Hechos 13:34 - GT:cak:Kaqchikel

³⁴ Ri Dios xuc'asoj ri Jesús chiquicojol ri anima'i' richin xuya' chic ruc'aslen ri man jun bey xtiq'uis, achel rusujun chique ri kati't-kamama', ri quire' nuij: Ri nusujun che ri rey David chi can ninpokonaj ruvech, can quiri' vi xtin-en iviq'uin, nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁴ Y ri Dios kin rubꞌanun chi pe ruwech chi ndukꞌastajbꞌaꞌ pe ri Jesús chikikajal ri animaꞌiꞌ y chi ndubꞌen chare chi ma jumbꞌey chik ndiken, atoq kereꞌ xubꞌij ojer kan: Riyin niyaꞌ chiwa rix israelitas ri loqꞌolej teq favores ri nusujun chare ri rey David, xchajeꞌ ri Dios.

Kaqchikel Santa Maria de Jesus

³⁴ Y ri ruchꞌabꞌal ri Dios nuꞌej jeꞌ: Y ri nuꞌeꞌn cha ri David chi niyaꞌ, can ketzij, y can niyaꞌ chiva ixreꞌ, nichaꞌ. Quireꞌ xuꞌej ri Dios chi nucꞌut chakavach chi ri Jesús can xcꞌasos ruma jajaꞌ chiquicajol ri quiminakiꞌ, y man chic xticon ta.

Kaqchiquel Bible

³⁴ Ri ruch'abel ri Dios nubij k'a chuqa': Ri loq'olej utzil ri nusujun chire ri rey David, kan qitzij wi, y kan ninya' chuqa' chiwe rix, nicha'.*f27* Keri' xubij ri Dios richin nuk'ut chiqawech chi ri Jesús kan xk'asox-wi roma ri Dios, y man chik xtiken ta.

Kaqchikel Central Guatemala

³⁴ Y ri ruch'abel ri Dios nubij c'a chuka': Ri utzil ri nusujun chire ri rey David, can kitzij vi, y can ninya' chuka' chive rix, nicha'. Queri' xubij ri Dios richin nuc'ut chikavech chi ri Jesús can xc'asox-vi roma ri Dios chiquicojol ri caminaki', y man chic xtiquen ta (xticom ta).

Re C'ac'a Testamento pa Kach'abal

³⁴ Y re ruch'abal re Dios nubij chuka': Re utzil re nsujun cha re Rey David, can katzij-va, y can ninya' chuka' chiva yex, nicha'. Quire' xubij re Dios chin che nuc'ut chakavach che re Jesús can xc'asos-va re ru-cuerpo roma re Dios chiquicojol re anama'i', y man chic xticom-ta.

Hechos 13:34 ပူးပေါင်းရင်းမြစ်များ

Romanos 6:9

Roma keteman chi riq'uin xc'asos-e ri Jesucristo chiquicojol ri anima'i', man (nicom, niquen) ta chic, roma manak chic ruk'a' ri camic che.

Hechos 13:37

Jac'a ri Jesús man xk'ey ta ri ru-cuerpo, roma ri Dios xu'on chi xc'astaj-pe chiquicojol ri anima'i'.

Hechos 2:24

Jac'a ri Dios xu'on chi xc'astaj-pe ri Jesús, xrelesaj-pe pa ruk'a' ri k'axomal richin ri camic, roma manak che'el chi ri Jesús nicanaj can jumul pa ruk'a' ri camic.

Hechos 13:30

Pero ri Dios xu'on chi xc'astaj-pe chiquicojol ri anima'i'.

Hechos 13:33

ri c'a ja chikavech roj ri quiy-quimam can xu'on ri Dios chi xtzakon-vi, roma xuc'asoj-pe ri Jesús chiquicojol ri anima'i', achel tz'iban can chupan ri ruca'n salmo ri quire' nu'ij: Rat, rat Nuc'ajol, vacami xatinc'ut chiquivech chi ja yin ri yin yayon ac'aslen, nicha'.