Hebreos 10:38 - Kaqchikel Central Guatemala

³⁸ Ri vinek ri choj chic quic'aslen, can xtic'oje-vi quic'aslen riq'uin ri Dios roma quicukuban quic'u'x riq'uin. Pero vi xtiquiya' can, ri Dios man xtiquicot ta ránima quiq'uin. Queri' nubij ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

³⁸ Ri ma jun rumak reqalen chinuwech, kin ndiril ri qetzij kꞌaslen, roma kuqul rukꞌuꞌx wikꞌin. Pero si xtitzolij chirij y ma xkiroqaj chi ta, Ma jubꞌaꞌ xtikikot ri wánima rikꞌin. Keriꞌ tzꞌibꞌan kan.

Kaqchikel Santa Maria de Jesus

³⁸ Ri choj chic rucꞌaslien, can xticꞌujieꞌ riqꞌuin ri cꞌaslien ri man niqꞌuis ta, ruma rucukubꞌan rucꞌuꞌx viqꞌuin. Pero xa xquiruyaꞌ can, man xtiquicuot ta vánima riqꞌuin. Quireꞌ nuꞌej ri Dios.

Kaqchiquel Bible

³⁸ Ri winaqi' ri choj kik'aslen kan xkek'ase' rik'in ri kikuqubabel-k'u'x. Jak'a wi xkinkimalij kan, man xtikikot ta ri wánima kik'in.

Re C'ac'a Testamento pa Kach'abal

³⁸ Re vinak re choj chic quic'aslen, can xtic'ue' quic'aslen re man niq'uis-ta, roma quibanon confiar-qui' riq'uin re Dios. Pero vo xa xque'tzolaj chic jun bey re anche' je'elinak-va-pa, re Dios man xtiqui'cot-ta ránma quiq'uin. Quire' nubij re Dios.

Kaqchikel Western Solola

³⁸ Y ri winek ri rucukuban ruc'u'x wuq'ui, can majun rumac xtintz'et chare, y can xtril ri kitzij c'aslen. Pero wi yiruya' ca, ma xtiquicot ta wánima riq'ui, nicha' ri Dios.

Hebreos 10:38 ပူးပေါင်းရင်းမြစ်များ

Gálatas 3:11

Can k'alaj vi c'a chi man jun vinek ri tiquirel ta chi riq'uin ri ley man jun ta rumac nic'ulun chuvech ri Dios. Roma chupan ri ruch'abel ri Dios ri tz'ibatel can, nubij: Ri vinek ri choj chic quic'aslen, can xtic'oje-vi quic'aslen riq'uin ri Dios roma quicukuban quic'u'x riq'uin. Queri' nubij ri tz'ibatel can.

Romanos 1:17

Ri ch'abel richin colotajic nuk'alajirisaj chikavech achique rubanon ri Dios richin chi man jun kamac yojc'ulun chuvech. Tok nikanimaj rija', jari' tok man jun kamac yojc'ulun chuvech. Achi'el ri nubij chupan ri ruch'abel ri Dios ri tz'ibatel can: Ri vinek ri choj chic quic'aslen, can xtic'oje-vi quic'aslen riq'uin ri Dios roma quicukuban quic'u'x riq'uin. Queri' nubij ri tz'ibatel can.

San Mateo 13:21

Pero roma c'a ri can man nuq'uen ta ka ruxe' jebel ri ruch'abel ri Dios pa ránima, can man niyaloj ta c'a ri quicoten riq'uin, xa jun ca'i-oxi' oc k'ij ri utz c'o riq'uin ri Dios. Y tok yepe c'a tijoj-pokonal y netzelex roma ri runiman ri ruch'abel ri Dios, nitzak can chanin.

San Mateo 12:18

Jac'are' c'o ri Nusamajel ri nucha'on. Yin janíla ninvajo' rija'; can niquicot-vi vánima riq'uin. Can xtinya' c'a chuka' pe ri nu-Espíritu pa ruvi'; y rija' xtuk'alajirisaj c'a chiquivech ri man quetaman ta nuvech yin, ri achique nic'atzin-vi ri c'aslen choj.

1 Tesalonicenses 2:15

Y ri quivinak rije' jari' xebin chi ticamisex ri Ajaf Jesucristo. Y chuka' ja rije' ri xe'okotan-pe kichin roj. Y chuka' ri israelitas ri xec'oje' ojer can, e q'uiy achi'a' xequicamisala', achi'a' ri xek'alajirisan ri xbix chique roma ri Dios. Ri israelitas ri xec'oje' ojer can y ri e richin re tiempo re', can e junan. Man niquiben ta ri nika' chuvech ri Dios, y yequetzelaj ri vinek.

1 Juan 2:19

Xec'oje' kiq'uin, pero man e kachibil ta. Vi ta e kachibil, ec'o ta kiq'uin. Y xe'el c'a el kiq'uin, xaxe richin chi xek'alajin chi can man e kachibil ta.

Hebreos 10:39

Jac'a roj man ojc'o ta chiquicojol ri quiyo'on can ri Dios y c'a pa ruc'ayeval xquebeka-vi. Roj chiquicojol ri quicukuban quic'u'x riq'uin ri Dios richin yecolotej, chiri' ojc'o-vi.

Santiago 5:6

Ri beyoma' niquiyec ch'a'oj chiquij ri vinek choj quic'aslen, y riq'uin ri' yequen (yecom) pa quik'a'. Y ri choj quic'aslen man jun niquiben richin niquito-qui'; xa choj niquiya-qui' pa quik'a'.