Apocalipsis 17:18 - Kaqchikel Central Guatemala

¹⁸ Y ri ixok ri xatz'et, jac'a ri jun nimalej tinamit ri c'o pa quivi' ri ch'aka' chic tinamit richin ri ruvach'ulef.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Y ri ixaq xatzꞌet, ja ri nimalej tinamit ri kꞌo uchuqꞌaꞌ pa ruqꞌaꞌ pa kiwiꞌ ri reyes chochꞌulew.

Kaqchikel Santa Maria de Jesus

¹⁸ Y ri ixok ri xatzꞌat, ja ri nem tanamet ri cꞌo pa quiveꞌ ri reyes ri icꞌo choch-ulief.

Kaqchiquel Bible

¹⁸ Y ri ixoq ri xatz'et, ja ri jun nimalej tinamit ri k'o pa kiwi' ri ch'aqa' chik tinamit richin ri ruwach'ulew, xcha'.

Re C'ac'a Testamento pa Kach'abal

¹⁸ Y re ixok re xatz'at, jac'a re' re jun namalaj tenemit re c'o pa quive' re naciones re jec'o chach re ruch'ulef.

Kaqchikel Western Solola

¹⁸ Y ri ixok ri xatz'et, yac'ari' ri jun nimalaj tinamit ri c'o pa quiwi' ri aj k'atbel tak tzij riche (rixin) ri ruwach'ulef.

Apocalipsis 17:18 ပူးပေါင်းရင်းမြစ်များ

Apocalipsis 16:19

Y ri acuchi c'o-vi ri nimalej tinamit xjakatej ri ruvach'ulef roma ri silonel (cab-raken). Pan oxi' c'a xuben chire ri tinamit ri'. Y ri ch'aka' chic c'a nima'k tak tinamit ri ec'o chuvech ri ruvach'ulef, can xebe-vi c'a chuka' pan ulef. Xetzak. Ri Dios can ja yan c'a ri' xunataj ri nimalej tinamit Babilonia, y can c'o-vi c'a chi nuben ruq'uexel chique ri vinek aj chiri'. Romari' ri Dios xuben chique chi tiquikumu' ri royoval rija'.

Apocalipsis 18:2

Can riq'uin c'a ruchuk'a' nich'on, y nubij: Vacami xtzak yan, vacami xtzak yan ri nimalej tinamit Babilonia. Vacami xa oquinek chic c'a jay richin niquimol-qui' itzel tak espíritu. Y chiri' chuka' c'o-vi quisoc itzel y tz'ilolej tak aj-xic' chicop.

Apocalipsis 12:4

Y re itzel quek rij dragón re', xaxe c'a riq'uin ri rujey xerumes-pe jubama nic'aj chique ri ch'umila' ri ec'o chicaj, y xeruq'uek c'a pa ruvi' ri ruvach'ulef. C'ari' xbec'oje-apo ri chuvech ri ixok ri nic'oje' yan ral. Ruchajin-apo jampe' xtic'oje' ri ac'ual, richin queri' nutej-el.

San Lucas 2:1

Y chupan c'a ri k'ij ri', ri pa ru-tiempo ri Augusto César ri jun nimalej k'atoy-tzij, jari' tok xtak rubixic chique conojel vinek chi neban jun tz'iban bi'aj.

Apocalipsis 11:8

Y ri quich'acul xquec'oje' c'a can ri pa nima-bey richin ri nimalej tinamit Jerusalem. Tinamit ri acuchi chuka' xcamisex-vi chuva ri cruz ri Kajaf Jesucristo, y tinamit ri nibix chuka' Sodoma y Egipto chire, roma ri itzel tak quibanobal ri vinek ri ec'o chiri'. Can e achi'el ri vinek ri xec'oje' ri pa Sodoma y ri pan Egipto.