rubanic ri c'ac'ac' trato ri xtinben chic quiq'ui ri israelitas, tek xtapon ri ruk'ijul: Xtinya' ri nuley pa tak quich'obonic, y xtintz'ibaj chuka' pa tak cánima. Xquinoc qui-Dios, y riye' xque'oc nutinamit. Yari' ri trato ri xtinben quiq'ui.

Hebreos 8:10 ပူးပေါင်းရင်းမြစ်များ

2 Corintios 3:3

Ri kavuj roj ri nibin chi can kojc'ul, can ja vi c'a ri Cristo ri banayon-pe, y ri vuj ri' can ja vi rix. Ri kavuj ri nikajech roj man xabachique ta c'a chi vuj. Man riq'uin ta tinta banon-vi. Ri kavuj roj can riq'uin vi c'a ri ru-Espíritu ri c'aslic Dios tz'iban-vi-pe. Man chuvech ta chuka' tz'alen tak abej banon-vi, abej ri xa man jun nuna'. Xa can chuvech vi c'a ri ti'ij richin ri ivánima, richin can nina' c'a ri nubij ri Espíritu richin ri Dios.

1 Pedro 2:9

Jac'a rix ri iniman ri Dios, ix jun tinamit ri can cha'on-vi roma rija'. Y rix ix sacerdotes richin ri nimalej Dios. Y rix chuka' can ix jun lok'olej tinamit. Can ix rutinamit vi c'a ri Dios. Y can quere' rubanon chive richin queri' yixtiquir nitzijoj chi ri Dios yalan utz iviq'uin. Y ja rija' ri xelesan-pe ivichin chupan ri k'eku'n y xixruya' chupan ri lok'olej sakil riq'uin rija'.

Romanos 11:27

Y yin xtincuy ri quimac. Jare' ri trato ri xinben quiq'uin. Queri' nubij ri Dios chupan ri tz'ibatel can.

Santiago 1:21

Roma c'a ri' tiya' can ronojel ri man ch'ajch'oj ta y ronojel ri etzelal. Y c'o chi nich'utinirisaj-ivi' chuvech ri Dios, y titakej chi utzil ri ruch'abel ri c'o pa tak ivánima. Roma ja ch'abel ri' ri nicolon ivichin.

Tito 2:14

Ri can man xupokonaj ta xuya-ri' pa camic pa kaq'uexel, richin chi xojrucol chuvech ronojel ruvech mac y richin chuka' xuch'ajch'ojirisaj ri kac'aslen. Queri' xuben richin chi ri xojniman richin xojoc richin rija'. Y rija' nrajo' chi nibe kánima chubanic ri utz.

1 Pedro 1:23

Roma rix c'o jun c'ac'a' ic'aslen. Y re c'aslen re' man ja ta ri jun c'aslen ri niq'uis, ri xic'ul tok xixalex. Man que ta ri'. Re c'ac'a' ic'aslen, jari' ri xic'ul tok xinimaj ri ruch'abel ri Dios. Ch'abel ri can richin jantape' nic'oje', y ch'abel ri can c'o-vi c'aslen riq'uin.

Santiago 1:18

Y riq'uin ri rurayibel rija' xuya' jun c'ac'a' kac'aslen tok xkanimaj ri kitzij ruch'abel, y xojoc achi'el ri nabey tak cosecha ri ye'uc'uex-apo chire ri Dios.

San Mateo 22:32

Jac'a yin ri ru-Dios ri Abraham, ri ru-Dios ri Isaac y ri ru-Dios chuka' ri Jacob. Can que c'a ri' ri xubij ri Dios ojer can. Y xa ta ri kati't-kamama' ri' e caminaki' ta el richin jantape', ri Dios man ta qui-Dios rije', roma xa man xquec'astej ta chic pe. Ri Dios can qui-Dios vi ri c'o quic'aslen y xa man quichin ta ri caminaki', xcha' ri Jesús.

Hebreos 11:16

Pero coyoben jun ruvach'ulef más utz, ja ri chila' chicaj, y romari' ri Dios man niq'uix ta nubij chi ja rija' ri qui-Dios; roma rubanon rutzil ri quitinamit.

1 Corintios 6:16

Roma vi rix yixapon riq'uin jun ixok queri', rix jun niben riq'uin. Achi'el ri nubij chupan ri ruch'abel ri Dios ri tz'ibatel can: Ri achin y ri ixok xa jun xtiquiben che ca'i'. Queri' ri tz'ibatel can.