Hebreos 7:21 - Kaqchikel Central Guatemala

²¹ Jac'a tok ri e riy-rumam can ri Leví xe'oc sacerdotes, ri Dios man jun ri xuben ta jurar. Pero tok ri Jesús xoc Sacerdote, jari' tok ri Dios xuben jurar. Achi'el ri nubij chupan ri ruch'abel ri tz'ibatel can: Ri Ajaf Dios xuben jurar y man xtujel ta ri ruch'obonic. Rija' xubij c'a: Ja rat ri Sacerdote richin jantape', can achi'el ri Melquisedec ri xc'oje' ojer can. Queri' xubij ri Dios chire ri Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

²¹ Pero atoq ri Jesús xok Sacerdote, ri Dios kin xubꞌen jurar chare. Achel ndubꞌij chupan ri rutzij tzꞌibꞌan kan: Ri Ajaw Dios kereꞌ xubꞌen jurar Y ma ndutzolij ta rutzij: Rat, rat Sacerdote chin jumul. Keriꞌ tzꞌibꞌan kan.

Kaqchikel Santa Maria de Jesus

²¹ Antok ri i-rumáma can ri Leví xaꞌuoc sacerdotes, ri Dios man xuꞌon ta jurar. Pero antok ri Jesús xuoc Sacerdote, ri Dios can xuꞌon jurar. Incheꞌl nuꞌej chupan ri ruchꞌabꞌal ri tzꞌibꞌan can: Ri Ajaf Dios xuꞌon jurar y man xtucꞌax ta ri ranun pensar. Jajaꞌ xuꞌej: Atreꞌ ri Sacerdote richin nojiel tiempo, incheꞌl ri Melquisedec. Quireꞌ nuꞌej ri tzꞌibꞌan can.

Kaqchiquel Bible

²¹ Y toq ri Jesús xok sacerdote, jari' toq ri Dios xuya' rutzij, achi'el ri nubij chupan ri ruch'abel:*f19* Ri Jehová xuya' ri rutzij y man xtutzolij ta ri' chirij. Xubij k'a chire: Ja rat ri at sacerdote richin q'asen achi'el rubanik xinben rik'in ri Melquisedec.

Re C'ac'a Testamento pa Kach'abal

²¹ Jac'a re je rey-rumam can re Leví, tak xe'oc sacerdotes, re Dios man jun juramento xuban. Pero tak re Jesús xoc Sacerdote, jare' tak re Dios xuban jurar. Ancha'l nubij chupan re ruch'abal re tz'iban can: Re Ajaf Dios xuban jurar y man xtujal-ta re nunojij. Chuka' xubij: Ja rat re Sacerdote chin nojel tiempo, can ancha'l re Melquisedec re xc'ue' ajuer can. Quire' xubij re Dios cha re Jesús.

Kaqchikel Western Solola

²¹ Yac'a tek ri ye riy rumam ca ri Leví xe'oc sacerdotes, ri Dios majun ri xuben ta jurar. Pero tek ri Jesús xoc Sacerdote, yari' tek ri Dios xuben jurar. Achi'el ri nubij chupan ri ruch'abel ri tz'ibatal ca: Ri Ajaf Dios xuben jurar y ma xtujel ta ri ruch'obonic. Riya' xubij c'a: Yit c'a riyit ri Sacerdote ri majun bey xcajalatej ta, can achi'el ri sacerdote'il riche (rixin) ri Melquisedec ri xc'oje' ojer ca. Queri' xubij ri Dios chare ri Jesús.

Hebreos 7:21 ပူးပေါင်းရင်းမြစ်များ

Hebreos 7:17

Achi'el ri ruk'alajirisan can ri Dios: Ja rat ri Sacerdote richin jantape', can achi'el ri Melquisedec ri xc'oje' ojer can. Queri' ri ruk'alajirisan can ri Dios.

Romanos 11:29

Roma tok ri Dios nuya', can man nrelesaj ta chic. Y tok nroyoj ri rutinamit, can man nutzolij ta ri' chirij.

Hebreos 7:20

Ri Dios xuben jurar richin xk'alajin chi kitzij chi ri Jesús xoc Sacerdote.

Hebreos 7:23

Ri sacerdotes ri e riy-rumam can ri Leví e q'uiy, roma yequen (yecom). Y tok niquen-el (nicom-el) jun sacerdote, c'o chi noc chic can jun pa ruq'uexel.

Hebreos 7:28

Ri Jesús man achi'el ta c'a ri nimalej tak sacerdotes ri e riy-rumam can ri Leví. Roma rije' xa e vinek y man can ta c'o cuchuk'a'. Pero man riq'uin ri' ri ley richin ri Moisés nubij chi ye'oc nimalej tak sacerdotes. Jac'a ri Jesús can Ruc'ajol vi ri Dios. Y stape' can c'o chic ri ley, ri Dios can xuben jurar chi ri Jesús xoc Nimalej Sacerdote. Y ri Jesús oquinek Colonel richin jantape', y can nitiquir-vi nuya' colotajic.