1 Corintios 15:26 - Kaqchikel Central Guatemala

²⁶ Y ri ruq'uisibel ri xtuch'ec chique ri ye'etzelan richin, jac'a ri camic.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Y chikiwech konojel ri itzel ngetzꞌeto ri Cristo, ri rukꞌisibꞌel ri ndelesex ri uchuqꞌaꞌ kꞌo pa ruqꞌaꞌ, ja ri kamik.

Kaqchikel Santa Maria de Jesus

²⁶ Y ri ruqꞌuisbꞌal ru-enemigo ri xtiqꞌuis, ja ri camic.

Kaqchiquel Bible

²⁶ Y ri ruk'isibel ri xtich'akatej, ja ri kamik.

Re C'ac'a Testamento pa Kach'abal

²⁶ Y re ruq'uisibal re xtuch'ac ja re camic.

Kaqchikel Western Solola

²⁶ Y ri ruq'uisbel chique ri ye'etzelan riche (rixin) ri xtuchup ruwech, ya c'a ri camic.

1 Corintios 15:26 ပူးပေါင်းရင်းမြစ်များ

San Lucas 20:36

Roma rije' man chic xtapon ta ri camic quiq'uin, roma xque'oc achi'el ri ángeles y chuka' e ralc'ual ri Dios roma e c'astajinek chic el.

1 Corintios 15:55

Y romari', ¿c'a xtich'acon cami ri camic? Man xtich'acon ta chic. ¿Can c'a c'o cami mukunic xqueban? Man jun chic. Queri' nubij ri tz'ibatel can.

2 Timoteo 1:10

Y vacami xoc'ulun yan el ri Kacolonel Jesucristo. Rija' xrelesaj ri ruchuk'a' ri camic. Rija' xuc'ut chikavech ri utzilej ch'abel richin colotajic, y riq'uin ri' xuk'alajirisaj chikavech ri c'aslen ri man q'uisel ta, y xojrelesaj chuka' pa ruk'a' ri camic.

Hebreos 2:14

Roj ri ralc'ual chic ri Dios xa oj vinek, y romari' ri Jesús xoc chuka' achi'el roj vinek. Rija' xquen (xcom) richin xch'acon chirij ri c'o camic pa ruk'a'. Y ri c'o ri camic pa ruk'a', ja ri itzel-vinek.

Apocalipsis 20:13

Can conojel c'a ri caminaki' e pa'el-apo chuvech ri Dios, can conojel ri e yacon richin nik'at tzij pa quivi'. Ec'o c'a apo ri xquic'ulvachij-el quicamic chupan ri nimalej ya' nibix mar chire, y ec'o chuka' apo ri xquic'ulvachij-el quicamic juc'an chic. Y can achi'el ri quibanobal ri xquibanala-el chiquijujunal ri caminaki' ri', queri' ri k'atoj-tzij ri xban pa quivi'.

Apocalipsis 20:14

Y can jari' tok man xtic'ulvachitej ta chic camic, ni man xtic'oje' ta chuka' chic ri lugar ri richin yeyac-vi ri caminaki' richin nik'at tzij pa quivi', roma xa xqueq'uis che ca'i', ri camic y ri lugar. Xquebeq'uis c'a ri pa k'ak'. Y jac'a ri k'ak' ri ruca'n camic, ri can xtibe-ruvech.

Apocalipsis 21:4

Y ri Dios can xtusu' c'a el ri ruya'al tak runak'-quivech, roma can xtuben chi xtiq'uis el ri k'axomal y ri jiloj. Can xtiq'uis-el chuka' ri camic y ri ok'ej. Can xqueq'uis c'a ronojel. Ri xec'oje' rubanon can, man jun chic quetal, xcha'.