Efesios 2:22 - Kaqchikel Central Guatemala

²² Ri Jesucristo can que c'a chuka' ri' nuben iviq'uin rix, roma iniman. Yixrucusaj c'a chuka' chire ri rachoch ri Dios, roma c'o chic ri Lok'olej Espíritu pa tak ivánima.

နောက်ထပ်ဗားရှင်းများ

Kaqchikel Santo Domingo (Xenacoj)

²² Y keriꞌ chuqaꞌ rix roma itaqin ri Jesucristo, ngixkꞌiy pa ikꞌaslen chiraqen ri Dios chin ngixok rachoch, roma ri Espíritu Santo ri kꞌo pa iwánima.

Kaqchikel Santa Maria de Jesus

²² Y quireꞌ jeꞌ ixreꞌ ri xa jun chic ibꞌanun riqꞌuin ri Jesucristo, can nquixrucusaj jeꞌ richin ri ru-templo ri Dios, ruma cꞌo chic ri Espíritu Santo riqꞌuin ivánima.

Kaqchiquel Bible

²² Rik'in rija', rix beneq-q'anej ik'iyinen junan kik'in konojel ri ch'aqa' chik ralk'ual ri Dios achi'el jun jay, richin yixok ri akuchi nik'ase' wi ri Espíritu richin ri Dios.

Re C'ac'a Testamento pa Kach'abal

²² Re Jesucristo can quire' chuka' nuban iviq'uin yex, roma iniman chic. Yixrucusaj chuka' cha re rachoch re Dios, roma c'o chic re Espíritu Santo pa tak ivánma.

Kaqchikel Western Solola

²² Y queri' chuka' riyix ri xa jun chic ibanon riq'ui ri Jesucristo, can yixucusex chare ri rachoch ri Dios, ruma c'o chic ri Lok'olaj Espíritu pa tak iwánima.

Efesios 2:22 ပူးပေါင်းရင်းမြစ်များ

1 Corintios 3:16

¿Man ivetaman ta c'a rix chi ix rachoch ri Dios? ¿Man ivetaman ta c'a chi ri Lok'olej Espíritu richin ri Dios c'o pa tak ivánima?

1 Corintios 3:9

Roma kachibil ki' pa rusamaj ri Dios, y rix ix achi'el rulef ri Dios ri can nusamajij-vi. Rix chuka' ix achi'el jun jay ri nuben ri Dios.

1 Corintios 6:19

¿Man ivetaman ta c'a chi ix rachoch ri Lok'olej Espíritu? Rija' petenek riq'uin ri Dios, y pa tak ivánima c'o-vi. Y romari' man utz ta chi rix niben xabachique ta ri nivajo'.

2 Corintios 6:16

¿Can jebel ta cami c'a nuc'uaj-ri' ri rachoch ri Dios quiq'uin ri vachibel? Roma rix can ix rachoch vi ri c'aslic Dios. Ri Dios can queri' vi c'a rubin: Xquic'oje' y xquibiyin c'a quiq'uin. Rije' can xque'oc-vi c'a nutinamit y yin xquinoc qui-Dios.

Efesios 3:17

Ninc'utuj chuka' chire chi xtuben ta chive chi can ticukuba' ic'u'x riq'uin, richin chi can benek-ruvech nic'oje' ri Cristo pa tak ivánima. Y riq'uin ri' can ta xtuq'uen-ka ruxe' ri ajovabel iviq'uin y nitique' chiri' pan ivánima.

1 Juan 3:24

Y vi yekaben ri yerubij, jun kabanon riq'uin rija', y chuka' rija' can c'o pa tak kánima. Y ketaman chi can c'o pa tak kánima, roma c'o ri Lok'olej Espíritu ri ruyo'on chike.

1 Juan 4:13

Y chuka' ketaman chi jun kabanon riq'uin ri Dios y rija' can c'o pa tak kánima, roma c'o ri Rulok'olej Espíritu ri ruyo'on chike.

1 Juan 4:16

Y rija' can yojrajo-vi. Y roj chuka' can kacukuban kac'u'x riq'uin rija', y ketaman chi yojrajo', roma rija' can najovan-vi. Y vi yojajovan, jun c'a kabanon riq'uin ri Dios, y rija' c'o pa tak kánima.