San Mateo 6:26 - GT:cak:Kaqchikel

²⁶ Que'itz'eta' c'a ri ch'utik chicop ri yeropop yebe chicaj, manak tico'n niqui'en, manak cosecha niquelesaj, nis-ta manak quic'ujay richin yeyacon-vi. Pero ri aj-chicaj Itata' yerutzuk. Y rix más c'o ivakale'n que chiquivech ri ch'utik chicop ri'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁶ Tiyaꞌ cuenta chake ri aj xikꞌ teq chikap ngerapap chikaj, rejeꞌ ma ngetikon ta, nixta ndikimal ruwech tikoꞌ, y nixta ndikiyek ruwech tikoꞌ pa teq yakbꞌel, pero ri aj chikaj Itataꞌ Dios ngerutzuq. ¡Y rix más iweqalen ke chikiwech ri chikap riꞌ!

Kaqchikel Santa Maria de Jesus

²⁶ Quiꞌitzꞌataꞌ ri chicop ri cꞌo quixicꞌ; man ncaꞌtico ta, y manak niquiꞌan cosechar, ni manak jeꞌ quicꞌujay chi niquiyac. Pero ijejeꞌ ncaꞌvaꞌ, ruma ja ri Itataꞌ ri cꞌo chicaj ncaꞌtzuku. ¿Man ivakalien ta came ixreꞌ más que chiquivach ijejeꞌ?

Kaqchiquel Bible

²⁶ Ke'itz'eta' ri aj-xik' taq chikopi'; rije' man yetikonej ta, y chuqa' maneq kitiko'n nikelesaj jun juna', ni maneq chuqa' kik'ujay richin kiyakon ta kijal. Man rik'in ri' rije' yewa', roma ja ri aj-chikajil qatata' ri niya'on kiway. ¿Man más ta k'a iwejqalen rix ke chikiwech ri aj-xik' taq chikopi' ri'?

Kaqchikel Central Guatemala

²⁶ Que'itz'eta' na pe' ri aj-xic' tak chicop ri yebe pa cak'ik', rije' man yetico'n ta, y romari' manek cosecha niquelesaj juna-juna', ni manek chuka' quic'ujay richin quiyacon ta quijal. Man riq'uin ri' rije' yeva', roma ja ri aj-chicajil Itata' ri niyo'on quivay. C'a ta la' c'a rix man ta xtuya' ivay ri Dios, tok rix más ivejkalen que chiquivech ri aj-xic' tak chicop. Xa roma c'a ri' man más tich'ob ri'.

Re C'ac'a Testamento pa Kach'abal

²⁶ Titz'eta-na-pa' ch'utak chicop c'o quixic' re ye'ba pa cak'ik', reje' man ye'ticon-ta y manak cosecha niquilisaj juna-juna', y manak chuka' cachoch chin niquiyacala' qui-cosecha. Pero reje' ye'va', roma ja re Irta' re c'o chila' chicaj re nitzuku quichin. C'alapa' c'a yex che re Dios man-ta xtuya' ivay, roma yex c'o más ivajkalen que chiquivach re ch'utak chicop c'o quixic' re ye'ba pa cak'ik'. Xa mare' man tinojij más re andex ndoc chiva k'ij-k'ij.

San Mateo 6:26 ပူးပေါင်းရင်းမြစ်များ

San Mateo 6:32

Roma ri man quiniman ta ri Dios, yexule-yejote' chunojixic achique lugar niquiq'uen-vi ri achique nic'atzin chique. Jac'a ri aj-chicaj Itata' reteman chi ronojel re' nic'atzin chive.

San Mateo 7:9

Rix ri rix tata'aj, ¿achique ta jun chive nuya' jun abaj pa ruk'a' ri ralc'ua'l, tok ri ac'ual xa jun pan nuc'utuj?

San Lucas 12:18

Pero quire' xtin-en: Xquenyoj ri cocoj tak nuc'ujay, xtin-en más chovon chique, y chupan ri' xtinyec-vi ronojel ri ninmol ruchi', y ronojel ri nuchajin.