2 Corintios 12:5 - Kaqchikel Central Guatemala

⁵ Ri achin ri xuc'uex c'a chila' chicaj can c'o-vi c'a ruk'ij chinuvech yin, y rija' can ruc'amon-vi chi nuya' ruk'ij. Jac'a yin man jun bey xtinya' ta nuk'ij. Pero xa ta nic'atzin chi ninya' nuk'ij, nintzijoj ta ri e nuc'ulvachilon, y ronojel ri' xa niquik'alajirisaj chi yin manek vuchuk'a'.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Riyin kꞌo cheꞌel niyaꞌ ruqꞌij ri achi riꞌ roma ri xbꞌerakꞌaxaj, pero nuyon chinuwech ma niyaꞌ ta qa nuqꞌij. Pero si niyaꞌ jubꞌaꞌ nuqꞌij, ngichꞌaꞌa pa ruwiꞌ ri nuqꞌasan pa nukꞌaslen ri ngekꞌutu chi xa yin relik wineq y maneq ok wuchuqꞌaꞌ.

Kaqchikel Santa Maria de Jesus

⁵ Ri ache ri xucꞌuax cꞌa chicaj can cꞌo-ve rukꞌij chinoch inreꞌ, jajaꞌ can otz-ve chi nuyaꞌ rukꞌij. Inreꞌ man jun bꞌay xtinyaꞌ ta ka nukꞌij. Pero xa ta nicꞌatzin chi niyaꞌ nukꞌij, nitzijuoj ri nukꞌasan chupan ri nucꞌaslien, ri nucꞌut chi xa inreꞌ manak vuchukꞌaꞌ.

Kaqchiquel Bible

⁵ Ri achin ri xuk'uex chila' chikaj, kan ruk'amon-wi k'a chi niya'ox ruq'ij. Jak'a yin man jun bey xtinya' ta qa nuq'ij. Jak'a wi nik'atzin chi ninya' nuq'ij, xaxe k'a xtintzijoj ri nikiq'alajirisaj chi yin maneq wuchuq'a'.

Re C'ac'a Testamento pa Kach'abal

⁵ Chinoch yen re ache re xc'uax chila' chicaj c'o ruk'ij, y mare' can otz-va che nimbij che c'o ruk'ij. Jac'a yen man jun bey xtinya-ta nuk'ij. Pero xe-ta ninjo' ninya' nuk'ij, nintzijoj-ta re cosas c'ayef je'nk'asan y ronojel re' nuc'ut che nayon manak vuchuk'a'.

Kaqchikel Western Solola

⁵ Ri achi ri xuc'uex c'a chila' chicaj can utz wi c'a chi niya'ox (nya') ruk'ij. Yac'a riyin ma xtinya' ta nuk'ij. Pero xa ta rajawaxic chi nya' nuk'ij, ntzijoj ta ri ye nc'ulwachin ri nuc'ut chi xa yin winek y majun wuchuk'a'.

2 Corintios 12:5 ပူးပေါင်းရင်းမြစ်များ

2 Corintios 11:30

Ronojel ri xinbij-ka nuc'ut chi yin xa manek vuchuk'a'. Pero yin tok nic'atzin chi ninya' nuk'ij, jari' ri nincusaj richin ninya' nuk'ij.

1 Corintios 2:3

Y tok xic'oje' iviq'uin, xinna' chi ri pa nuyonil ka yin man jun yitiquir ninben. Xa janíla xinxibij-vi' roma riq'uin juba' man ninben ta chi utzil ri rusamaj ri Dios chi'icojol. Y romari' hasta xibaybot (xibarbot).

San Mateo 8:17

Richin queri' can nibanatej c'a ri rubin can ri Isaías, ri jun ri xk'alajirisan ri ruch'abel ri Dios ojer can. Ri Isaías que c'a re' ri rubin can chirij ri Jesús: Xerelesaj c'a el kayabilal konojel, y xuc'uaj c'a ronojel kak'axomal. Queri' ri rubin can.

2 Corintios 12:1

Y can kitzij vi chi man ruc'amon ta chuve yin chi ninya' nuk'ij. Pero vacami yin xaxe c'a yich'on juba' chirij ri nuc'ut ri Ajaf chuvech ri niniman richin. Roma can c'o c'a ri nuc'ut chuvech pan achi'el tak achic', y c'o chuka' yeruk'alajirisaj chuvech.