Hebreos 11:22 - Kaqchikel Central Guatemala

²² Ri José xucukuba' chuka' ruc'u'x riq'uin ri Dios. Y romari', tok niquen yan (nicom yan), xunataj chique ri e ruvinak israelitas chi xtapon na vi ri k'ij tok ri quiy-quimam xque'el-el chupan ri ruvach'ulef ri'. Y xuchilabej can chique ri acuchi xtemuk-vi rija'.

နောက်ထပ်ဗားရှင်းများ

Kaqchikel Santo Domingo (Xenacoj)

²² Ri José roma kuqul rukꞌuꞌx rikꞌin ri Dios, chupan teq ri qꞌij atoq jubꞌaꞌ chik ndirajoꞌ chi ndiken, xukꞌuxlaꞌaj kan chake ri ruwinaqul israelitas chi nderilaꞌ qꞌij ngeꞌel e pa rochꞌulew Egipto, y xubꞌij kan ri achike ndibꞌan chare ri rubꞌaqil atoq xteqaqa ri qꞌij riꞌ.

Kaqchikel Santa Maria de Jesus

²² Ri José ruma rucukubꞌan rucꞌuꞌx riqꞌuin ri Dios, rumareꞌ antok ya nicon, xunataj chica ri ruvanakil israelitas chi xtalka jun kꞌij antok ri quimáma xcaꞌiel-el chupan ri nación Egipto. Y xuꞌej can chica chi tiquicꞌuaj ri rubꞌakil antok xcaꞌa.

Kaqchiquel Bible

²² Ri José xukuquba' chuqa' ruk'u'x rik'in ri Dios. Y roma ri', toq niken yan, xunataj kan chike ri e ruwinaq judío chi xtapon ri q'ij toq ri kiy-kimam xke'el-el chiri' pan Egipto. Y xuchilabej kan chike chi xtikik'uaj-el ri rubaqil.

Re C'ac'a Testamento pa Kach'abal

²² Re José chuka' xuban confiar-ri' riq'uin re Dios. Y mare', ja tak nicom-yan, xunataj chique re je ruvinak israelitas che can xtapon-va re k'ij tak re quiy-quimam xque'el-a chupan re nación Egipto. Y reja' can xuchalabej can chique re anche' xte'muk-va.

Kaqchikel Western Solola

²² Ri José chuka' can rucukuban ruc'u'x riq'ui ri Dios, y rumari' riya' tek ya xa nicom yan ka, xunataj c'a chique ri ye rech israelitas chi xtapon na wi jun k'ij tek ri quiy quimam xque'el el pan Egipto. Y xuchilabej ca chique chi tiquic'uaj el ri rubakil tek xquebe.

Hebreos 11:22 ပူးပေါင်းရင်းမြစ်များ

Hechos 7:16

Pero ri quich'acul, pa jun lugar rubini'an Siquem, chiri' xemuk-vi. Xemuk pa jun xoral, ri acuchi can c'o c'ojlibel richin yebemuk-vi can caminaki'. Re jun xoral re', can jac'a ri Abraham ri lok'oyon can chique ri e ralc'ual ri achin rubini'an Hamor.

San Lucas 9:31

Re e ca'i' c'a re' ec'o c'a pa jun lok'olej sakil, y yetzijon chirij ri camic ri xtuc'uaj ri Jesús pa Jerusalem. Roma ja samaj ri' ri yo'on-pe chire roma ri Dios.