1 Corintios 7:27 - Kaqchikel Central Guatemala

²⁷ Romari' ri kach'alal achin ri c'o chic rixjayil, tic'oje' c'a riq'uin. Y ri kach'alal ri manek rixjayil, tic'oje' can queri'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁷ Ri achi kꞌo chik rixjayil, y ri kꞌajol ri rubꞌanun chik ruwech chi ndikꞌuleꞌ, ma tikitzolij kitzij, jakꞌa ri kiyon ekꞌo, más utz kekꞌojeꞌ kiyon.

Kaqchikel Santa Maria de Jesus

²⁷ Rumareꞌ ri cꞌo chic raxjayil, ticꞌujieꞌ riqꞌuin. Y ri manak raxjayil, man tuꞌon preocupar-riꞌ chi nicꞌulieꞌ.

Kaqchiquel Bible

²⁷ Jak'a rix achijlonela' man tijech-iwi' kik'in ri iwixjayilal. Y ri maneq kixjayilal, man kek'ule'.

Re C'ac'a Testamento pa Kach'abal

²⁷ Mare' re hermano re c'o chic ruxayil, tic'ue' riq'uin. Y re hermano manak ruxayil, tic'ue' c'a rion.

Kaqchikel Western Solola

²⁷ Rumari' ri kach'alal achi ri ruchojmirisan chic chi nic'ule', ma tutzolij ta ri' chrij. Y ri kach'alal ri ma ruch'obon ta chi nucanoj ixok, man c'a tucanoj ta, xa tic'oje' chi queri'.

1 Corintios 7:27 ပူးပေါင်းရင်းမြစ်များ

1 Corintios 7:20

Ri c'ac'a' c'aslen ri nuya' ri Dios chike man ja ta c'a ri' ri nubij chi tikaya' can, ri c'ac'a' c'aslen nrajo' c'a chi ja ri banobel man e utz ta ri quekaya' can. Xa can nubij c'a chi kojc'oje' can achi'el tok xojoyox roma ri Dios.

1 Corintios 7:26

Yin ninch'ob chi roma yalan e c'ayef re k'ij ojc'o-vi, más utz kojc'oje' can achi'el kabanon.

1 Corintios 7:28

Roma vi ec'o ri yec'ule', niquitej pokon, y yin man ninvajo' ta chi rix nic'ulvachij queri'. Pero chuka' vi c'o jun kach'alal achin ri nrajo' nic'ule', tic'ule' c'a, man mac ta. Y que chuka' ri' jun xten, vi nrajo' nic'ule', tic'ule' c'a.