San Juan 12:38 - GT:cak:Kaqchikel

³⁸ richin quiri' nibanataj ri rutz'iban can ri profeta Isaías, tok xu'ij: Ajaf, man eq'uiy ta xeniman ri ach'abel ri kayo'on rutzijol. Man eq'uiy ta ri (k'axnak, novinak) chiquivech ri nimalaj avuchuk'a'. Quiri' ri rutz'iban can ri Isaías.

နောက်ထပ်ဗားရှင်းများ

Kaqchikel Santo Domingo (Xenacoj)

³⁸ chin keriꞌ xbꞌanatej ri rubꞌiꞌin kan ri profeta Isaías ojer, atoq xubꞌij: Ajaw, ¿kꞌo kami xetaqin ri qabꞌiꞌin pe pa abꞌiꞌ? ¿Kꞌo kami jun xarutaqij atoq xqꞌalajrisex ri nimalej awuchuqꞌaꞌ chuwech? Keriꞌ rubꞌiꞌin kan ri Isaías.

Kaqchikel Santa Maria de Jesus

³⁸ Y quireꞌ ri xbꞌanataj, chi nuꞌon cumplir ri rutzꞌibꞌan can ri profeta Isaías. Jajaꞌ rutzꞌibꞌan can: Ajaf, ¿chica xniman ri atzij ri xkatzijuoj? ¿Cꞌo came jun vinak ri xutzꞌat ri a-poder? Quireꞌ nuꞌej ri rutzꞌibꞌan can ri Isaías.

Kaqchiquel Bible

³⁸ Y kere' k'a ri xbanatej, roma kan k'o k'a chi nibanatej na ri e tz'ibatel kan*f16* roma ri Isaías, ri q'alajirisey ruch'abel ri Dios ojer. Rija' rutz'iban k'a kan: ¿Achike ta k'a xtiniman ri niqabij? ¿Y achoq pa ruwi' xq'alajin-wi ruchuq'a' ri Jehová?, xcha'.

Kaqchikel Central Guatemala

³⁸ Y que c'a re' xbanatej, roma can c'o c'a chi nibanatej na ri e tz'ibatel can. Can c'o na chi xbanatej ri rutz'iban can ri Isaías, ri jun ri xk'alajirisan ri ruch'abel ri Dios ojer can. Rija' rutz'iban c'a can: Ajaf, ¿ri ach'abel ri xkatzijoj chique ri vinek, can c'o cami c'a jun ri xniman? ¿C'o cami c'a jun ri xk'ax yan chuvech, roma xutz'et ri avuchuk'a'? Queri' nubij ri rutz'iban can ri Isaías.

Re C'ac'a Testamento pa Kach'abal

³⁸ Y quire' xbanataj, roma tiene que nibanataj re rutz'iban can re Isaías re jun rusamajel re Dios re xc'ue' ajuer can, re xbex profeta cha. Y ja quire' nubij re rutz'iban can reja': Ajaf, tak xkatzijoj re ach'abal chique re vinak, man je q'uiy-ta re xe'niman. Y chuka' man je q'uiy-ta re xk'ax pa quive' y man riq'uin re' che can xquitz'at-yan re a-poder. Quire' nubij re rutz'iban can re Isaías.

San Juan 12:38 ပူးပေါင်းရင်းမြစ်များ

Romanos 10:16

Pero man conojel ta niquinimaj ri nu'ij ri utzulaj ch'abel ri nu'ij achique ruchojmil yecolotaj ri vinak. Roma ri rutz'iban can ri Isaías nu'ij: Ajaf, man eq'uiy ta xeniman ri ach'abel ri xkatzijoj chique ri atinamit. Quiri' ri rutz'iban can.

Romanos 10:20

Pero más k'alaj ri ruch'abel ri Dios ri rutz'iban can ri Isaías, ri quire' nu'ij: Ri man xecanon ta vichin, xa xinquil. Xinc'ut-vi' chiquivech ri man xinquicanoj ta.

1 Corintios 1:24

Jac'a chiquivech ri xe'oyox roma ri Dios chi israelitas y man israelitas ta, ja ri Jesucristo ri uchuk'a' y ri kitzij utzulaj no'oj richin ri Dios.

Gálatas 1:16

jari' xuk'alajrisaj ri Ruc'ajol pa vánima, roma can runojin-vi chi yin nenya' rutzijol ri Jesucristo chique ri man israelitas ta. Man xinc'ulubej ta chic jun vinak,

San Mateo 16:17

Jac'a ri Jesús quire' xu'ij che ri Pedro: Utzulaj tzij rubanon ri Dios chave rat Simón, ri rat ruc'ajol ri Jonás, roma ri xa'ij, man aj-roch'ulef ta xk'alajrisan chavech, xa ja ri Nata' Dios chicaj.

San Juan 19:24

Roma c'a ri', ri soldados quire' xqui'ij chiquivech: Man tikaretz ri jun tziek re'. Xa kujetz'an chirij, richin quiri' achique na xtich'acon-e, xecha'. Ronojel ri xbanataj riq'uin rutziak ri Jesús, can richin nibanataj ri tz'iban can chupan ruch'abel ri Dios ri nu'ij: Xquijachala' ri nutziak chiquivech, Y c'o che ri xe'etz'an chirij. Romari' can quiri' vi xqui'en ri soldados.

San Juan 17:12

Ri ajani k'ij yinc'o-pe quiq'uin chuvech ri roch'ulef, pan abi' enuchajin-vi-pe. Conojel ri xe'aya' chuve, yin xenchajij, y man jun chique rije' xsatz can, xaxe ri jun ri can richin vi chi manak che'el nicolotaj, richin quiri' nibanataj ri tz'iban can chupan ri ach'abel.

San Juan 15:25

Pero itzel yinquitz'et richin nibanataj ri tz'iban can chupan ri ley ri yo'on chique ri nu'ij: Ri vinak itzel yinquitz'et, y xa manak roma quiri' niqui'en chuve. Quiri' nu'ij chupan ru-ley ri Dios.

San Mateo 15:7

Rix xa ca'i' rupalaj ri itzij. Can pa ruchojmil ri ru'in can ri profeta Isaías chivij chupan ri rutz'iban can ri quire' nu'ij:

San Mateo 27:35

Jac'a tok quibajin chic ri Jesús chuvech cruz, chi etz'anen xquijach-vi-e ri rutziak chiquivech, richin nibanataj ri ruch'abel ri profeta ojer tok xu'ij: Xquijachala' ri nutziak chiquivech; xqui'en etz'anen tzakoj chirij. Quiri' ru'in can.

San Juan 12:37

Ri Jesús masque q'uiy milagros xerubanala' chiquivech ri vinak, pero rije' man xquinimaj ta,

San Juan 12:39

Y ri vinak re' man yetiquer ta niquinimaj, roma ri profeta Isaías c'o chic jun tzij ru'in can ri quire' nu'ij: